(៤) បច្ចុប្បន្នាតីតវារោ

(ក) អនុលោមបុគ្គលោ

២២៩. (ក) យស្ស ចក្ខាយតនំ ឧប្បជ្ជតិ តស្ស សោតាយតនំ និរុជ្ឈិត្ថាតិ? អាមន្តា.

(ខ) យស្ស វា បន សោតាយតនំ និរុជ្ឈិត្ថ តស្ស ចក្ខាយតនំ ឧប្បជ្ជតីតិ?

សព្ពេសំ ចវន្តានំ អចក្ខុកានំ ឧបបជ្ជន្តានំ តេសំ សោតាយតនំ និរុជ្ឈិត្ថ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ សោតាយតនញ្ច និរុជ្ឈិត្ថ ចក្ខាយតនញ្ច ឧប្បជ្ជតិ.

(យថា ឧប្បាទវារេ បច្ចុប្បន្នាតីតា បុច្ឆា វិភត្តា ឯវំ ឧប្បាទនិរោធេបិ បច្ចុប្បន្នាតីតា បុច្ឆា អនុលោមម្បិ បច្ចនីកម្បិ វិភជិតព្ពា [វិភជិតព្ពំ (សី ស្យា. ក.)] ).