(៥) បច្ចុប្បន្នានាគតវារោ

(ក) អនុលោមបុគ្គលោ

២៣០. (ក) យស្ស ចក្ខាយតនំ ឧប្បជ្ជតិ តស្ស សោតាយតនំ និរុជ្ឈិស្សតីតិ? អាមន្តា.

(ខ) យស្ស វា បន សោតាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ សោតាយតនំ និរុជ្ឈិស្សតិ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ សោតាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស ឃានាយតនំ និរុជ្ឈិស្សតីតិ?

បច្ឆិមភវិកានំ រូបាវចរំ ឧបបជ្ជន្តានំ តេសំ ចក្ខាយតនំ ឧប្បជ្ជតិ, នោ ច តេសំ ឃានាយតនំ និរុជ្ឈិស្សតិ. ឥតរេសំ សចក្ខុកានំ ឧបបជ្ជន្តានំ តេសំ ចក្ខាយតនញ្ច ឧប្បជ្ជតិ ឃានាយតនញ្ច និរុជ្ឈិស្សតិ.

(ខ) យស្ស វា បន ឃានាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ឃានាយតនំ និរុជ្ឈិស្សតិ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ ឃានាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស រូបាយតនំ និរុជ្ឈិស្សតីតិ? អាមន្តា.

(ខ) យស្ស វា បន រូបាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ…បេ… សចក្ខុកានំ ឧបបជ្ជន្តានំ តេសំ រូបាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស មនាយតនំ និរុជ្ឈិស្សតីតិ? អាមន្តា.

(ខ) យស្ស វា បន មនាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ…បេ… សចក្ខុកានំ ឧបបជ្ជន្តានំ តេសំ មនាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន ធម្មាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ…បេ… សចក្ខុកានំ ឧបបជ្ជន្តានំ តេសំ ធម្មាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

២៣១. យស្ស ឃានាយតនំ ឧប្បជ្ជតិ តស្ស រូបាយតនំ…បេ… មនាយតនំ… ធម្មាយតនំ និរុជ្ឈិស្សតីតិ? អាមន្តា.

យស្ស វា បន ធម្មាយតនំ និរុជ្ឈិស្សតិ តស្ស ឃានាយតនំ ឧប្បជ្ជតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ ធម្មាយតនំ និរុជ្ឈិស្សតិ, នោ ច តេសំ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ ធម្មាយតនញ្ច និរុជ្ឈិស្សតិ ឃានាយតនញ្ច ឧប្បជ្ជតិ.

២៣២. យស្ស រូបាយតនំ ឧប្បជ្ជតិ តស្ស មនាយតនំ…បេ… ធម្មាយតនំ និរុជ្ឈិស្សតីតិ? អាមន្តា.

យស្ស វា បន ធម្មាយតនំ និរុជ្ឈិស្សតិ តស្ស រូបាយតនំ ឧប្បជ្ជតីតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ ធម្មាយតនំ និរុជ្ឈិស្សតិ, នោ ច តេសំ រូបាយតនំ ឧប្បជ្ជតិ. សរូបកានំ ឧបបជ្ជន្តានំ តេសំ ធម្មាយតនញ្ច និរុជ្ឈិស្សតិ រូបាយតនញ្ច ឧប្បជ្ជតិ.

២៣៣. (ក) យស្ស មនាយតនំ ឧប្បជ្ជតិ តស្ស ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន ធម្មាយតនំ…បេ…?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ ធម្មាយតនំ និរុជ្ឈិស្សតិ, នោ ច តេសំ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ ធម្មាយតនញ្ច និរុជ្ឈិស្សតិ មនាយតនញ្ច ឧប្បជ្ជតិ.

(ខ) អនុលោមឱកាសោ

២៣៤. យត្ថ ចក្ខាយតនំ ឧប្បជ្ជតិ…បេ….

(គ) អនុលោមបុគ្គលោកាសា

២៣៥. (ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ សោតាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ សោតាយតនំ និរុជ្ឈិស្សតិ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ សោតាយតនំ និរុជ្ឈិស្សតិ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ សោតាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ ឃានាយតនំ និរុជ្ឈិស្សតីតិ?

រូបាវចរំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ ឃានាយតនំ និរុជ្ឈិស្សតិ. សចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ ឃានាយតនញ្ច និរុជ្ឈិស្សតិ.

(ខ) យស្ស វា បន យត្ថ ឃានាយតនំ និរុជ្ឈិស្សតិ តស្ស តត្ថ ចក្ខាយតនំ ឧប្បជ្ជតីតិ?

កាមាវចរា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ឃានាយតនំ និរុជ្ឈិស្សតិ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ កាមាវចរំ ឧបបជ្ជន្តានំ តេសំ តត្ថ ឃានាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ រូបាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ រូបាយតនំ និរុជ្ឈិស្សតិ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អសញ្ញសត្តានំ តេសំ តត្ថ រូបាយតនំ និរុជ្ឈិស្សតិ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ រូបាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ មនាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ មនាយតនំ និរុជ្ឈិស្សតិ តស្ស តត្ថ ចក្ខាយតនំ ឧប្បជ្ជតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អរូបានំ តេសំ តត្ថ មនាយតនំ និរុជ្ឈិស្សតិ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ មនាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ.

(ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ធម្មាយតនំ និរុជ្ឈិស្សតិ តស្ស តត្ថ ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ តត្ថ ធម្មាយតនំ និរុជ្ឈិស្សតិ, នោ ច តេសំ តត្ថ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ តត្ថ ធម្មាយតនញ្ច និរុជ្ឈិស្សតិ ចក្ខាយតនញ្ច ឧប្បជ្ជតិ. (ចក្ខាយតនមូលកំ)

២៣៦. (ក) យស្ស យត្ថ ឃានាយតនំ ឧប្បជ្ជតិ តស្ស តត្ថ រូបាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ រូបាយតនំ និរុជ្ឈិស្សតិ តស្ស តត្ថ ឃានាយតនំ ឧប្បជ្ជតីតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ តេសំ តត្ថ រូបាយតនំ និរុជ្ឈិស្សតិ, នោ ច តេសំ តត្ថ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ តត្ថ រូបាយតនញ្ច និរុជ្ឈិស្សតិ ឃានាយតនញ្ច ឧប្បជ្ជតិ.

(ក) យស្ស យត្ថ ឃានាយតនំ ឧប្បជ្ជតិ តស្ស តត្ថ មនាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ មនាយតនំ…បេ…?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ អរូបាវចរានំ តេសំ តត្ថ មនាយតនំ…បេ… សឃានកានំ ឧបបជ្ជន្តានំ តេសំ តត្ថ មនាយតនញ្ច និរុជ្ឈិស្សតិ ឃានាយតនញ្ច ឧប្បជ្ជតិ.

(ក) យស្ស យត្ថ ឃានាយតនំ ឧប្បជ្ជតិ តស្ស តត្ថ ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ធម្មាយតនំ…បេ…?

សព្ពេសំ ចវន្តានំ អឃានកានំ ឧបបជ្ជន្តានំ តេសំ តត្ថ ធម្មាយតនំ…បេ… សឃានកានំ ឧបបជ្ជន្តានំ តេសំ តត្ថ ធម្មាយតនញ្ច និរុជ្ឈិស្សតិ ឃានាយតនញ្ច ឧប្បជ្ជតិ. (ឃានាយតនមូលកំ)

២៣៧. (ក) យស្ស យត្ថ រូបាយតនំ ឧប្បជ្ជតិ តស្ស តត្ថ មនាយតនំ និរុជ្ឈិស្សតីតិ?

អសញ្ញសត្តំ ឧបបជ្ជន្តានំ តេសំ តត្ថ រូបាយតនំ ឧប្បជ្ជតិ, នោ ច តេសំ តត្ថ…បេ… បញ្ចវោការំ ឧបបជ្ជន្តានំ តេសំ តត្ថ…បេ….

(ខ) យស្ស វា បន យត្ថ មនាយតនំ…បេ…?

បញ្ចវោការា ចវន្តានំ អរូបានំ តេសំ តត្ថ…បេ… បញ្ចវោការំ ឧបបជ្ជន្តានំ តេសំ តត្ថ មនាយតនញ្ច និរុជ្ឈិស្សតិ រូបាយតនញ្ច ឧប្បជ្ជតិ.

(ក) យស្ស យត្ថ រូបាយតនំ ឧប្បជ្ជតិ តស្ស តត្ថ ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ធម្មាយតនំ…បេ…?

សព្ពេសំ ចវន្តានំ អរូបកានំ ឧបបជ្ជន្តានំ តេសំ តត្ថ ធម្មាយតនំ និរុជ្ឈិស្សតិ, នោ ច តេសំ តត្ថ រូបាយតនំ ឧប្បជ្ជតិ. សរូបកានំ ឧបបជ្ជន្តានំ តេសំ តត្ថ ធម្មាយតនញ្ច និរុជ្ឈិស្សតិ រូបាយតនញ្ច ឧប្បជ្ជតិ.

២៣៨. (ក) យស្ស យត្ថ មនាយតនំ ឧប្បជ្ជតិ តស្ស តត្ថ ធម្មាយតនំ និរុជ្ឈិស្សតីតិ? អាមន្តា.

(ខ) យស្ស វា បន យត្ថ ធម្មាយតនំ និរុជ្ឈិស្សតិ តស្ស តត្ថ មនាយតនំ ឧប្បជ្ជតីតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ តត្ថ ធម្មាយតនំ និរុជ្ឈិស្សតិ, នោ ច តេសំ តត្ថ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ តត្ថ ធម្មាយតនញ្ច និរុជ្ឈិស្សតិ មនាយតនញ្ច ឧប្បជ្ជតិ.

(ឃ) បច្ចនីកបុគ្គលោ

២៣៩. (ក) យស្ស ចក្ខាយតនំ នុប្បជ្ជតិ តស្ស សោតាយតនំ ន និរុជ្ឈិស្សតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ សោតាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ចក្ខាយតនញ្ច នុប្បជ្ជតិ សោតាយតនញ្ច ន និរុជ្ឈិស្សតិ.

(ខ) យស្ស វា បន សោតាយតនំ ន និរុជ្ឈិស្សតិ តស្ស ចក្ខាយតនំ នុប្បជ្ជតីតិ? អាមន្តា.

(ក) យស្ស ចក្ខាយតនំ នុប្បជ្ជតិ តស្ស ឃានាយតនំ ន និរុជ្ឈិស្សតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ ឃានាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច រូបាវចរំ អរូបាវចរំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ចក្ខាយតនញ្ច នុប្បជ្ជតិ ឃានាយតនញ្ច ន និរុជ្ឈិស្សតិ.

(ខ) យស្ស វា បន ឃានាយតនំ ន និរុជ្ឈិស្សតិ តស្ស ចក្ខាយតនំ នុប្បជ្ជតីតិ?

បច្ឆិមភវិកានំ រូបាវចរំ ឧបបជ្ជន្តានំ តេសំ ឃានាយតនំ ន និរុជ្ឈិស្សតិ, នោ ច តេសំ ចក្ខាយតនំ នុប្បជ្ជតិ. បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច រូបាវចរំ អរូបាវចរំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ឃានាយតនញ្ច ន និរុជ្ឈិស្សតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស រូបាយតនំ ន និរុជ្ឈិស្សតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ រូបាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ចក្ខាយតនញ្ច នុប្បជ្ជតិ រូបាយតនញ្ច ន និរុជ្ឈិស្សតិ.

(ខ) យស្ស វា បន រូបាយតនំ…បេ…? អាមន្តា.

យស្ស ចក្ខាយតនំ នុប្បជ្ជតិ តស្ស មនាយតនំ…បេ… ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ ចក្ខាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

យស្ស វា បន ធម្មាយតនំ…បេ…? អាមន្តា. (ចក្ខាយតនមូលកំ)

២៤០. (ក) យស្ស ឃានាយតនំ នុប្បជ្ជតិ តស្ស រូបាយតនំ ន និរុជ្ឈិស្សតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ រូបាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ឃានាយតនញ្ច នុប្បជ្ជតិ រូបាយតនញ្ច ន និរុជ្ឈិស្សតិ.

(ខ) យស្ស វា បន រូបាយតនំ…បេ…? អាមន្តា.

យស្ស ឃានាយតនំ នុប្បជ្ជតិ តស្ស មនាយតនំ…បេ… ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ ឃានាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

យស្ស វា បន ធម្មាយតនំ…បេ…? អាមន្តា. (ឃានាយតនមូលកំ)

២៤១. យស្ស រូបាយតនំ នុប្បជ្ជតិ តស្ស មនាយតនំ…បេ… ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ រូបាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ រូបាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

យស្ស វា បន ធម្មាយតនំ…បេ…? អាមន្តា.

២៤២. (ក) យស្ស មនាយតនំ នុប្បជ្ជតិ តស្ស ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ មនាយតនំ នុប្បជ្ជតិ, នោ ច តេសំ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ មនាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

(ខ) យស្ស វា បន ធម្មាយតនំ ន និរុជ្ឈិស្សតិ តស្ស មនាយតនំ នុប្បជ្ជតីតិ? អាមន្តា.

(ង) បច្ចនីកឱកាសោ

២៤៣. យត្ថ ចក្ខាយតនំ នុប្បជ្ជតិ…បេ….

(ច) បច្ចនីកបុគ្គលោកាសា

២៤៤. (ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ សោតាយតនំ ន និរុជ្ឈិស្សតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ សោតាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ សោតាយតនញ្ច ន និរុជ្ឈិស្សតិ.

(ខ) យស្ស វា បន យត្ថ សោតាយតនំ ន និរុជ្ឈិស្សតិ តស្ស តត្ថ ចក្ខាយតនំ នុប្បជ្ជតីតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ ឃានាយតនំ ន និរុជ្ឈិស្សតីតិ?

កាមាវចរា ចវន្តានំ អចក្ខុកានំ កាមាវចរំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ ឃានាយតនំ ន និរុជ្ឈិស្សតិ. កាមាវចរេ បរិនិព្ពន្តានំ រូបាវចរា ចវន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ ឃានាយតនញ្ច ន និរុជ្ឈិស្សតិ.

(ខ) យស្ស វា បន យត្ថ ឃានាយតនំ ន និរុជ្ឈិស្សតិ តស្ស តត្ថ ចក្ខាយតនំ នុប្បជ្ជតីតិ?

រូបាវចរំ ឧបបជ្ជន្តានំ តេសំ តត្ថ ឃានាយតនំ ន និរុជ្ឈិស្សតិ, នោ ច តេសំ តត្ថ ចក្ខាយតនំ នុប្បជ្ជតិ. កាមាវចរេ បរិនិព្ពន្តានំ រូបាវចរា ចវន្តានំ អសញ្ញសត្តានំ អរូបានំ តេសំ តត្ថ ឃានាយតនញ្ច ន និរុជ្ឈិស្សតិ ចក្ខាយតនញ្ច នុប្បជ្ជតិ.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ រូបាយតនំ ន និរុជ្ឈិស្សតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អសញ្ញសត្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ រូបាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបានំ តេសំ តត្ថ ចក្ខាយតនញ្ច នុប្បជ្ជតិ រូបាយតនញ្ច ន និរុជ្ឈិស្សតិ.

(ខ) យស្ស វា បន យត្ថ រូបាយតនំ ន និរុជ្ឈិស្សតិ តស្ស តត្ថ ចក្ខាយតនំ នុប្បជ្ជតីតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ មនាយតនំ ន និរុជ្ឈិស្សតីតិ?

បញ្ចវោការា ចវន្តានំ អចក្ខុកានំ កាមាវចរំ ឧបបជ្ជន្តានំ អរូបានំ តសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ មនាយតនំ ន និរុជ្ឈិស្សតិ. បរិនិព្ពន្តានំ អសញ្ញសត្តានំ តេសំ តត្ថ ចក្ខាយតនញ្ច នុប្បជ្ជតិ មនាយតនញ្ច ន និរុជ្ឈិស្សតិ.

(ខ) យស្ស វា បន យត្ថ មនាយតនំ ន និរុជ្ឈិស្សតិ តស្ស តត្ថ ចក្ខាយតនំ នុប្បជ្ជតីតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ តត្ថ ចក្ខាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

(ខ) យស្ស វា បន យត្ថ ធម្មាយតនំ ន និរុជ្ឈិស្សតិ តស្ស តត្ថ ចក្ខាយតនំ នុប្បជ្ជតីតិ? អាមន្តា. (ចក្ខាយតនមូលកំ)

២៤៥. (ក) យស្ស យត្ថ ឃានាយតនំ នុប្បជ្ជតិ តស្ស តត្ថ រូបាយតនំ ន និរុជ្ឈិស្សតីតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ រូបាយតនំ ន និរុជ្ឈិស្សតិ. បញ្ចវោការេ បរិនិព្ពន្តានំ អរូបានំ តេសំ តត្ថ ឃានាយតនញ្ច នុប្បជ្ជតិ រូបាយតនញ្ច ន និរុជ្ឈិស្សតិ.

(ខ) យស្ស វា បន យត្ថ រូបាយតនំ ន និរុជ្ឈិស្សតិ តស្ស តត្ថ ឃានាយតនំ នុប្បជ្ជតីតិ? អាមន្តា.

(ក) យស្ស យត្ថ ឃានាយតនំ នុប្បជ្ជតិ តស្ស តត្ថ មនាយតនំ ន និរុជ្ឈិស្សតីតិ?

កាមាវចរា ចវន្តានំ អឃានកានំ កាមាវចរំ ឧបបជ្ជន្តានំ រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ មនាយតនំ ន និរុជ្ឈិស្សតិ. បរិនិព្ពន្តានំ អសញ្ញសត្តានំ តេសំ តត្ថ ឃានាយតនញ្ច នុប្បជ្ជតិ មនាយតនញ្ច ន និរុជ្ឈិស្សតិ.

(ខ) យស្ស វា បន យត្ថ មនាយតនំ ន និរុជ្ឈិស្សតិ តស្ស តត្ថ ឃានាយតនំ នុប្បជ្ជតីតិ? អាមន្តា.

(ក) យស្ស យត្ថ ឃានាយតនំ នុប្បជ្ជតិ តស្ស តត្ថ ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អឃានកានំ ឧបបជ្ជន្តានំ តេសំ តត្ថ ឃានាយតនំ នុប្បជ្ជតិ, នោ ច តេសំ តត្ថ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ តត្ថ ឃានាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

(ខ) យស្ស វា បន យត្ថ ធម្មាយតនំ ន និរុជ្ឈិស្សតិ តស្ស តត្ថ ឃានាយតនំ នុប្បជ្ជតីតិ? អាមន្តា. (ឃានាយតនមូលកំ)

២៤៦. (ក) យស្ស យត្ថ រូបាយតនំ នុប្បជ្ជតិ តស្ស តត្ថ មនាយតនំ ន និរុជ្ឈិស្សតីតិ?

បញ្ចវោការា ចវន្តានំ អរូបានំ តេសំ តត្ថ រូបាយតនំ នុប្បជ្ជតិ, នោ ច តេសំ តត្ថ មនាយតនំ ន និរុជ្ឈិស្សតិ. បរិនិព្ពន្តានំ អសញ្ញសត្តា ចវន្តានំ តេសំ តត្ថ រូបាយតនញ្ច នុប្បជ្ជតិ មនាយតនញ្ច ន និរុជ្ឈិស្សតិ.

(ខ) យស្ស វា បន យត្ថ មនាយតនំ ន និរុជ្ឈិស្សតិ តស្ស តត្ថ រូបាយតនំ នុប្បជ្ជតីតិ?

អសញ្ញសត្តំ ឧបបជ្ជន្តានំ តេសំ តត្ថ មនាយតនំ ន និរុជ្ឈិស្សតិ, នោ ច តេសំ តត្ថ រូបាយតនំ នុប្បជ្ជតិ. បរិនិព្ពន្តានំ អសញ្ញសត្តា ចវន្តានំ តេសំ តត្ថ មនាយតនញ្ច ន និរុជ្ឈិស្សតិ រូបាយតនញ្ច នុប្បជ្ជតិ.

(ក) យស្ស យត្ថ រូបាយតនំ នុប្បជ្ជតិ តស្ស តត្ថ ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អរូបកានំ ឧបបជ្ជន្តានំ តេសំ តត្ថ រូបាយតនំ នុប្បជ្ជតិ, នោ ច តេសំ តត្ថ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ តត្ថ រូបាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

(ខ) យស្ស វា បន យត្ថ ធម្មាយតនំ ន និរុជ្ឈិស្សតិ តស្ស តត្ថ រូបាយតនំ នុប្បជ្ជតីតិ? អាមន្តា.

២៤៧. (ក) យស្ស យត្ថ មនាយតនំ នុប្បជ្ជតិ តស្ស តត្ថ ធម្មាយតនំ ន និរុជ្ឈិស្សតីតិ?

សព្ពេសំ ចវន្តានំ អចិត្តកានំ ឧបបជ្ជន្តានំ តេសំ តត្ថ មនាយតនំ នុប្បជ្ជតិ, នោ ច តេសំ តត្ថ ធម្មាយតនំ ន និរុជ្ឈិស្សតិ. បរិនិព្ពន្តានំ តេសំ តត្ថ មនាយតនញ្ច នុប្បជ្ជតិ ធម្មាយតនញ្ច ន និរុជ្ឈិស្សតិ.

(ខ) យស្ស វា បន យត្ថ ធម្មាយតនំ ន និរុជ្ឈិស្សតិ តស្ស តត្ថ មនាយតនំ នុប្បជ្ជតីតិ? អាមន្តា.