១. បុគ្គលវារោ

(១) ឧប្បាទនិរោធកាលសម្ភេទវារោ

៦៣. (ក) យស្ស ចិត្តំ ឧប្បជ្ជតិ ន និរុជ្ឈតិ តស្ស ចិត្តំ និរុជ្ឈិស្សតិ ន ឧប្បជ្ជិស្សតីតិ?

បច្ឆិមចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ន ឧប្បជ្ជិស្សតិ. ឥតរេសំ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ន និរុជ្ឈតិ, និរុជ្ឈិស្សតិ ចេវ ឧប្បជ្ជិស្សតិ ច.

(ខ) យស្ស វា បន ចិត្តំ និរុជ្ឈិស្សតិ ន ឧប្បជ្ជិស្សតិ តស្ស ចិត្តំ ឧប្បជ្ជតិ ន និរុជ្ឈតីតិ? អាមន្តា.

(ក) យស្ស ចិត្តំ ន ឧប្បជ្ជតិ និរុជ្ឈតិ តស្ស ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ.

(ខ) យស្ស វា បន ចិត្តំ ន និរុជ្ឈិស្សតិ ឧប្បជ្ជិស្សតិ តស្ស ចិត្តំ ន ឧប្បជ្ជតិ និរុជ្ឈតីតិ? នត្ថិ.

(២) ឧប្បាទុប្បន្នវារោ

៦៤. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បន្នន្តិ? អាមន្តា.

(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជតីតិ?

ចិត្តស្ស ភង្គក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ ឧប្បន្នញ្ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បន្នន្តិ?

ចិត្តស្ស ភង្គក្ខណេ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន ឧប្បន្នំ. និរោធសមាបន្នានំ អសញ្ញសត្តានំ តេសំ ចិត្តំ ន ចេវ ឧប្បជ្ជតិ ន ច ឧប្បន្នំ.

(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជតីតិ? អាមន្តា.

(៣) និរោធុប្បន្នវារោ

៦៥. (ក) យស្ស ចិត្តំ និរុជ្ឈតិ តស្ស ចិត្តំ ឧប្បន្នន្តិ? អាមន្តា.

(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈតីតិ?

ចិត្តស្ស ឧប្បាទក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ និរុជ្ឈតិ. ចិត្តស្ស ភង្គក្ខណេ តេសំ ចិត្តំ ឧប្បន្នញ្ចេវ និរុជ្ឈតិ ច.

(ក) យស្ស ចិត្តំ ន និរុជ្ឈតិ តស្ស ចិត្តំ ន ឧប្បន្នន្តិ?

ចិត្តស្ស ឧប្បាទក្ខណេ តេសំ ចិត្តំ ន និរុជ្ឈតិ, នោ ច តេសំ ចិត្តំ ន ឧប្បន្នំ. និរោធសមាបន្នានំ អសញ្ញសត្តានំ តេសំ ចិត្តំ ន ចេវ និរុជ្ឈតិ ន ច ឧប្បន្នំ.

(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈតីតិ? អាមន្តា.

(៤) ឧប្បាទវារោ

៦៦. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិត្ថាតិ? អាមន្តា.

(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បជ្ជតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ ឧប្បជ្ជិត្ថ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.

(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជតីតិ? នត្ថិ.

៦៧. (ក) យស្ស ចិត្តំ ឧប្បជ្ជតិ តស្ស ចិត្តំ ឧប្បជ្ជិស្សតីតិ?

បច្ឆិមចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ, នោ ច តេសំ ចិត្តំ ឧប្បជ្ជិស្សតិ. ឥតរេសំ ចិត្តស្ស ឧប្បាទក្ខណេ តេសំ ចិត្តំ ឧប្បជ្ជតិ ចេវ ឧប្បជ្ជិស្សតិ ច.

(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិស្សតិ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ ឧប្បជ្ជិស្សតិ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ ន ឧប្បជ្ជិស្សតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន ឧប្បជ្ជិស្សតិ. បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជតិ ន ច ឧប្បជ្ជិស្សតិ.

(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជតីតិ?

បច្ឆិមចិត្តស្ស ឧប្បាទក្ខណេ តេសំ ចិត្តំ ន ឧប្បជ្ជិស្សតិ, នោ ច តេសំ ចិត្តំ ន ឧប្បជ្ជតិ. បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជិស្សតិ ន ច ឧប្បជ្ជតិ.

៦៨. (ក) យស្ស ចិត្តំ ឧប្បជ្ជិត្ថ តស្ស ចិត្តំ ឧប្បជ្ជិស្សតីតិ?

បច្ឆិមចិត្តសមង្គីនំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បជ្ជិស្សតិ. ឥតរេសំ តេសំ ចិត្តំ ឧប្បជ្ជិត្ថ ចេវ ឧប្បជ្ជិស្សតិ ច.

(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បជ្ជិត្ថាតិ? អាមន្តា.

(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន ឧប្បជ្ជិស្សតីតិ? នត្ថិ.

(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.

(៥) និរោធវារោ

៦៩. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិត្ថាតិ? អាមន្តា.

(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ និរុជ្ឈតីតិ?

ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិត្ថ, នោ ច តេសំ ចិត្តំ និរុជ្ឈតិ. ចិត្តស្ស ភង្គក្ខណេ តេសំ ចិត្តំ និរុជ្ឈិត្ថ ចេវ និរុជ្ឈតិ ច.

(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន និរុជ្ឈតីតិ? នត្ថិ.

៧០. (ក) យស្ស ចិត្តំ និរុជ្ឈតិ តស្ស ចិត្តំ និរុជ្ឈិស្សតីតិ?

បច្ឆិមចិត្តស្ស ភង្គក្ខណេ តេសំ ចិត្តំ និរុជ្ឈតិ, នោ ច តេសំ ចិត្តំ និរុជ្ឈិស្សតិ. ឥតរេសំ ចិត្តស្ស ភង្គក្ខណេ តេសំ ចិត្តំ និរុជ្ឈតិ ចេវ និរុជ្ឈិស្សតិ ច.

(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈតីតិ?

ចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិស្សតិ, នោ ច តេសំ ចិត្តំ និរុជ្ឈតិ. ចិត្តស្ស ភង្គក្ខណេ តេសំ ចិត្តំ និរុជ្ឈិស្សតិ ចេវ និរុជ្ឈតិ ច.

(ក) យស្ស ចិត្តំ ន និរុជ្ឈតិ តស្ស ចិត្តំ ន និរុជ្ឈិស្សតីតិ? និរុជ្ឈិស្សតិ.

(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈតីតិ? និរុជ្ឈតិ.

៧១. (ក) យស្ស ចិត្តំ និរុជ្ឈិត្ថ តស្ស ចិត្តំ និរុជ្ឈិស្សតីតិ?

បច្ឆិមចិត្តស្ស ភង្គក្ខណេ តេសំ ចិត្តំ និរុជ្ឈិត្ថ, នោ ច តេសំ ចិត្តំ និរុជ្ឈិស្សតិ. ឥតរេសំ តេសំ ចិត្តំ និរុជ្ឈិត្ថ ចេវ និរុជ្ឈិស្សតិ ច.

(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ និរុជ្ឈិត្ថាតិ? អាមន្តា.

(ក) យស្ស ចិត្តំ ន និរុជ្ឈិត្ថ តស្ស ចិត្តំ ន និរុជ្ឈិស្សតីតិ? នត្ថិ.

(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ.

(៦) ឧប្បាទនិរោធវារោ

៧២. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិត្ថាតិ? អាមន្តា.

(ខ) យស្ស វា បន ចិត្តំ និរុជ្ឈិត្ថ តស្ស ចិត្តំ ឧប្បជ្ជតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិត្ថ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ និរុជ្ឈិត្ថ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន ចិត្តំ ន និរុជ្ឈិត្ថ តស្ស ចិត្តំ ន ឧប្បជ្ជតីតិ? នត្ថិ.

៧៣. (ក) យស្ស ចិត្តំ ឧប្បជ្ជតិ តស្ស ចិត្តំ និរុជ្ឈិស្សតីតិ? អាមន្តា.

(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ និរុជ្ឈិស្សតិ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ និរុជ្ឈិស្សតិ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ ន និរុជ្ឈិស្សតីតិ?

ចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ ន និរុជ្ឈិស្សតិ. បច្ឆិមចិត្តស្ស ភង្គក្ខណេ តេសំ ចិត្តំ ន ចេវ ឧប្បជ្ជតិ ន ច និរុជ្ឈិស្សតិ.

(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជតីតិ? អាមន្តា.

៧៤. (ក) យស្ស ចិត្តំ ឧប្បជ្ជិត្ថ តស្ស ចិត្តំ និរុជ្ឈិស្សតីតិ?

បច្ឆិមចិត្តស្ស ភង្គក្ខណេ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ និរុជ្ឈិស្សតិ. ឥតរេសំ តេសំ ចិត្តំ ឧប្បជ្ជិត្ថ ចេវ និរុជ្ឈិស្សតិ ច.

(ខ) យស្ស វា បន ចិត្តំ និរុជ្ឈិស្សតិ តស្ស ចិត្តំ ឧប្បជ្ជិត្ថាតិ? អាមន្តា.

(ក) យស្ស ចិត្តំ ន ឧប្បជ្ជិត្ថ តស្ស ចិត្តំ ន និរុជ្ឈិស្សតីតិ? នត្ថិ.

(ខ) យស្ស វា បន ចិត្តំ ន និរុជ្ឈិស្សតិ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.

(៧) ឧប្បជ្ជមានននិរោធវារោ

៧៥. (ក) យស្ស ចិត្តំ ឧប្បជ្ជតិ តស្ស ចិត្តំ ន និរុជ្ឈតីតិ? អាមន្តា.

(ខ) យស្ស វា បន ចិត្តំ ន និរុជ្ឈតិ តស្ស ចិត្តំ ឧប្បជ្ជតីតិ?

និរោធសមាបន្នានំ អសញ្ញសត្តានំ តេសំ ចិត្តំ ន និរុជ្ឈតិ, នោ ច តេសំ ចិត្តំ ឧប្បជ្ជតិ. ចិត្តស្ស ឧប្បាទក្ខណេ តេសំ ចិត្តំ ន និរុជ្ឈតិ ចេវ ឧប្បជ្ជតិ ច.

(ក) យស្ស ចិត្តំ ន ឧប្បជ្ជតិ តស្ស ចិត្តំ និរុជ្ឈតីតិ?

និរោធសមាបន្នានំ អសញ្ញសត្តានំ តេសំ ចិត្តំ ន ឧប្បជ្ជតិ, នោ ច តេសំ ចិត្តំ និរុជ្ឈតិ. ចិត្តស្ស ភង្គក្ខណេ តេសំ ចិត្តំ ន ឧប្បជ្ជតិ ចេវ និរុជ្ឈតិ ច.

(ខ) យស្ស វា បន ចិត្តំ និរុជ្ឈតិ តស្ស ចិត្តំ ន ឧប្បជ្ជតីតិ? អាមន្តា.

(៨) ឧប្បជ្ជមានុប្បន្នវារោ

៧៦. (ក) យស្ស ចិត្តំ ឧប្បជ្ជមានំ តស្ស ចិត្តំ ឧប្បន្នន្តិ? អាមន្តា.

(ខ) យស្ស វា បន ចិត្តំ ឧប្បន្នំ តស្ស ចិត្តំ ឧប្បជ្ជមានន្តិ?

ចិត្តស្ស ភង្គក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជមានំ. ចិត្តស្ស ឧប្បាទក្ខណេ តេសំ ចិត្តំ ឧប្បន្នញ្ចេវ ឧប្បជ្ជមានញ្ច.

(ក) យស្ស ចិត្តំ ន ឧប្បជ្ជមានំ តស្ស ចិត្តំ ន ឧប្បន្នន្តិ?

ចិត្តស្ស ភង្គក្ខណេ តេសំ ចិត្តំ ន ឧប្បជ្ជមានំ, នោ ច តេសំ ចិត្តំ ន ឧប្បន្នំ. និរោធសមាបន្នានំ អសញ្ញសត្តានំ តេសំ ចិត្តំ ន ចេវ ឧប្បជ្ជមានំ ន ច ឧប្បន្នំ.

(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន ឧប្បជ្ជមានន្តិ? អាមន្តា.

(៩) និរុជ្ឈមានុប្បន្នវារោ

៧៧. (ក) យស្ស ចិត្តំ និរុជ្ឈមានំ តស្ស ចិត្តំ ឧប្បន្នន្តិ? អាមន្តា.

(ខ) យស្ស វា បន ចិត្តំ ឧប្បន្នំ តស្ស ចិត្តំ និរុជ្ឈមានន្តិ?

ចិត្តស្ស ឧប្បាទក្ខណេ តេសំ ចិត្តំ ឧប្បន្នំ, នោ ច តេសំ ចិត្តំ និរុជ្ឈមានំ. ចិត្តស្ស ភង្គក្ខណេ តេសំ ចិត្តំ ឧប្បន្នញ្ចេវ និរុជ្ឈមានញ្ច.

(ក) យស្ស ចិត្តំ ន និរុជ្ឈមានំ តស្ស ចិត្តំ ន ឧប្បន្នន្តិ?

ចិត្តស្ស ឧប្បាទក្ខណេ តេសំ ចិត្តំ ន និរុជ្ឈមានំ, នោ ច តេសំ ចិត្តំ ន ឧប្បន្នំ. និរោធសមាបន្នានំ អសញ្ញសត្តានំ តេសំ ចិត្តំ ន ចេវ និរុជ្ឈមានំ ន ច ឧប្បន្នំ.

(ខ) យស្ស វា បន ចិត្តំ ន ឧប្បន្នំ តស្ស ចិត្តំ ន និរុជ្ឈមានន្តិ? អាមន្តា.

(១០) ឧប្បន្នុប្បាទវារោ

៧៨. (ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិត្ថាតិ? អាមន្តា.

(ខ) យស្ស វា បន ចិត្តំ ឧប្បជ្ជិត្ថ តស្ស ចិត្តំ ឧប្បន្នន្តិ?

និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិត្ថ, នោ ច តេសំ ចិត្តំ ឧប្បន្នំ. ចិត្តសមង្គីនំ តេសំ ចិត្តំ ឧប្បជ្ជិត្ថ ចេវ ឧប្បន្នញ្ច.

(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.

(ខ) យស្ស វា បន ចិត្តំ ន ឧប្បជ្ជិត្ថ តស្ស ចិត្តំ ន ឧប្បន្នន្តិ? នត្ថិ.

៧៩. (ក) យស្ស ចិត្តំ ឧប្បន្នំ តស្ស ចិត្តំ ឧប្បជ្ជិស្សតីតិ?

បច្ឆិមចិត្តសមង្គីនំ តេសំ ចិត្តំ ឧប្បន្នំ, នោ ច តេសំ ចិត្តំ ឧប្បជ្ជិស្សតិ. ឥតរេសំ ចិត្តសមង្គីនំ តេសំ ចិត្តំ ឧប្បន្នញ្ចេវ ឧប្បជ្ជិស្សតិ ច.

(ខ) យស្ស វា បន ចិត្តំ ឧប្បជ្ជិស្សតិ តស្ស ចិត្តំ ឧប្បន្នន្តិ?

និរោធសមាបន្នានំ អសញ្ញសត្តានំ តេសំ ចិត្តំ ឧប្បជ្ជិស្សតិ, នោ ច តេសំ ចិត្តំ ឧប្បន្នំ. ចិត្តសមង្គីនំ តេសំ ចិត្តំ ឧប្បជ្ជិស្សតិ ចេវ ឧប្បន្នញ្ច.

(ក) យស្ស ចិត្តំ ន ឧប្បន្នំ តស្ស ចិត្តំ ន ឧប្បជ្ជិស្សតីតិ? ឧប្បជ្ជិស្សតិ.

(ខ) យស្ស វា បន ចិត្តំ ន ឧប្បជ្ជិស្សតិ តស្ស ចិត្តំ ន ឧប្បន្នន្តិ? ឧប្បន្នំ.

(១១) អតីតានាគតវារោ

៨០. (ក) យស្ស ចិត្តំ ឧប្បជ្ជិត្ថ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិស្សតីតិ? អាមន្តា.

(ខ) យស្ស វា បន ចិត្តំ ឧប្បជ្ជិស្សតិ នោ ច តស្ស ចិត្តំ ឧប្បន្នំ, តស្ស ចិត្តំ ឧប្បជ្ជិត្ថាតិ? អាមន្តា.

(ក) យស្ស ចិត្តំ ន ឧប្បជ្ជិត្ថ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិស្សតីតិ? នត្ថិ.

(ខ) យស្ស វា បន ចិត្តំ ន ឧប្បជ្ជិស្សតិ នោ ច តស្ស ចិត្តំ ន ឧប្បន្នំ, តស្ស ចិត្តំ ន ឧប្បជ្ជិត្ថាតិ? ឧប្បជ្ជិត្ថ.

(១២) ឧប្បន្នុប្បជ្ជមានវារោ

៨១. (ក) ឧប្បន្នំ ឧប្បជ្ជមានន្តិ?

ភង្គក្ខណេ ឧប្បន្នំ, នោ ច ឧប្បជ្ជមានំ. ឧប្បាទក្ខណេ ឧប្បន្នញ្ចេវ ឧប្បជ្ជមានញ្ច.

(ខ) ឧប្បជ្ជមានំ ឧប្បន្នន្តិ? អាមន្តា.

(ក) ន ឧប្បន្នំ ន ឧប្បជ្ជមានន្តិ? អាមន្តា.

(ខ) ន ឧប្បជ្ជមានំ ន ឧប្បន្នន្តិ?

ភង្គក្ខណេ ន ឧប្បជ្ជមានំ, នោ ច ន ឧប្បន្នំ. អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ.

(១៣) និរុទ្ធនិរុជ្ឈមានវារោ

៨២. (ក) និរុទ្ធំ និរុជ្ឈមានន្តិ? នោ.

(ខ) និរុជ្ឈមានំ និរុទ្ធន្តិ? នោ.

(ក) ន និរុទ្ធំ ន និរុជ្ឈមានន្តិ?

ភង្គក្ខណេ ន និរុទ្ធំ, នោ ច ន និរុជ្ឈមានំ. ឧប្បាទក្ខណេ អនាគតញ្ច ចិត្តំ ន ចេវ និរុទ្ធំ ន ច និរុជ្ឈមានំ.

(ខ) ន និរុជ្ឈមានំ ន និរុទ្ធន្តិ?

អតីតំ ចិត្តំ ន និរុជ្ឈមានំ, នោ ច ន និរុទ្ធំ. ឧប្បាទក្ខណេ អនាគតញ្ច ចិត្តំ ន ចេវ និរុជ្ឈមានំ ន ច និរុទ្ធំ.

(១៤) អតិក្កន្តកាលវារោ

៨៣. (ក) យស្ស ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?

ភង្គក្ខណេ ចិត្តំ ឧប្បាទក្ខណំ វីតក្កន្តំ ភង្គក្ខណំ អវីតិក្កន្តំ, អតីតំ ចិត្តំ ឧប្បាទក្ខណញ្ច វីតិក្កន្តំ ភង្គក្ខណញ្ច វីតិក្កន្តំ.

(ខ) យស្ស វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?

អតីតំ ចិត្តំ.

(ក) យស្ស ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?

ឧប្បាទក្ខណេ អនាគតំ ចិត្តំ.

(ខ) យស្ស វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស ចិត្តន្តិ?

ភង្គក្ខណេ ចិត្តំ ភង្គក្ខណំ អវីតិក្កន្តំ នោ ច ឧប្បាទក្ខណំ អវីតិក្កន្តំ, ឧប្បាទក្ខណេ អនាគតញ្ច ចិត្តំ ភង្គក្ខណញ្ច អវីតិក្កន្តំ ឧប្បាទក្ខណញ្ច អវីតិក្កន្តំ.