២. ធម្មវារោ

(១) ឧប្បាទនិរោធកាលសម្ភេទវារោ

៨៤. (ក) យំ ចិត្តំ ឧប្បជ្ជតិ ន និរុជ្ឈតិ តំ ចិត្តំ និរុជ្ឈិស្សតិ ន ឧប្បជ្ជិស្សតីតិ? អាមន្តា.

(ខ) យំ វា បន ចិត្តំ និរុជ្ឈិស្សតិ ន ឧប្បជ្ជិស្សតិ តំ ចិត្តំ ឧប្បជ្ជតិ ន និរុជ្ឈតីតិ? អាមន្តា.

(ក) យំ ចិត្តំ ន ឧប្បជ្ជតិ និរុជ្ឈតិ តំ ចិត្តំ ន និរុជ្ឈិស្សតិ ឧប្បជ្ជិស្សតីតិ? នោ.

(ខ) យំ វា បន ចិត្តំ ន និរុជ្ឈិស្សតិ ឧប្បជ្ជិស្សតិ តំ ចិត្តំ ន ឧប្បជ្ជតិ និរុជ្ឈតីតិ? នត្ថិ.

(២) ឧប្បាទុប្បន្នវារោ

៨៥. (ក) យំ ចិត្តំ ឧប្បជ្ជតិ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជតីតិ?

ភង្គក្ខណេ ចិត្តំ ឧប្បន្នំ, នោ ច តំ ចិត្តំ ឧប្បជ្ជតិ. ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជតិ ច.

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បន្នន្តិ?

ភង្គក្ខណេ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ ឧប្បជ្ជតិ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជតីតិ? អាមន្តា.

(៣) និរោធុប្បន្នវារោ

៨៦. (ក) យំ ចិត្តំ និរុជ្ឈតិ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈតីតិ?

ឧប្បាទក្ខណេ ចិត្តំ ឧប្បន្នំ, នោ ច តំ ចិត្តំ និរុជ្ឈតិ. ភង្គក្ខណេ ចិត្តំ ឧប្បន្នញ្ចេវ និរុជ្ឈតិ ច.

(ក) យំ ចិត្តំ ន និរុជ្ឈតិ តំ ចិត្តំ ន ឧប្បន្នន្តិ?

ឧប្បាទក្ខណេ ចិត្តំ ន និរុជ្ឈតិ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ និរុជ្ឈតិ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈតីតិ? អាមន្តា.

(៤) ឧប្បាទវារោ

៨៧. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិត្ថាតិ? នោ.

(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បជ្ជតីតិ? នោ.

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិត្ថាតិ?

អតីតំ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បជ្ជិត្ថ. ភង្គក្ខណេ អនាគតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិត្ថ.

(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជតីតិ?

ឧប្បាទក្ខណេ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បជ្ជតិ. ភង្គក្ខណេ អនាគតញ្ច ចិត្តំ ន ចេវ ឧប្បជ្ជិត្ថ ន ច ឧប្បជ្ជតិ.

៨៨. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិស្សតីតិ? នោ.

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជតីតិ? នោ.

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិស្សតីតិ?

អនាគតំ ចិត្តំ ន ឧប្បជ្ជតិ, នោ ច តំ ចិត្តំ ន ឧប្បជ្ជិស្សតិ. ភង្គក្ខណេ អតីតញ្ច ចិត្តំ ន ចេវ ឧប្បជ្ជតិ ន ច ឧប្បជ្ជិស្សតិ.

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជតីតិ?

ឧប្បាទក្ខណេ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បជ្ជតិ. ភង្គក្ខណេ អតីតញ្ច ចិត្តំ ន ចេវ ឧប្បជ្ជិស្សតិ ន ច ឧប្បជ្ជតិ.

៨៩. (ក) យំ ចិត្តំ ឧប្បជ្ជិត្ថ តំ ចិត្តំ ឧប្បជ្ជិស្សតីតិ? នោ.

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជិត្ថាតិ? នោ.

(ក) យំ ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជិស្សតីតិ?

អនាគតំ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បជ្ជិស្សតិ. បច្ចុប្បន្នំ ចិត្តំ ន ចេវ ឧប្បជ្ជិត្ថ ន ច ឧប្បជ្ជិស្សតិ.

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជិត្ថាតិ?

អតីតំ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បជ្ជិត្ថ. បច្ចុប្បន្នំ ចិត្តំ ន ចេវ ឧប្បជ្ជិស្សតិ ន ច ឧប្បជ្ជិត្ថ.

(៥) និរោធវារោ

៩០. (ក) យំ ចិត្តំ និរុជ្ឈតិ តំ ចិត្តំ និរុជ្ឈិត្ថាតិ? នោ.

(ខ) យំ វា បន ចិត្តំ និរុជ្ឈិត្ថ តំ ចិត្តំ និរុជ្ឈតីតិ? នោ.

(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិត្ថាតិ?

អតីតំ ចិត្តំ ន និរុជ្ឈតិ, នោ ច តំ ចិត្តំ ន និរុជ្ឈិត្ថ. ឧប្បាទក្ខណេ អនាគតញ្ច ចិត្តំ ន ចេវ និរុជ្ឈតិ ន ច និរុជ្ឈិត្ថ.

(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន និរុជ្ឈតីតិ?

ភង្គក្ខណេ ចិត្តំ ន និរុជ្ឈិត្ថ, នោ ច តំ ចិត្តំ ន និរុជ្ឈតិ. ឧប្បាទក្ខណេ អនាគតញ្ច ចិត្តំ ន ចេវ និរុជ្ឈិត្ថ ន ច និរុជ្ឈតិ.

៩១. (ក) យំ ចិត្តំ និរុជ្ឈតិ តំ ចិត្តំ និរុជ្ឈិស្សតីតិ? នោ.

(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈតីតិ? នោ.

(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិស្សតីតិ?

ឧប្បាទក្ខណេ អនាគតញ្ច ចិត្តំ ន និរុជ្ឈតិ, នោ ច តំ ចិត្តំ ន និរុជ្ឈិស្សតិ. អតីតំ ចិត្តំ ន ចេវ និរុជ្ឈតិ ន ច និរុជ្ឈិស្សតិ.

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈតីតិ?

ភង្គក្ខណេ ចិត្តំ ន និរុជ្ឈិស្សតិ, នោ ច តំ ចិត្តំ ន និរុជ្ឈតិ. អតីតំ ចិត្តំ ន ចេវ និរុជ្ឈិស្សតិ ន ច និរុជ្ឈតិ.

៩២. (ក) យំ ចិត្តំ និរុជ្ឈិត្ថ តំ ចិត្តំ និរុជ្ឈិស្សតីតិ? នោ.

(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈិត្ថាតិ? នោ.

(ក) យំ ចិត្តំ ន និរុជ្ឈិត្ថ តំ ចិត្តំ ន និរុជ្ឈិស្សតីតិ?

ឧប្បាទក្ខណេ អនាគតញ្ច ចិត្តំ ន និរុជ្ឈិត្ថ, នោ ច តំ ចិត្តំ ន និរុជ្ឈិស្សតិ. ភង្គក្ខណេ ចិត្តំ ន ចេវ និរុជ្ឈិត្ថ ន ច និរុជ្ឈិស្សតិ.

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈិត្ថាតិ?

អតីតំ ចិត្តំ ន និរុជ្ឈិស្សតិ, នោ ច តំ ចិត្តំ ន និរុជ្ឈិត្ថ. ភង្គក្ខណេ ចិត្តំ ន ចេវ និរុជ្ឈិស្សតិ ន ច និរុជ្ឈិត្ថ.

(៦) ឧប្បាទនិរោធវារោ

៩៣. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិត្ថាតិ? នោ.

(ខ) យំ វា បន ចិត្តំ និរុជ្ឈិត្ថ តំ ចិត្តំ ឧប្បជ្ជតីតិ? នោ.

(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិត្ថាតិ?

អតីតំ ចិត្តំ ន ឧប្បជ្ជតិ, នោ ច តំ ចិត្តំ ន និរុជ្ឈិត្ថ. ភង្គក្ខណេ អនាគតញ្ច ចិត្តំ ន ចេវ ឧប្បជ្ជតិ ន ច និរុជ្ឈិត្ថ.

(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន ឧប្បជ្ជតីតិ?

ឧប្បាទក្ខណេ ចិត្តំ ន និរុជ្ឈិត្ថ, នោ ច តំ ចិត្តំ ន ឧប្បជ្ជតិ. ភង្គក្ខណេ អនាគតញ្ច ចិត្តំ ន ចេវ និរុជ្ឈិត្ថ ន ច ឧប្បជ្ជតិ.

៩៤. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិស្សតីតិ? អាមន្តា.

(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជតីតិ?

អនាគតំ ចិត្តំ និរុជ្ឈិស្សតិ, នោ ច តំ ចិត្តំ ឧប្បជ្ជតិ. ឧប្បាទក្ខណេ ចិត្តំ និរុជ្ឈិស្សតិ ចេវ ឧប្បជ្ជតិ ច.

(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិស្សតីតិ?

អនាគតំ ចិត្តំ ន ឧប្បជ្ជតិ, នោ ច តំ ចិត្តំ ន និរុជ្ឈិស្សតិ. ភង្គក្ខណេ អតីតញ្ច ចិត្តំ ន ចេវ ឧប្បជ្ជតិ ន ច និរុជ្ឈិស្សតិ.

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជតីតិ? អាមន្តា.

៩៥. (ក) យំ ចិត្តំ ឧប្បជ្ជិត្ថ តំ ចិត្តំ និរុជ្ឈិស្សតីតិ? នោ.

(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជិត្ថាតិ? នោ.

(ក) យំ ចិត្តំ ន ឧប្បជ្ជិត្ថ តំ ចិត្តំ ន និរុជ្ឈិស្សតីតិ?

ឧប្បាទក្ខណេ អនាគតញ្ច ចិត្តំ ន ឧប្បជ្ជិត្ថ, នោ ច តំ ចិត្តំ ន និរុជ្ឈិស្សតិ. ភង្គក្ខណេ ចិត្តំ ន ចេវ ឧប្បជ្ជិត្ថ ន ច និរុជ្ឈិស្សតិ.

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជិត្ថាតិ?

អតីតំ ចិត្តំ ន និរុជ្ឈិស្សតិ, នោ ច តំ ចិត្តំ ន ឧប្បជ្ជិត្ថ. ភង្គក្ខណេ ចិត្តំ ន ចេវ និរុជ្ឈិស្សតិ ន ច ឧប្បជ្ជិត្ថ.

(៧) ឧប្បជ្ជមាន-ននិរោធវារោ

៩៦. (ក) យំ ចិត្តំ ឧប្បជ្ជតិ តំ ចិត្តំ ន និរុជ្ឈតីតិ? អាមន្តា.

(ខ) យំ វា បន ចិត្តំ ន និរុជ្ឈតិ តំ ចិត្តំ ឧប្បជ្ជតីតិ?

អតីតានាគតំ ចិត្តំ ន និរុជ្ឈតិ, នោ ច តំ ចិត្តំ ឧប្បជ្ជតិ. ឧប្បាទក្ខណេ ចិត្តំ ន និរុជ្ឈតិ ចេវ ឧប្បជ្ជតិ ច.

(ក) យំ ចិត្តំ ន ឧប្បជ្ជតិ តំ ចិត្តំ និរុជ្ឈតីតិ?

អតីតានាគតំ ចិត្តំ ន ឧប្បជ្ជតិ, នោ ច តំ ចិត្តំ និរុជ្ឈតិ. ភង្គក្ខណេ ចិត្តំ ន ឧប្បជ្ជតិ ចេវ និរុជ្ឈតិ ច.

(ខ) យំ វា បន ចិត្តំ និរុជ្ឈតិ តំ ចិត្តំ ន ឧប្បជ្ជតីតិ? អាមន្តា.

(៨) ឧប្បជ្ជមានុប្បន្នវារោ

៩៧. (ក) យំ ចិត្តំ ឧប្បជ្ជមានំ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជមានន្តិ?

ភង្គក្ខណេ ចិត្តំ ឧប្បន្នំ, នោ ច តំ ចិត្តំ ឧប្បជ្ជមានំ. ឧប្បាទក្ខណេ ចិត្តំ ឧប្បន្នញ្ចេវ ឧប្បជ្ជមានញ្ច.

(ក) យំ ចិត្តំ ន ឧប្បជ្ជមានំ តំ ចិត្តំ ន ឧប្បន្នន្តិ?

ភង្គក្ខណេ ចិត្តំ ន ឧប្បជ្ជមានំ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជមានន្តិ? អាមន្តា.

(៩) និរុជ្ឈមានុប្បន្នវារោ

៩៨. (ក) យំ ចិត្តំ និរុជ្ឈមានំ តំ ចិត្តំ ឧប្បន្នន្តិ? អាមន្តា.

(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈមានន្តិ?

ឧប្បាទក្ខណេ ចិត្តំ ឧប្បន្នំ, នោ ច តំ ចិត្តំ និរុជ្ឈមានំ. ភង្គក្ខណេ ចិត្តំ ឧប្បន្នញ្ចេវ និរុជ្ឈមានញ្ច.

(ក) យំ ចិត្តំ ន និរុជ្ឈមានំ តំ ចិត្តំ ន ឧប្បន្នន្តិ?

ឧប្បាទក្ខណេ ចិត្តំ ន និរុជ្ឈមានំ, នោ ច តំ ចិត្តំ ន ឧប្បន្នំ. អតីតានាគតំ ចិត្តំ ន ចេវ និរុជ្ឈមានំ ន ច ឧប្បន្នំ.

(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈមានន្តិ? អាមន្តា.

(១០) ឧប្បន្នុប្បាទវារោ

៩៩. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិត្ថាតិ? នោ.

(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បន្នន្តិ? នោ.

(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិត្ថាតិ?

អតីតំ ចិត្តំ ន ឧប្បន្នំ, នោ ច តំ ចិត្តំ ន ឧប្បជ្ជិត្ថ. អនាគតំ ចិត្តំ ន ចេវ ឧប្បន្នំ ន ច ឧប្បជ្ជិត្ថ.

(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បន្នន្តិ?

បច្ចុប្បន្នំ ចិត្តំ ន ឧប្បជ្ជិត្ថ, នោ ច តំ ចិត្តំ ន ឧប្បន្នំ. អនាគតំ ចិត្តំ ន ចេវ ឧប្បជ្ជិត្ថ ន ច ឧប្បន្នំ.

១០០. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិស្សតីតិ? នោ.

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បន្នន្តិ? នោ.

(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិស្សតីតិ?

អនាគតំ ចិត្តំ ន ឧប្បន្នំ, នោ ច តំ ចិត្តំ ន ឧប្បជ្ជិស្សតិ. អតីតំ ចិត្តំ ន ចេវ ឧប្បន្នំ ន ច ឧប្បជ្ជិស្សតិ.

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បន្នន្តិ?

បច្ចុប្បន្នំ ចិត្តំ ន ឧប្បជ្ជិស្សតិ, នោ ច តំ ចិត្តំ ន ឧប្បន្នំ. អតីតំ ចិត្តំ ន ចេវ ឧប្បជ្ជិស្សតិ ន ច ឧប្បន្នំ.

(១១) អតីតានាគតវារោ

១០១. (ក) យំ ចិត្តំ ឧប្បជ្ជិត្ថ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិស្សតីតិ? នោ.

(ខ) យំ វា បន ចិត្តំ ឧប្បជ្ជិស្សតិ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិត្ថាតិ? នោ.

(ក) យំ ចិត្តំ ន ឧប្បជ្ជិត្ថ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិស្សតីតិ? អាមន្តា.

(ខ) យំ វា បន ចិត្តំ ន ឧប្បជ្ជិស្សតិ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិត្ថាតិ? អាមន្តា.

(១២) ឧប្បន្នុប្បជ្ជមានវារោ

១០២. (ក) ឧប្បន្នំ ឧប្បជ្ជមានន្តិ?

ភង្គក្ខណេ ឧប្បន្នំ, នោ ច ឧប្បជ្ជមានំ. ឧប្បាទក្ខណេ ឧប្បន្នញ្ចេវ ឧប្បជ្ជមានញ្ច.

(ខ) ឧប្បជ្ជមានំ ឧប្បន្នន្តិ? អាមន្តា.

(ក) ន ឧប្បន្នំ ន ឧប្បជ្ជមានន្តិ? អាមន្តា.

(ខ) ន ឧប្បជ្ជមានំ ន ឧប្បន្នន្តិ?

ភង្គក្ខណេ ន ឧប្បជ្ជមានំ, នោ ច ន ឧប្បន្នំ. អតីតានាគតំ ចិត្តំ ន ចេវ ឧប្បជ្ជមានំ ន ច ឧប្បន្នំ.

(១៣) និរុទ្ធនិរុជ្ឈមានវារោ

១០៣. (ក) និរុទ្ធំ និរុជ្ឈមានន្តិ? នោ.

(ខ) និរុជ្ឈមានំ និរុទ្ធន្តិ? នោ.

(ក) ន និរុទ្ធំ ន និរុជ្ឈមានន្តិ?

ភង្គក្ខណេ ន និរុទ្ធំ, នោ ច ន និរុជ្ឈមានំ. ឧប្បាទក្ខណេ អនាគតញ្ច ចិត្តំ ន ចេវ និរុទ្ធំ ន ច និរុជ្ឈមានំ.

(ខ) ន និរុជ្ឈមានំ ន និរុទ្ធន្តិ?

អតីតំ ចិត្តំ ន និរុជ្ឈមានំ, នោ ច ន និរុទ្ធំ. ឧប្បាទក្ខណេ អនាគតញ្ច ចិត្តំ ន ចេវ និរុជ្ឈមានំ ន ច និរុទ្ធំ.

(១៤) អតិក្កន្តកាលវារោ

១០៤. (ក) យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?

ភង្គក្ខណេ ចិត្តំ ឧប្បាទក្ខណំ វីតិក្កន្តំ ភង្គក្ខណំ អវីតិក្កន្តំ, អតីតំ ចិត្តំ ឧប្បាទក្ខណញ្ច វីតិក្កន្តំ ភង្គក្ខណញ្ច វីតិក្កន្តំ.

(ខ) យំ វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?

អតីតំ ចិត្តំ.

(ក) យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?

ឧប្បាទក្ខណេ អនាគតំ ចិត្តំ.

(ខ) យំ វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តន្តិ?

ភង្គក្ខណេ ចិត្តំ ភង្គក្ខណំ អវីតិក្កន្តំ នោ ច ឧប្បាទក្ខណំ អវីតិក្កន្តំ, ឧប្បាទក្ខណេ អនាគតញ្ច ចិត្តំ ភង្គក្ខណញ្ច អវីតិក្កន្តំ ឧប្បាទក្ខណញ្ច អវីតិក្កន្តំ.