១០. គិហិសាមីចិសុត្តវណ្ណនា

៦០. ទសមេ គិហិសាមីចិបដិបទន្តិ គិហីនំ អនុច្ឆវិកំ បដិបត្តិំ. បច្ចុបដ្ឋិតោ ហោតីតិ អតិហរិត្វា ទាតុកាមតាយ បតិឧបដ្ឋិតោ ហោតិ ឧបគតោ, ភិក្ខុសង្ឃស្ស ចីវរំ ទេតីតិ អត្ថោ.

ឧបដ្ឋិតាតិ ឧបដ្ឋាយកោ. តេសំ ទិវា ច រត្តោ ចាតិ យេ ឯវំ ចតូហិ បច្ចយេហិ ឧបដ្ឋហន្តិ, តេសំ ទិវា ច រត្តិញ្ច បរិច្ចាគវសេន ច អនុស្សរណវសេន ច សទា បុញ្ញំ បវឌ្ឍតិ. សគ្គញ្ច កមតិដ្ឋានន្តិ តាទិសោ ច ភទ្ទកំ កម្មំ កត្វា សគ្គដ្ឋានំ ឧបគច្ឆតិ. ឥមេសុ ចតូសុបិ សុត្តេសុ អាគារិយបដិបទា កថិតា. សោតាបន្នសកទាគាមីនម្បិ វដ្ដតិ.

បុញ្ញាភិសន្ទវគ្គោ បឋមោ.