៣. សុទ្ធសច្ចវារោ

(ក) អនុលោមំ

២០. (ក) ទុក្ខំ សច្ចន្តិ? អាមន្តា.

(ខ) សច្ចា ទុក្ខសច្ចន្តិ?

ទុក្ខសច្ចំ សច្ចញ្ចេវ ទុក្ខសច្ចញ្ច. អវសេសា សច្ចា ន ទុក្ខសច្ចំ.

សមុទយោ សច្ចន្តិ? អាមន្តា…បេ….

និរោធោ សច្ចន្តិ? អាមន្តា…បេ….

(ក) មគ្គោ សច្ចន្តិ? អាមន្តា.

(ខ) សច្ចា មគ្គសច្ចន្តិ?

មគ្គសច្ចំ សច្ចញ្ចេវ មគ្គសច្ចញ្ច. អវសេសា សច្ចា ន មគ្គសច្ចំ.

(ខ) បច្ចនីកំ

២១. (ក) ន ទុក្ខំ ន សច្ចន្តិ?

ទុក្ខំ ឋបេត្វា អវសេសា សច្ចា ន ទុក្ខំ, សច្ចា. ទុក្ខញ្ច សច្ចញ្ច ឋបេត្វា អវសេសំ ន ចេវ ទុក្ខំ ន ច សច្ចា.

(ខ) ន សច្ចា ន ទុក្ខសច្ចន្តិ? អាមន្តា.

ន សមុទយោ ន សច្ចន្តិ?

សមុទយំ ឋបេត្វា…បេ… និរោធំ ឋបេត្វា…បេ….

(ក) ន មគ្គោ ន សច្ចន្តិ?

មគ្គំ ឋបេត្វា អវសេសា សច្ចា ន មគ្គោ, សច្ចា. មគ្គញ្ច សច្ចញ្ច ឋបេត្វា អវសេសា ន ចេវ មគ្គោ ន ច សច្ចា.

(ខ) ន សច្ចា ន មគ្គសច្ចន្តិ? អាមន្តា.