៧. នប្បិយសុត្តវណ្ណនា

៨៧. សត្តមេ អធិករណិកោ ហោតីតិ អធិករណការកោ ហោតិ. ន បិយតាយាតិ ន បិយភាវាយ. ន គរុតាយាតិ ន គរុភាវាយ. ន សាមញ្ញាយាតិ ន សមណធម្មភាវាយ. ន ឯកីភាវាយាតិ ន និរន្តរភាវាយ. ធម្មានំ ន និសាមកជាតិកោតិ នវន្នំ លោកុត្តរធម្មានំ ន និសាមនសភាវោ ន ឧបធារណសភាវោ. ន បដិសល្លានោតិ ន បដិសល្លីនោ. សាឋេយ្យានីតិ សឋភាវោ. កូដេយ្យានីតិ កូដភាវោ. ជិម្ហេយ្យានីតិ ន ឧជុភាវា. វង្កេយ្យានីតិ វង្កភាវា.