(៦) អតីតានាគតវារោ

(ក) អនុលោមបុគ្គលោ

២៤៨. (ក) យស្ស ចក្ខាយតនំ ឧប្បជ្ជិត្ថ តស្ស សោតាយតនំ និរុជ្ឈិស្សតីតិ?

បញ្ចវោការេ បរិនិព្ពន្តានំ អរូបេ បច្ឆិមភវិកានំ យេ ច អរូបំ ឧបបជ្ជិត្វា បរិនិព្ពាយិស្សន្តិ តេសំ ចវន្តានំ តេសំ ចក្ខាយតនំ ឧប្បជ្ជិត្ថ, នោ ច តេសំ សោតាយតនំ និរុជ្ឈិស្សតិ. ឥតរេសំ តេសំ ចក្ខាយតនញ្ច ឧប្បជ្ជិត្ថ សោតាយតនញ្ច និរុជ្ឈិស្សតិ.

(ខ) យស្ស វា បន សោតាយតនំ និរុជ្ឈិស្សតិ តស្ស ចក្ខាយតនំ ឧប្បជ្ជិត្ថាតិ? អាមន្តា.

(យថា និរោធវារេ អតីតានាគតា [អតីតេនានាគតា (ស្យា.)] បុច្ឆា យស្សកម្បិ យត្ថកម្បិ យស្សយត្ថកម្បិ អនុលោមម្បិ បច្ចនីកម្បិ វិភត្តំ, ឯវំ ឧប្បាទនិរោធេបិ អតីតានាគតា បុច្ឆា វិភជិតព្ពា.)

ឧប្បាទនិរោធវារោ.

បវត្តិវារោ និដ្ឋិតោ.