(២) ឧប្បាទុប្បន្នវារោ

៨៥. (ក) យំ ចិត្តំ ឧប្បជ្ជតិ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជតីតិ?

ភង្គក្ខណេ ចិត្តំ ឧប្បន្នំ, នោ ច តំ ចិត្តំ ឧប្បជ្ជតិ. ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជតិ ច.

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បន្នន្តិ?

ភង្គក្ខណេ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ ឧប្បជ្ជតិ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជតីតិ? អាមន្តា.