៤. សុទ្ធាយតនមូលចក្កវារោ

(ក) អនុលោមំ

១៦. (ក) ចក្ខុ អាយតនន្តិ? អាមន្តា.

(ខ) អាយតនា សោតាយតនន្តិ?

សោតាយតនំ អាយតនញ្ចេវ សោតាយតនញ្ច. អវសេសា អាយតនា ន សោតាយតនំ.

ចក្ខុ អាយតនន្តិ? អាមន្តា.

អាយតនា ឃានាយតនំ…បេ… អាយតនា ធម្មាយតនន្តិ?

ធម្មាយតនំ អាយតនញ្ចេវ ធម្មាយតនញ្ច. អវសេសា អាយតនា ន ធម្មាយតនំ.

សោតំ អាយតនន្តិ? អាមន្តា.

អាយតនា ចក្ខាយតនន្តិ?…បេ… ន ចក្ខាយតនំ…បេ…. អាយតនា ធម្មាយតនន្តិ?…បេ… ន ធម្មាយតនំ.

ឃានំ អាយតនន្តិ? អាមន្តា.

អាយតនា ចក្ខាយតនន្តិ?…បេ… អាយតនា ធម្មាយតនន្តិ? …បេ… ន ធម្មាយតនំ…បេ….

ធម្មោ អាយតនន្តិ? អាមន្តា.

អាយតនា ចក្ខាយតនំ…បេ… អាយតនា មនាយតនន្តិ?

មនាយតនំ អាយតនញ្ចេវ មនាយតនញ្ច. អវសេសា អាយតនា ន មនាយតនំ.

(ចក្កំ ពន្ធិតព្ពំ)

(ខ) បច្ចនីកំ

១៧. (ក) ន ចក្ខុ នាយតនន្តិ?

ចក្ខុំ ឋបេត្វា អវសេសា អាយតនា ន ចក្ខុ, អាយតនា. ចក្ខុញ្ច អាយតនញ្ច ឋបេត្វា អវសេសា ន ចេវ ចក្ខុ ន ច អាយតនា.

(ខ) នាយតនា ន សោតាយតនន្តិ? អាមន្តា.

ន ចក្ខុ នាយតនន្តិ?

ចក្ខុំ ឋបេត្វា អវសេសា អាយតនា ន ចក្ខុ, អាយតនា. ចក្ខុញ្ច អាយតនញ្ច ឋបេត្វា អវសេសា ន ចេវ ចក្ខុ ន ច អាយតនា….

នាយតនា ន ឃានាយតនំ…បេ… នាយតនា ន ធម្មាយតនន្តិ?

អាមន្តា.

ន សោតំ នាយតនន្តិ?

សោតំ ឋបេត្វា…បេ… ឃានំ ឋបេត្វា…បេ… ជិវ្ហំ ឋបេត្វា…បេ… ន ច អាយតនា. នាយតនា ន ធម្មាយតនន្តិ? អាមន្តា.

ន កាយោ នាយតនន្តិ? អាមន្តា.

នាយតនា ន ចក្ខាយតនន្តិ? អាមន្តា.…បេ…. នាយតនា ន ធម្មាយតនន្តិ? អាមន្តា.…បេ….

(ក) ន ធម្មោ នាយតនន្តិ? អាមន្តា.

(ខ) នាយតនា ន ចក្ខាយតនន្តិ? អាមន្តា.

(ក) ន ធម្មោ នាយតនន្តិ? អាមន្តា.

(ខ) នាយតនា ន សោតាយតនន្តិ? អាមន្តា.…បេ….

នាយតនា ន មនាយតនន្តិ? អាមន្តា.

(ចក្កំ ពន្ធិតព្ពំ)

បណ្ណត្តិនិទ្ទេសវារោ.