៧-៨. បច្ចោរោហណីសុត្តទ្វយវណ្ណនា

១១៩-១២០. សត្តមេ បច្ចោរោហណីតិ បាបស្ស បច្ចោរោហណំ. បត្ថរិត្វាតិ សន្ថរិត្វា. អន្តរា ច វេលំ អន្តរា ច អគ្យាគារន្តិ វាលិការាសិស្ស ច អគ្គិអគារស្ស ច អន្តរេ. អដ្ឋមំ ភិក្ខុសង្ឃស្ស ទេសិតំ. សេសំ សព្ពត្ថ ឧត្តានត្ថមេវាតិ.

បច្ចោរោហណិវគ្គោ ទុតិយោ.

(១៣) ៣. បរិសុទ្ធវគ្គវណ្ណនា

១២៣. តតិយស្ស បឋមេ បរិសុទ្ធាតិ និម្មលា. បរិយោទាតាតិ បភស្សរា. ទុតិយាទីនិ ឧត្តានត្ថានេវាតិ.

បរិសុទ្ធវគ្គោ តតិយោ.

(១៤) ៤. សាធុវគ្គវណ្ណនា

១៣៤. ចតុត្ថស្ស បឋមេ សាធុន្តិ ភទ្ទកំ សិលិដ្ឋកំ. ទុតិយាទីនិ ឧត្តានត្ថានេវាតិ. អរិយមគ្គវគ្គោ ឧត្តានត្ថោយេវាតិ.

សាធុវគ្គោ ចតុត្ថោ.

តតិយបណ្ណាសកំ និដ្ឋិតំ.