៨. អក្កោសកសុត្តវណ្ណនា

៨៨. អដ្ឋមេ អក្កោសកបរិភាសកោ អរិយូបវាទី សព្រហ្មចារិនន្តិ ឯត្ថ សព្រហ្មចារិបទំ អក្កោសកបរិភាសកបទេហិ យោជេតព្ពំ ‘‘អក្កោសកោ សព្រហ្មចារីនំ, បរិភាសកោ សព្រហ្មចារីន’’ន្តិ. អរិយានំ បន គុណេ ឆិន្ទិស្សាមីតិ អន្តិមវត្ថុនា ឧបវទន្តោ អរិយូបវាទី នាម ហោតិ. សទ្ធម្មស្ស ន វោទាយន្តីតិ សិក្ខាត្តយសង្ខាតា សាសនសទ្ធម្មា អស្ស វោទានំ ន គច្ឆន្តិ. រោគាតង្កន្តិ ឯត្ថ រោគោវ កិច្ឆាជីវិតភាវករណេន អាតង្កោតិ វេទិតព្ពោ.