៦. អតីតានាគតវារោ

២៥៤. (ក) យោ ចក្ខាយតនំ បរិជានិត្ថ សោ សោតាយតនំ បរិជានិស្សតីតិ? នោ.

(ខ) យោ វា បន សោតាយតនំ បរិជានិស្សតិ សោ ចក្ខាយតនំ បរិជានិត្ថាតិ? នោ.

(ក) យោ ចក្ខាយតនំ ន បរិជានិត្ថ សោ សោតាយតនំ ន បរិជានិស្សតីតិ?

យេ មគ្គំ បដិលភិស្សន្តិ តេ ចក្ខាយតនំ ន បរិជានិត្ថ, នោ ច សោតាយតនំ ន បរិជានិស្សន្តិ. អគ្គមគ្គសមង្គី យេ ច បុថុជ្ជនា មគ្គំ ន បដិលភិស្សន្តិ តេ ចក្ខាយតនញ្ច ន បរិជានិត្ថ សោតាយតនញ្ច ន បរិជានិស្សន្តិ.

(ខ) យោ វា បន សោតាយតនំ ន បរិជានិស្សតិ សោ ចក្ខាយតនំ ន បរិជានិត្ថាតិ?

អរហា សោតាយតនំ ន បរិជានិស្សតិ, នោ ច ចក្ខាយតនំ ន បរិជានិត្ថ. អគ្គមគ្គសមង្គី យេ ច បុថុជ្ជនា មគ្គំ ន បដិលភិស្សន្តិ តេ សោតាយតនញ្ច ន បរិជានិស្សន្តិ ចក្ខាយតនញ្ច ន បរិជានិត្ថ.

បរិញ្ញាវារោ.

អាយតនយមកំ និដ្ឋិតំ.

នមោ តស្ស ភគវតោ អរហតោ សម្មាសម្ពុទ្ធស្ស