៥. ឧបវាណសុត្តវណ្ណនា

១៧៥-១៧៦. បញ្ចមេ វិជ្ជាយន្តករោ ហោតីតិ វិជ្ជាយ វដ្ដទុក្ខស្ស អន្តករោ ហោតិ, សកលំ វដ្ដទុក្ខំ បរិច្ឆិន្នំ បរិវដុមំ កត្វា តិដ្ឋតីតិ. សេសបទេសុបិ ឯសេវ នយោ. សឧបាទានោតិ សគហណោវ ហុត្វា. អន្តករោ អភវិស្សាតិ វដ្ដទុក្ខស្ស អន្តំ កត្វា ឋិតោ អភវិស្ស. ចរណសម្បន្នោតិ បន្នរសធម្មភេទេន ចរណេន សមន្នាគតោ. យថាភូតំ ជានំ បស្សំ អន្តករោ ហោតីតិ យថាសភាវំ មគ្គបញ្ញាយ ជានិត្វា បស្សិត្វា វដ្ដទុក្ខស្ស អន្តំ កត្វា ឋិតោ នាម ហោតីតិ អរហត្តនិកូដេន បញ្ហំ និដ្ឋបេសិ. ឆដ្ឋំ ហេដ្ឋា ឯកកនិបាតវណ្ណនាយំ វុត្តនយេនេវ វេទិតព្ពំ.