(៣) និរោធុប្បន្នវារោ

៨៦. (ក) យំ ចិត្តំ និរុជ្ឈតិ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈតីតិ?

ឧប្បាទក្ខណេ ចិត្តំ ឧប្បន្នំ, នោ ច តំ ចិត្តំ និរុជ្ឈតិ. ភង្គក្ខណេ ចិត្តំ ឧប្បន្នញ្ចេវ និរុជ្ឈតិ ច.

(ក) យំ ចិត្តំ ន និរុជ្ឈតិ តំ ចិត្តំ ន ឧប្បន្នន្តិ?

ឧប្បាទក្ខណេ ចិត្តំ ន និរុជ្ឈតិ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ និរុជ្ឈតិ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈតីតិ? អាមន្តា.