១០. មោរនិវាបសុត្តវណ្ណនា

១០. ទសមេ អច្ចន្តនិដ្ឋោតិ អន្តំ អតីតត្តា អច្ចន្តសង្ខាតំ អវិនាសធម្មំ និព្ពានំ និដ្ឋា អស្សាតិ អច្ចន្តនិដ្ឋោ. ឥមិនា នយេន សេសបទានិ វេទិតព្ពានិ. ជនេតស្មិន្តិ ជនិតស្មិំ, បជាយាតិ អត្ថោ. យេ គោត្តបដិសារិនោតិ យេ ជនា តស្មិំ គោត្តេ បដិសរន្តិ ‘‘អហំ គោតមោ, អហំ កស្សបោ’’តិ, តេសុ លោកេ គោត្តបដិសារីសុ ខត្តិយោ សេដ្ឋោ. អនុមតា មយាតិ មម សព្ពញ្ញុតញ្ញាណេន សទ្ធិំ សំសន្ទេត្វា ទេសិតា មយា អនុញ្ញាតា. សេសំ សព្ពត្ថ ឧត្តានត្ថមេវាតិ.

និស្សយវគ្គោ បឋមោ.

២. អនុស្សតិវគ្គោ