២. បទសោធនមូលចក្កវារោ

(ក) អនុលោមំ

១២. (ក) ចក្ខុ ចក្ខាយតនន្តិ?

ទិព្ពចក្ខុ បញ្ញាចក្ខុ ចក្ខុ, ន ចក្ខាយតនំ. ចក្ខាយតនំ ចក្ខុ ចេវ ចក្ខាយតនញ្ច…បេ….

(ខ) អាយតនា សោតាយតនន្តិ?

សោតាយតនំ អាយតនញ្ចេវ សោតាយតនញ្ច. អវសេសា អាយតនា ន សោតាយតនំ.

ចក្ខុ ចក្ខាយតនន្តិ?

ទិព្ពចក្ខុ បញ្ញាចក្ខុ ចក្ខុ, ន ចក្ខាយតនំ. ចក្ខាយតនំ ចក្ខុ ចេវ ចក្ខាយតនញ្ច…បេ….

អាយតនា ឃានាយតនន្តិ…បេ… អាយតនា ធម្មាយតនន្តិ?

ធម្មាយតនំ អាយតនញ្ចេវ ធម្មាយតនញ្ច. អវសេសា អាយតនា ន ធម្មាយតនំ.

សោតំ សោតាយតនន្តិ?…បេ… អវសេសា អាយតនា ន ធម្មាយតនំ…បេ….

ធម្មោ ធម្មាយតនន្តិ?

ធម្មាយតនំ ឋបេត្វា អវសេសោ ធម្មោ, ន ធម្មាយតនំ. ធម្មាយតនំ ធម្មោ ចេវ ធម្មាយតនញ្ច…បេ….

អាយតនា ចក្ខាយតនន្តិ?

ចក្ខាយតនំ អាយតនញ្ចេវ ចក្ខាយតនញ្ច. អវសេសា អាយតនា ន ចក្ខាយតនំ.

ធម្មោ ធម្មាយតនន្តិ?

ធម្មាយតនំ ឋបេត្វា អវសេសោ ធម្មោ, ន ធម្មាយតនំ. ធម្មាយតនំ ធម្មោ ចេវ ធម្មាយតនញ្ច.

អាយតនា សោតាយតនន្តិ…បេ… អាយតនា មនាយតនន្តិ?

មនាយតនំ អាយតនញ្ចេវ មនាយតនញ្ច. អវសេសា អាយតនា ន មនាយតនំ.

(ឯកេកបទមូលកំ ចក្កំ ពន្ធិតព្ពំ អសម្មោហន្តេន).

(ខ) បច្ចនីកំ

១៣. (ក) ន ចក្ខុ ន ចក្ខាយតនន្តិ? អាមន្តា.

(ខ) នាយតនា ន សោតាយនន្តិ? អាមន្តា.

(ក) ន ចក្ខុ ន ចក្ខាយតនន្តិ? អាមន្តា.

(ខ) នាយតនា ន ឃានាយតនន្តិ? អាមន្តា.…បេ….

នាយតនា ន ធម្មាយតនន្តិ? អាមន្តា.

ន សោតំ ន សោតាយតនន្តិ? អាមន្តា.

នាយតនា ន ចក្ខាយតនំ…បេ… នាយតនា ន ធម្មាយតនន្តិ? អាមន្តា.

ន ឃានំ ន ឃានាយតនំ…បេ… នាយតនា ន ធម្មាយតនន្តិ?

អាមន្តា.…បេ….

(ក) ន ធម្មោ ន ធម្មាយតនន្តិ? អាមន្តា.

(ខ) នាយតនា ន ចក្ខាយតនន្តិ? អាមន្តា.

ន ធម្មោ ន ធម្មាយតនន្តិ? អាមន្តា.

នាយតនា ន សោតាយតនំ…បេ… នាយតនា ន មនាយតនន្តិ? អាមន្តា.

(ចក្កំ ពន្ធន្តេន សព្ពត្ថ អាមន្តាតិ កាតព្ពំ).