(៧) ឧប្បជ្ជមានននិរោធវារោ

៧៥. (ក) យស្ស ចិត្តំ ឧប្បជ្ជតិ តស្ស ចិត្តំ ន និរុជ្ឈតីតិ? អាមន្តា.

(ខ) យស្ស វា បន ចិត្តំ ន និរុជ្ឈតិ តស្ស ចិត្តំ ឧប្បជ្ជតីតិ?

និរោធសមាបន្នានំ អសញ្ញសត្តានំ តេសំ ចិត្តំ ន និរុជ្ឈតិ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ ន និរុជ្ឈតិ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ និរុជ្ឈតីតិ?

និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ និរុជ្ឈតិ. ចិត្តស្ស ភង្គក្ខណេ តេសំ ចិត្តំ ន ឧប្បជ្ជតិ ចេវ និរុជ្ឈតិ ច.

(ខ) យស្ស វា បន ចិត្តំ និរុជ្ឈតិ តស្ស ចិត្តំ ន ឧប្បជ្ជតីតិ? អាមន្តា.