៣. សុទ្ធាយតនវារោ

(ក) អនុលោមំ

១៤. (ក) ចក្ខុ អាយតនន្តិ? អាមន្តា.

(ខ) អាយតនា ចក្ខាយតនន្តិ?

ចក្ខាយតនំ អាយតនញ្ចេវ ចក្ខាយតនញ្ច. អវសេសា អាយតនា ន ចក្ខាយតនំ.

សោតំ អាយតនន្តិ?

អាមន្តា.…បេ… ឃានំ… ជិវ្ហា… កាយោ… រូបំ… សទ្ទោ… គន្ធោ… រសោ… ផោដ្ឋព្ពោ… មនោ… ធម្មោ អាយតនន្តិ?

អាមន្តា.

អាយតនា ធម្មាយតនន្តិ?

ធម្មាយតនំ អាយតនញ្ចេវ ធម្មាយតនញ្ច. អវសេសា អាយតនា ន ធម្មាយតនំ.

(ខ) បច្ចនីកំ

១៥. (ក) ន ចក្ខុ នាយតនន្តិ?

ចក្ខុំ ឋបេត្វា អវសេសា អាយតនា ន ចក្ខុ, អាយតនា. ចក្ខុញ្ច អាយតនញ្ច ឋបេត្វា អវសេសា ន ចេវ ចក្ខុ ន ច អាយតនា.

(ខ) នាយតនា ន ចក្ខាយតនន្តិ? អាមន្តា.

ន សោតំ នាយតនន្តិ?

សោតំ ឋបេត្វា…បេ… ឃានំ ឋបេត្វា…បេ… ជិវ្ហំ ឋបេត្វា…បេ… ន ច អាយតនា.

នាយតនា ន ជិវ្ហាយតនន្តិ? អាមន្តា.

(ក) ន កាយោ នាយតនន្តិ? អាមន្តា.

(ខ) នាយតនា ន កាយាយតនន្តិ? អាមន្តា.

ន រូបំ នាយតនន្តិ?

រូបំ ឋបេត្វា…បេ… សទ្ទំ ឋបេត្វា…បេ… គន្ធំ ឋបេត្វា…បេ… រសំ ឋបេត្វា…បេ… ផោដ្ឋព្ពំ ឋបេត្វា…បេ… ន ច អាយតនា. នាយតនា ន ផោដ្ឋព្ពាយតនន្តិ? អាមន្តា.

(ក) ន មនោ នាយតនន្តិ?

មនំ ឋបេត្វា អវសេសា អាយតនា ន មនោ, អាយតនា. មនញ្ច អាយតនញ្ច ឋបេត្វា អវសេសា ន ចេវ មនោ ន ច អាយតនា.

(ខ) នាយតនា ន មនាយតនន្តិ? អាមន្តា.

(ក) ន ធម្មោ នាយតនន្តិ? អាមន្តា.

(ខ) នាយតនា ន ធម្មាយតនន្តិ? អាមន្តា.