១-២. មហានាមសុត្តទ្វយវណ្ណនា

១១-១២. ទុតិយស្ស បឋមេ នានាវិហារេហិ វិហរតន្តិ គិហីនំ និពទ្ធោ ឯកោ វិហារោ នាម នត្ថិ, តស្មា អម្ហាកំ អនិពទ្ធវិហារេន វិហរន្តានំ កេន វិហារេន កតរេន និពទ្ធវិហារេន វិហាតព្ពន្តិ បុច្ឆតិ. អារាធកោតិ សម្បាទកោ បរិបូរកោ. ធម្មសោតសមាបន្នោ ពុទ្ធានុស្សតិំ ភាវេតីតិ ធម្មសោតសមាបន្នោ ហុត្វា ពុទ្ធានុស្សតិំ ភាវេតិ. ទុតិយេ គិលានា វុដ្ឋិតោតិ គិលានោ ហុត្វា វុដ្ឋិតោ.