(៥) បច្ចុប្បន្នានាគតវារោ

(ក) អនុលោមបុគ្គលោ

១១៦. (ក) យស្ស ទុក្ខសច្ចំ និរុជ្ឈតិ តស្ស សមុទយសច្ចំ និរុជ្ឈិស្សតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ តេសំ ទុក្ខសច្ចំ និរុជ្ឈតិ, នោ ច តេសំ សមុទយសច្ចំ និរុជ្ឈិស្សតិ. ឥតរេសំ ចវន្តានំ បវត្តេ ចិត្តស្ស ភង្គក្ខណេ តេសំ ទុក្ខសច្ចញ្ច និរុជ្ឈតិ សមុទយសច្ចញ្ច និរុជ្ឈិស្សតិ.

(ខ) យស្ស វា បន សមុទយសច្ចំ និរុជ្ឈិស្សតិ តស្ស ទុក្ខសច្ចំ និរុជ្ឈតីតិ?

សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ សមុទយសច្ចំ និរុជ្ឈិស្សតិ, នោ ច តេសំ ទុក្ខសច្ចំ និរុជ្ឈតិ. សព្ពេសំ ចវន្តានំ បវត្តេ ចិត្តស្ស ភង្គក្ខណេ តេសំ សមុទយសច្ចញ្ច និរុជ្ឈិស្សតិ ទុក្ខសច្ចញ្ច និរុជ្ឈតិ.

(ក) យស្ស ទុក្ខសច្ចំ និរុជ្ឈតិ តស្ស មគ្គសច្ចំ និរុជ្ឈិស្សតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យេ ច បុថុជ្ជនា មគ្គំ ន បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ ទុក្ខសច្ចំ និរុជ្ឈតិ, នោ ច តេសំ មគ្គសច្ចំ និរុជ្ឈិស្សតិ. យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ យេ ចញ្ញេ មគ្គំ បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ ទុក្ខសច្ចញ្ច និរុជ្ឈតិ មគ្គសច្ចញ្ច និរុជ្ឈិស្សតិ.

(ខ) យស្ស វា បន មគ្គសច្ចំ និរុជ្ឈិស្សតិ តស្ស ទុក្ខសច្ចំ និរុជ្ឈតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ យេ ចញ្ញេ មគ្គំ បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ មគ្គសច្ចំ និរុជ្ឈិស្សតិ, នោ ច តេសំ ទុក្ខសច្ចំ និរុជ្ឈតិ. យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ យេ ចញ្ញេ មគ្គំ បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ មគ្គសច្ចញ្ច និរុជ្ឈិស្សតិ ទុក្ខសច្ចញ្ច និរុជ្ឈតិ.

១១៧. (ក) យស្ស សមុទយសច្ចំ និរុជ្ឈតិ តស្ស មគ្គសច្ចំ និរុជ្ឈិស្សតីតិ?

យេ បុថុជ្ជនា មគ្គំ ន បដិលភិស្សន្តិ តេសំ តណ្ហាយ ភង្គក្ខណេ តេសំ សមុទយសច្ចំ និរុជ្ឈតិ, នោ ច តេសំ មគ្គសច្ចំ និរុជ្ឈិស្សតិ. យេ មគ្គំ បដិលភិស្សន្តិ តេសំ តណ្ហាយ ភង្គក្ខណេ តេសំ សមុទយសច្ចញ្ច និរុជ្ឈតិ មគ្គសច្ចញ្ច និរុជ្ឈិស្សតិ.

(ខ) យស្ស វា បន មគ្គសច្ចំ និរុជ្ឈិស្សតិ តស្ស សមុទយសច្ចំ និរុជ្ឈតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ យេ ចញ្ញេ មគ្គំ បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ និរោធសមាបន្នានំ អសញ្ញសត្តានំ តេសំ មគ្គសច្ចំ និរុជ្ឈិស្សតិ, នោ ច តេសំ សមុទយសច្ចំ និរុជ្ឈតិ. យេ មគ្គំ បដិលភិស្សន្តិ តេសំ តណ្ហាយ ភង្គក្ខណេ តេសំ មគ្គសច្ចញ្ច និរុជ្ឈិស្សតិ សមុទយសច្ចញ្ច និរុជ្ឈតិ.

(ខ) អនុលោមឱកាសោ

១១៨. យត្ថ ទុក្ខសច្ចំ និរុជ្ឈតិ…បេ….

(គ) អនុលោមបុគ្គលោកាសា

១១៩. (ក) យស្ស យត្ថ ទុក្ខសច្ចំ និរុជ្ឈតិ តស្ស តត្ថ សមុទយសច្ចំ និរុជ្ឈិស្សតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ អសញ្ញសត្តា ចវន្តានំ តេសំ តត្ថ ទុក្ខសច្ចំ និរុជ្ឈតិ, នោ ច តេសំ តត្ថ សមុទយសច្ចំ និរុជ្ឈិស្សតិ. ឥតរេសំ ចតុវោការា បញ្ចវោការា ចវន្តានំ បវត្តេ ចិត្តស្ស ភង្គក្ខណេ តេសំ តត្ថ ទុក្ខសច្ចញ្ច និរុជ្ឈតិ សមុទយសច្ចញ្ច និរុជ្ឈិស្សតិ.

(ខ) យស្ស វា បន យត្ថ សមុទយសច្ចំ និរុជ្ឈិស្សតិ តស្ស តត្ថ ទុក្ខសច្ចំ និរុជ្ឈតីតិ?

ចតុវោការំ បញ្ចវោការំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ តត្ថ សមុទយសច្ចំ និរុជ្ឈិស្សតិ, នោ ច តេសំ តត្ថ ទុក្ខសច្ចំ និរុជ្ឈតិ. ចតុវោការា បញ្ចវោការា ចវន្តានំ បវត្តេ ចិត្តស្ស ភង្គក្ខណេ តេសំ តត្ថ សមុទយសច្ចញ្ច និរុជ្ឈិស្សតិ ទុក្ខសច្ចញ្ច និរុជ្ឈតិ.

(ក) យស្ស យត្ថ ទុក្ខសច្ចំ និរុជ្ឈតិ តស្ស តត្ថ មគ្គសច្ចំ និរុជ្ឈិស្សតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ អសញ្ញសត្តា ចវន្តានំ តេសំ តត្ថ ទុក្ខសច្ចំ និរុជ្ឈតិ, នោ ច តេសំ តត្ថ មគ្គសច្ចំ និរុជ្ឈិស្សតិ. យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ យេ ចញ្ញេ មគ្គំ បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ តត្ថ ទុក្ខសច្ចញ្ច និរុជ្ឈតិ មគ្គសច្ចញ្ច និរុជ្ឈិស្សតិ.

(ខ) យស្ស វា បន យត្ថ មគ្គសច្ចំ និរុជ្ឈិស្សតិ តស្ស តត្ថ ទុក្ខសច្ចំ និរុជ្ឈតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ យេ ចញ្ញេ មគ្គំ បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ តត្ថ មគ្គសច្ចំ និរុជ្ឈិស្សតិ, នោ ច តេសំ តត្ថ ទុក្ខសច្ចំ និរុជ្ឈតិ. យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ យេ ចញ្ញេ មគ្គំ បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ តត្ថ មគ្គសច្ចញ្ច និរុជ្ឈិស្សតិ ទុក្ខសច្ចញ្ច និរុជ្ឈតិ.

១២០. (ក) យស្ស យត្ថ សមុទយសច្ចំ និរុជ្ឈតិ តស្ស តត្ថ មគ្គសច្ចំ និរុជ្ឈិស្សតីតិ?

អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ភង្គក្ខណេ តេសំ តត្ថ សមុទយសច្ចំ និរុជ្ឈតិ, នោ ច តេសំ តត្ថ មគ្គសច្ចំ និរុជ្ឈិស្សតិ. យេ មគ្គំ បដិលភិស្សន្តិ តេសំ តណ្ហាយ ភង្គក្ខណេ តេសំ តត្ថ សមុទយសច្ចញ្ច និរុជ្ឈតិ មគ្គសច្ចញ្ច និរុជ្ឈិស្សតិ.

(ខ) យស្ស វា បន យត្ថ មគ្គសច្ចំ និរុជ្ឈិស្សតិ តស្ស តត្ថ សមុទយសច្ចំ និរុជ្ឈតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ យេ ចញ្ញេ មគ្គំ បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ តេសំ តត្ថ មគ្គសច្ចំ និរុជ្ឈិស្សតិ, នោ ច តេសំ តត្ថ សមុទយសច្ចំ និរុជ្ឈតិ. យេ មគ្គំ បដិលភិស្សន្តិ តេសំ តណ្ហាយ ភង្គក្ខណេ តេសំ តត្ថ មគ្គសច្ចញ្ច និរុជ្ឈិស្សតិ សមុទយសច្ចញ្ច និរុជ្ឈតិ.

(ឃ) បច្ចនីកបុគ្គលោ

១២១. (ក) យស្ស ទុក្ខសច្ចំ ន និរុជ្ឈតិ តស្ស សមុទយសច្ចំ ន និរុជ្ឈិស្សតីតិ?

សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ ទុក្ខសច្ចំ ន និរុជ្ឈតិ, នោ ច តេសំ សមុទយសច្ចំ ន និរុជ្ឈិស្សតិ. អគ្គមគ្គស្ស ឧប្បាទក្ខណេ អរហន្តានំ ចិត្តស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ តេសំ ទុក្ខសច្ចញ្ច ន និរុជ្ឈតិ សមុទយសច្ចញ្ច ន និរុជ្ឈិស្សតិ.

(ខ) យស្ស វា បន សមុទយសច្ចំ ន និរុជ្ឈិស្សតិ តស្ស ទុក្ខសច្ចំ ន និរុជ្ឈតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ តេសំ សមុទយសច្ចំ ន និរុជ្ឈិស្សតិ, នោ ច តេសំ ទុក្ខសច្ចំ ន និរុជ្ឈតិ. អគ្គមគ្គស្ស ឧប្បាទក្ខណេ អរហន្តានំ ចិត្តស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ តេសំ សមុទយសច្ចញ្ច ន និរុជ្ឈិស្សតិ ទុក្ខសច្ចញ្ច ន និរុជ្ឈតិ.

(ក) យស្ស ទុក្ខសច្ចំ ន និរុជ្ឈតិ តស្ស មគ្គសច្ចំ ន និរុជ្ឈិស្សតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ យេ ចញ្ញេ មគ្គំ បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ ទុក្ខសច្ចំ ន និរុជ្ឈតិ, នោ ច តេសំ មគ្គសច្ចំ ន និរុជ្ឈិស្សតិ. អរហន្តានំ ចិត្តស្ស ឧប្បាទក្ខណេ យេ ច បុថុជ្ជនា មគ្គំ ន បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ តេសំ ទុក្ខសច្ចញ្ច ន និរុជ្ឈតិ មគ្គសច្ចញ្ច ន និរុជ្ឈិស្សតិ.

(ខ) យស្ស វា បន មគ្គសច្ចំ ន និរុជ្ឈិស្សតិ តស្ស ទុក្ខសច្ចំ ន និរុជ្ឈតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យេ ច បុថុជ្ជនា មគ្គំ ន បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ តេសំ មគ្គសច្ចំ ន និរុជ្ឈិស្សតិ, នោ ច តេសំ ទុក្ខសច្ចំ ន និរុជ្ឈតិ. អរហន្តានំ ចិត្តស្ស ឧប្បាទក្ខណេ យេ ច បុថុជ្ជនា មគ្គំ ន បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ តេសំ មគ្គសច្ចញ្ច ន និរុជ្ឈិស្សតិ ទុក្ខសច្ចញ្ច ន និរុជ្ឈតិ.

១២២. (ក) យស្ស សមុទយសច្ចំ ន និរុជ្ឈតិ តស្ស មគ្គសច្ចំ ន និរុជ្ឈិស្សតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ យេ ចញ្ញេ មគ្គំ បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ និរោធសមាបន្នានំ អសញ្ញសត្តានំ តេសំ សមុទយសច្ចំ ន និរុជ្ឈតិ, នោ ច តេសំ មគ្គសច្ចំ ន និរុជ្ឈិស្សតិ. អគ្គមគ្គស្ស ភង្គក្ខណេ អរហន្តានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ តេសំ សមុទយសច្ចញ្ច ន និរុជ្ឈតិ មគ្គសច្ចញ្ច ន និរុជ្ឈិស្សតិ.

(ខ) យស្ស វា បន មគ្គសច្ចំ ន និរុជ្ឈិស្សតិ តស្ស សមុទយសច្ចំ ន និរុជ្ឈតីតិ?

យេ បុថុជ្ជនា មគ្គំ ន បដិលភិស្សន្តិ តេសំ តណ្ហាយ ភង្គក្ខណេ តេសំ មគ្គសច្ចំ ន និរុជ្ឈិស្សតិ, នោ ច តេសំ សមុទយសច្ចំ ន និរុជ្ឈតិ. អគ្គមគ្គស្ស ភង្គក្ខណេ អរហន្តានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ [វត្តមានេ, និរោធសមាបន្នានំ អសញ្ញសត្តានំ (សី. ស្យា.)] តេសំ មគ្គសច្ចញ្ច ន និរុជ្ឈិស្សតិ សមុទយសច្ចញ្ច ន និរុជ្ឈតិ.

(ង) បច្ចនីកឱកាសោ

១២៣. យត្ថ ទុក្ខសច្ចំ ន និរុជ្ឈតិ…បេ….

(ច) បច្ចនីកបុគ្គលោកាសា

១២៤. (ក) យស្ស យត្ថ ទុក្ខសច្ចំ ន និរុជ្ឈតិ តស្ស តត្ថ សមុទយសច្ចំ ន និរុជ្ឈិស្សតីតិ?

ចតុវោការំ បញ្ចវោការំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ តត្ថ ទុក្ខសច្ចំ ន និរុជ្ឈតិ, នោ ច តេសំ តត្ថ សមុទយសច្ចំ ន និរុជ្ឈិស្សតិ. អគ្គមគ្គស្ស ឧប្បាទក្ខណេ អរហន្តានំ ចិត្តស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ អសញ្ញសត្តំ ឧបបជ្ជន្តានំ អរូបេ អគ្គមគ្គស្ស ច ផលស្ស ច ភង្គក្ខណេ អសញ្ញសត្តំ ឧបបជ្ជន្តានំ តេសំ តត្ថ ទុក្ខសច្ចញ្ច ន និរុជ្ឈតិ សមុទយសច្ចញ្ច ន និរុជ្ឈិស្សតិ.

(ខ) យស្ស វា បន យត្ថ សមុទយសច្ចំ ន និរុជ្ឈិស្សតិ តស្ស តត្ថ ទុក្ខសច្ចំ ន និរុជ្ឈតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ អសញ្ញសត្តា ចវន្តានំ តេសំ តត្ថ សមុទយសច្ចំ ន និរុជ្ឈិស្សតិ, នោ ច តេសំ តត្ថ ទុក្ខសច្ចំ ន និរុជ្ឈតិ. អគ្គមគ្គស្ស ឧប្បាទក្ខណេ អរហន្តានំ ចិត្តស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ អសញ្ញសត្តំ ឧបបជ្ជន្តានំ តេសំ តត្ថ សមុទយសច្ចញ្ច ន និរុជ្ឈិស្សតិ ទុក្ខសច្ចញ្ច ន និរុជ្ឈតិ.

(ក) យស្ស យត្ថ ទុក្ខសច្ចំ ន និរុជ្ឈតិ តស្ស តត្ថ មគ្គសច្ចំ ន និរុជ្ឈិស្សតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ យេ ចញ្ញេ មគ្គំ បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ មគ្គស្ស ច ផលស្ស ច ភង្គក្ខណេ តេសំ តត្ថ ទុក្ខសច្ចំ ន និរុជ្ឈតិ, នោ ច តេសំ តត្ថ មគ្គសច្ចំ ន និរុជ្ឈិស្សតិ. អរហន្តានំ ចិត្តស្ស ឧប្បាទក្ខណេ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អសញ្ញសត្តំ ឧបបជ្ជន្តានំ អរូបេ អគ្គមគ្គស្ស ច ផលស្ស ច ភង្គក្ខណេ តេសំ តត្ថ ទុក្ខសច្ចញ្ច ន និរុជ្ឈតិ មគ្គសច្ចញ្ច ន និរុជ្ឈិស្សតិ.

(ខ) យស្ស វា បន យត្ថ មគ្គសច្ចំ ន និរុជ្ឈិស្សតិ តស្ស តត្ថ ទុក្ខសច្ចំ ន និរុជ្ឈតីតិ?

អគ្គមគ្គស្ស ភង្គក្ខណេ អរហន្តានំ ចិត្តស្ស ភង្គក្ខណេ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ ចវន្តានំ បវត្តេ ចិត្តស្ស ភង្គក្ខណេ អសញ្ញសត្តា ចវន្តានំ តេសំ តត្ថ មគ្គសច្ចំ ន និរុជ្ឈិស្សតិ, នោ ច តេសំ តត្ថ ទុក្ខសច្ចំ ន និរុជ្ឈតិ. អរហន្តានំ ចិត្តស្ស ឧប្បាទក្ខណេ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អគ្គមគ្គស្ស ច ផលស្ស ច ភង្គក្ខណេ អសញ្ញសត្តំ ឧបបជ្ជន្តានំ តេសំ តត្ថ មគ្គសច្ចញ្ច ន និរុជ្ឈិស្សតិ ទុក្ខសច្ចញ្ច ន និរុជ្ឈតិ.

១២៥. (ក) យស្ស យត្ថ សមុទយសច្ចំ ន និរុជ្ឈតិ តស្ស តត្ថ មគ្គសច្ចំ ន និរុជ្ឈិស្សតីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ យេ ចញ្ញេ មគ្គំ បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ តេសំ តត្ថ សមុទយសច្ចំ ន និរុជ្ឈតិ, នោ ច តេសំ តត្ថ មគ្គសច្ចំ ន និរុជ្ឈិស្សតិ. អគ្គមគ្គស្ស ភង្គក្ខណេ អរហន្តានំ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ អសញ្ញសត្តានំ តេសំ តត្ថ សមុទយសច្ចញ្ច ន និរុជ្ឈតិ មគ្គសច្ចញ្ច ន និរុជ្ឈិស្សតិ.

(ខ) យស្ស វា បន យត្ថ មគ្គសច្ចំ ន និរុជ្ឈិស្សតិ តស្ស តត្ថ សមុទយសច្ចំ ន និរុជ្ឈតីតិ?

អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ភង្គក្ខណេ តេសំ តត្ថ មគ្គសច្ចំ ន និរុជ្ឈិស្សតិ, នោ ច តេសំ តត្ថ សមុទយសច្ចំ ន និរុជ្ឈតិ. អគ្គមគ្គស្ស ភង្គក្ខណេ អរហន្តានំ អាបាយិកានំ យេ ច បុថុជ្ជនា មគ្គំ ន បដិលភិស្សន្តិ តេសំ តណ្ហាយ ឧប្បាទក្ខណេ តណ្ហាវិប្បយុត្តចិត្តេ វត្តមានេ អសញ្ញសត្តានំ តេសំ តត្ថ មគ្គសច្ចញ្ច ន និរុជ្ឈិស្សតិ សមុទយសច្ចញ្ច ន និរុជ្ឈិតិ.