៧-១០. បាបធម្មសុត្តចតុក្កវណ្ណនា

២០៧-២១០. សត្តមេ បាបន្តិ លាមកំ សំកិលិដ្ឋបុគ្គលំ. កល្យាណន្តិ ភទ្ទកំ អនវជ្ជបុគ្គលំ. សេសមេត្ថ ឧត្តានត្ថមេវ. អដ្ឋមេបិ ឯសេវ នយោ. នវមេ បាបធម្មន្តិ លាមកធម្មំ. កល្យាណធម្មន្តិ អនវជ្ជធម្មំ. សេសមេត្ថ ឧត្តានត្ថមេវ. ទសមេបិ ឯសេវ នយោ. ឥមស្មិំ វគ្គេ ទសសុបិ សុត្តេសុ អគារិយប្បដិបទា កថិតា. សចេបិ សោតាបន្នសកទាគាមិនោ ហោន្តិ, វដ្ដតិយេវាតិ.

សប្បុរិសវគ្គោ បឋមោ.