៥. បច្ចុប្បន្នានាគតវារោ

១៦៩. (ក) យោ ទុក្ខសច្ចំ បរិជានាតិ សោ សមុទយសច្ចំ បជហិស្សតីតិ? នោ.

(ខ) យោ វា បន សមុទយសច្ចំ បជហិស្សតិ សោ ទុក្ខសច្ចំ បរិជានាតីតិ? នោ.

(ក) យោ ទុក្ខសច្ចំ ន បរិជានាតិ សោ សមុទយសច្ចំ នប្បជហិស្សតីតិ?

យេ មគ្គំ បដិលភិស្សន្តិ តេ ទុក្ខសច្ចំ ន បរិជានន្តិ, នោ ច សមុទយសច្ចំ នប្បជហិស្សន្តិ. អរហា យេ ច បុថុជ្ជនា មគ្គំ ន បដិលភិស្សន្តិ តេ ទុក្ខសច្ចញ្ច ន បរិជានន្តិ សមុទយសច្ចញ្ច នប្បជហិស្សន្តិ.

(ខ) យោ វា បន សមុទយសច្ចំ នប្បជហិស្សតិ សោ ទុក្ខសច្ចំ ន បរិជានាតីតិ?

អគ្គមគ្គសមង្គី សមុទយសច្ចំ នប្បជហិស្សតិ, នោ ច ទុក្ខសច្ចំ ន បរិជានាតិ. អរហា យេ ច បុថុជ្ជនា មគ្គំ ន បដិលភិស្សន្តិ តេ សមុទយសច្ចញ្ច នប្បជហិស្សន្តិ ទុក្ខសច្ចញ្ច ន បរិជានន្តិ.