៤. សុទ្ធសច្ចមូលចក្កវារោ

(ក) អនុលោមំ

២២. (ក) ទុក្ខំ សច្ចន្តិ? អាមន្តា.

(ខ) សច្ចា សមុទយសច្ចន្តិ?

សមុទយសច្ចំ សច្ចញ្ចេវ សមុទយសច្ចញ្ច. អវសេសា សច្ចា ន សមុទយសច្ចំ.

ទុក្ខំ សច្ចន្តិ? អាមន្តា.

សច្ចា និរោធសច្ចន្តិ?…បេ…. សច្ចា មគ្គសច្ចន្តិ?

មគ្គសច្ចំ សច្ចញ្ចេវ មគ្គសច្ចញ្ច. អវសេសា សច្ចា ន មគ្គសច្ចំ.

សមុទយោ សច្ចន្តិ? អាមន្តា.…បេ….

និរោធោ សច្ចន្តិ? អាមន្តា.…បេ….

មគ្គោ សច្ចន្តិ? អាមន្តា.

សច្ចា ទុក្ខសច្ចន្តិ?…បេ… សច្ចា សមុទយសច្ចន្តិ? …បេ… សច្ចា និរោធសច្ចន្តិ?

និរោធសច្ចំ សច្ចញ្ចេវ និរោធសច្ចញ្ច. អវសេសា សច្ចា ន និរោធសច្ចំ.

(ខ) បច្ចនីកំ

២៣. (ក) ន ទុក្ខំ ន សច្ចន្តិ?

ទុក្ខំ ឋបេត្វា អវសេសា សច្ចា ន ទុក្ខំ, សច្ចា. ទុក្ខញ្ច សច្ចញ្ច ឋបេត្វា អវសេសា ន ចេវ ទុក្ខំ ន ច សច្ចា.

(ខ) ន សច្ចា ន សមុទយសច្ចន្តិ? អាមន្តា.

ន ទុក្ខំ ន សច្ចន្តិ?

ទុក្ខំ ឋបេត្វា អវសេសា សច្ចា ន ទុក្ខំ, សច្ចា. ទុក្ខញ្ច សច្ចញ្ច ឋបេត្វា អវសេសា ន ចេវ ទុក្ខំ ន ច សច្ចា.

ន សច្ចា ន និរោធសច្ចន្តិ?…បេ… ន សច្ចា ន មគ្គសច្ចន្តិ? អាមន្តា.

២៤. ន សមុទយោ ន សច្ចន្តិ?

សមុទយំ ឋបេត្វា អវសេសា សច្ចា ន សមុទយោ, សច្ចា. សមុទយញ្ច សច្ចញ្ច ឋបេត្វា អវសេសា ន ចេវ សមុទយោ ន ច សច្ចា.

ន សច្ចា ន ទុក្ខសច្ចន្តិ?…បេ….

២៥. ន និរោធោ ន សច្ចន្តិ?

និរោធំ ឋបេត្វា…បេ….

២៦. (ក) ន មគ្គោ ន សច្ចន្តិ?

មគ្គំ ឋបេត្វា អវសេសា សច្ចា ន មគ្គោ, សច្ចា. មគ្គញ្ច សច្ចញ្ច ឋបេត្វា អវសេសា ន ចេវ មគ្គោ ន ច សច្ចា.

(ខ) ន សច្ចា ន ទុក្ខសច្ចន្តិ? អាមន្តា.

ន មគ្គោ ន សច្ចន្តិ?

មគ្គំ ឋបេត្វា អវសេសា សច្ចា ន មគ្គោ, សច្ចា. មគ្គញ្ច សច្ចញ្ច ឋបេត្វា អវសេសា ន ចេវ មគ្គោ ន ច សច្ចា.

ន សច្ចា ន សមុទយសច្ចន្តិ? អាមន្តា.…បេ….

ន សច្ចា ន និរោធសច្ចន្តិ? អាមន្តា.

បណ្ណត្តិនិទ្ទេសវារោ.