(៤) បច្ចុប្បន្នាតីតវារោ

(ក) អនុលោមបុគ្គលោ

១៥១. (ក) យស្ស ចក្ខាយតនំ និរុជ្ឈតិ តស្ស សោតាយតនំ និរុជ្ឈិត្ថាតិ? អាមន្តា.

(ខ) យស្ស វា បន សោតាយតនំ និរុជ្ឈិត្ថ តស្ស ចក្ខាយតនំ និរុជ្ឈតីតិ?

សព្ពេសំ ឧបបជ្ជន្តានំ អចក្ខុកានំ ចវន្តានំ តេសំ សោតាយតនំ និរុជ្ឈិត្ថ, នោ ច តេសំ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ សោតាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

យស្ស ចក្ខាយតនំ និរុជ្ឈតិ តស្ស ឃានាយតនំ…បេ… រូបាយតនំ …បេ… មនាយតនំ…បេ… ធម្មាយតនំ និរុជ្ឈិត្ថាតិ? អាមន្តា.

យស្ស វា បន ធម្មាយតនំ និរុជ្ឈិត្ថ តស្ស ចក្ខាយតនំ និរុជ្ឈតីតិ?

សព្ពេសំ ឧបបជ្ជន្តានំ អចក្ខុកានំ ចវន្តានំ តេសំ ធម្មាយតនំ និរុជ្ឈិត្ថ, នោ ច តេសំ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ ធម្មាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

១៥២. យស្ស ឃានាយតនំ និរុជ្ឈតិ តស្ស រូបាយតនំ…បេ… មនាយតនំ…បេ… ធម្មាយតនំ និរុជ្ឈិត្ថាតិ? អាមន្តា.

យស្ស វា បន ធម្មាយតនំ និរុជ្ឈិត្ថ តស្ស ឃានាយតនំ និរុជ្ឈតីតិ?

សព្ពេសំ ឧបបជ្ជន្តានំ អឃានកានំ ចវន្តានំ តេសំ ធម្មាយតនំ និរុជ្ឈិត្ថ, នោ ច តេសំ ឃានាយតនំ និរុជ្ឈតិ. សឃានកានំ ចវន្តានំ តេសំ ធម្មាយតនញ្ច និរុជ្ឈិត្ថ ឃានាយតនញ្ច និរុជ្ឈតិ.

១៥៣. យស្ស រូបាយតនំ និរុជ្ឈតិ តស្ស មនាយតនំ…បេ… ធម្មាយតនំ និរុជ្ឈិត្ថាតិ? អាមន្តា.

យស្ស វា បន ធម្មាយតនំ និរុជ្ឈិត្ថ តស្ស រូបាយតនំ និរុជ្ឈតីតិ?

សព្ពេសំ ឧបបជ្ជន្តានំ អរូបកានំ ចវន្តានំ តេសំ ធម្មាយតនំ និរុជ្ឈិត្ថ, នោ ច តេសំ រូបាយតនំ និរុជ្ឈតិ. សរូបកានំ ចវន្តានំ តេសំ ធម្មាយតនញ្ច និរុជ្ឈិត្ថ រូបាយតនញ្ច និរុជ្ឈតិ.

១៥៤. (ក) យស្ស មនាយតនំ និរុជ្ឈតិ តស្ស ធម្មាយតនំ និរុជ្ឈិត្ថាតិ? អាមន្តា.

(ខ) យស្ស វា បន ធម្មាយតនំ និរុជ្ឈិត្ថ តស្ស មនាយតនំ និរុជ្ឈតីតិ?

សព្ពេសំ ឧបបជ្ជន្តានំ អចិត្តកានំ ចវន្តានំ តេសំ ធម្មាយតនំ និរុជ្ឈិត្ថ, នោ ច តេសំ មនាយតនំ និរុជ្ឈតិ. សចិត្តកានំ ចវន្តានំ តេសំ ធម្មាយតនញ្ច និរុជ្ឈិត្ថ មនាយតនញ្ច និរុជ្ឈតិ.

(ខ) អនុលោមឱកាសោ

១៥៥. យត្ថ ចក្ខាយតនំ និរុជ្ឈតិ…បេ….

(គ) អនុលោមបុគ្គលោកាសា

១៥៦. (ក) យស្ស យត្ថ ចក្ខាយតនំ និរុជ្ឈតិ តស្ស តត្ថ សោតាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ ចក្ខាយតនំ និរុជ្ឈតិ, នោ ច តេសំ តត្ថ សោតាយតនំ និរុជ្ឈិត្ថ. ឥតរេសំ សចក្ខុកានំ ចវន្តានំ តេសំ តត្ថ ចក្ខាយតនញ្ច និរុជ្ឈតិ សោតាយតនញ្ច និរុជ្ឈិត្ថ.

(ខ) យស្ស វា បន យត្ថ សោតាយតនំ និរុជ្ឈិត្ថ តស្ស តត្ថ ចក្ខាយតនំ និរុជ្ឈតីតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ តេសំ តត្ថ សោតាយតនំ និរុជ្ឈិត្ថ, នោ ច តេសំ តត្ថ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ តត្ថ សោតាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

(ក) យស្ស យត្ថ ចក្ខាយតនំ និរុជ្ឈតិ តស្ស តត្ថ ឃានាយតនំ និរុជ្ឈិត្ថាតិ?

រូបាវចរា ចវន្តានំ តេសំ តត្ថ ចក្ខាយតនំ និរុជ្ឈតិ, នោ ច តេសំ តត្ថ ឃានាយតនំ និរុជ្ឈិត្ថ. សចក្ខុកានំ កាមាវចរា ចវន្តានំ តេសំ តត្ថ ចក្ខាយតនញ្ច និរុជ្ឈតិ ឃានាយតនញ្ច និរុជ្ឈិត្ថ.

(ខ) យស្ស វា បន យត្ថ ឃានាយតនំ និរុជ្ឈិត្ថ តស្ស តត្ថ ចក្ខាយតនំ និរុជ្ឈតីតិ?

កាមាវចរំ ឧបបជ្ជន្តានំ អចក្ខុកានំ កាមាវចរា ចវន្តានំ តេសំ តត្ថ ឃានាយតនំ និរុជ្ឈិត្ថ, នោ ច តេសំ តត្ថ ចក្ខាយតនំ និរុជ្ឈតិ. សចក្ខុកានំ កាមាវចរា ចវន្តានំ តេសំ តត្ថ ឃានាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

(ក) យស្ស យត្ថ ចក្ខាយតនំ និរុជ្ឈតិ តស្ស តត្ថ រូបាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ ចក្ខាយតនំ និរុជ្ឈតិ, នោ ច តេសំ តត្ថ រូបាយតនំ និរុជ្ឈិត្ថ. ឥតរេសំ សចក្ខុកានំ ចវន្តានំ តេសំ តត្ថ ចក្ខាយតនញ្ច និរុជ្ឈតិ រូបាយតនញ្ច និរុជ្ឈិត្ថ.

(ខ) យស្ស វា បន យត្ថ រូបាយតនំ និរុជ្ឈិត្ថ តស្ស តត្ថ ចក្ខាយតនំ និរុជ្ឈតីតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ អសញ្ញសត្តានំ តេសំ តត្ថ រូបាយតនំ និរុជ្ឈិត្ថ, នោ ច តេសំ តត្ថ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ តត្ថ រូបាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

(ក) យស្ស យត្ថ ចក្ខាយតនំ និរុជ្ឈតិ តស្ស តត្ថ មនាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ ចក្ខាយតនំ និរុជ្ឈតិ, នោ ច តេសំ តត្ថ មនាយតនំ និរុជ្ឈិត្ថ. ឥតរេសំ សចក្ខុកានំ ចវន្តានំ តេសំ តត្ថ ចក្ខាយតនញ្ច និរុជ្ឈតិ មនាយតនញ្ច និរុជ្ឈិត្ថ.

(ខ) យស្ស វា បន យត្ថ មនាយតនំ និរុជ្ឈិត្ថ តស្ស តត្ថ ចក្ខាយតនំ និរុជ្ឈតីតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ អរូបានំ តេសំ តត្ថ មនាយតនំ និរុជ្ឈិត្ថ, នោ ច តេសំ តត្ថ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ តត្ថ មនាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ.

(ក) យស្ស យត្ថ ចក្ខាយតនំ និរុជ្ឈតិ តស្ស តត្ថ ធម្មាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ ចក្ខាយតនំ និរុជ្ឈតិ, នោ ច តេសំ តត្ថ ធម្មាយតនំ និរុជ្ឈិត្ថ. ឥតរេសំ សចក្ខុកានំ ចវន្តានំ តេសំ តត្ថ ចក្ខាយតនញ្ច និរុជ្ឈតិ ធម្មាយតនញ្ច និរុជ្ឈិត្ថ.

(ខ) យស្ស វា បន យត្ថ ធម្មាយតនំ និរុជ្ឈិត្ថ តស្ស តត្ថ ចក្ខាយតនំ និរុជ្ឈតីតិ?

សព្ពេសំ ឧបបជ្ជន្តានំ អចក្ខុកានំ ចវន្តានំ តេសំ តត្ថ ធម្មាយតនំ និរុជ្ឈិត្ថ, នោ ច តេសំ តត្ថ ចក្ខាយតនំ និរុជ្ឈតិ. សចក្ខុកានំ ចវន្តានំ តេសំ តត្ថ ធម្មាយតនញ្ច និរុជ្ឈិត្ថ ចក្ខាយតនញ្ច និរុជ្ឈតិ. (ចក្ខាយតនមូលកំ)

១៥៧. (ក) យស្ស យត្ថ ឃានាយតនំ និរុជ្ឈតិ តស្ស តត្ថ រូបាយតនំ និរុជ្ឈិត្ថាតិ? អាមន្តា.

(ខ) យស្ស វា បន យត្ថ រូបាយតនំ និរុជ្ឈិត្ថ តស្ស តត្ថ ឃានាយតនំ និរុជ្ឈតីតិ?

កាមាវចរំ ឧបបជ្ជន្តានំ អឃានកានំ កាមាវចរា ចវន្តានំ រូបាវចរានំ តេសំ តត្ថ រូបាយតនំ និរុជ្ឈិត្ថ, នោ ច តេសំ តត្ថ ឃានាយតនំ និរុជ្ឈតិ. សឃានកានំ ចវន្តានំ តេសំ តត្ថ រូបាយតនញ្ច និរុជ្ឈិត្ថ ឃានាយតនញ្ច និរុជ្ឈតិ.

(ក) យស្ស យត្ថ ឃានាយតនំ និរុជ្ឈតិ តស្ស តត្ថ មនាយតនំ និរុជ្ឈិត្ថាតិ? អាមន្តា.

(ខ) យស្ស វា បន យត្ថ មនាយតនំ និរុជ្ឈិត្ថ តស្ស តត្ថ ឃានាយតនំ និរុជ្ឈតីតិ?

កាមាវចរំ ឧបបជ្ជន្តានំ អឃានកានំ កាមាវចរា ចវន្តានំ រូបាវចរានំ អរូបាវចរានំ តេសំ តត្ថ មនាយតនំ និរុជ្ឈិត្ថ, នោ ច តេសំ តត្ថ ឃានាយតនំ និរុជ្ឈតិ. សឃានកានំ ចវន្តានំ តេសំ តត្ថ មនាយតនញ្ច និរុជ្ឈិត្ថ ឃានាយតនញ្ច និរុជ្ឈតិ.

(ក) យស្ស យត្ថ ឃានាយតនំ និរុជ្ឈតិ តស្ស តត្ថ ធម្មាយតនំ និរុជ្ឈិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ និរុជ្ឈិត្ថ តស្ស តត្ថ ឃានាយតនំ និរុជ្ឈតីតិ?

សព្ពេសំ ឧបបជ្ជន្តានំ អឃានកានំ ចវន្តានំ តេសំ តត្ថ ធម្មាយតនំ និរុជ្ឈិត្ថ, នោ ច តេសំ តត្ថ ឃានាយតនំ និរុជ្ឈតិ. សឃានកានំ ចវន្តានំ តេសំ តត្ថ ធម្មាយតនញ្ច និរុជ្ឈិត្ថ ឃានាយតនញ្ច និរុជ្ឈតិ. (ឃានាយតនមូលកំ)

១៥៨. (ក) យស្ស យត្ថ រូបាយតនំ និរុជ្ឈតិ តស្ស តត្ថ មនាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ អសញ្ញសត្តា ចវន្តានំ តេសំ តត្ថ រូបាយតនំ និរុជ្ឈតិ, នោ ច តេសំ តត្ថ មនាយតនំ និរុជ្ឈិត្ថ. ឥតរេសំ បញ្ចវោការា ចវន្តានំ តេសំ តត្ថ រូបាយតនញ្ច និរុជ្ឈតិ មនាយតនញ្ច និរុជ្ឈិត្ថ.

(ខ) យស្ស វា បន យត្ថ មនាយតនំ និរុជ្ឈិត្ថ តស្ស តត្ថ រូបាយតនំ និរុជ្ឈតីតិ?

បញ្ចវោការំ ឧបបជ្ជន្តានំ អរូបានំ តេសំ តត្ថ មនាយតនំ និរុជ្ឈិត្ថ, នោ ច តេសំ តត្ថ រូបាយតនំ និរុជ្ឈតិ. បញ្ចវោការា ចវន្តានំ តេសំ តត្ថ មនាយតនញ្ច និរុជ្ឈិត្ថ រូបាយតនញ្ច និរុជ្ឈតិ.

(ក) យស្ស យត្ថ រូបាយតនំ និរុជ្ឈតិ តស្ស តត្ថ ធម្មាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ រូបាយតនំ និរុជ្ឈតិ, នោ ច តេសំ តត្ថ ធម្មាយតនំ និរុជ្ឈិត្ថ. ឥតរេសំ សរូបកានំ ចវន្តានំ តេសំ តត្ថ រូបាយតនញ្ច និរុជ្ឈតិ ធម្មាយតនញ្ច និរុជ្ឈិត្ថ.

(ខ) យស្ស វា បន យត្ថ ធម្មាយតនំ និរុជ្ឈិត្ថ តស្ស តត្ថ រូបាយតនំ និរុជ្ឈតីតិ?

សព្ពេសំ ឧបបជ្ជន្តានំ អរូបកានំ ចវន្តានំ តេសំ តត្ថ ធម្មាយតនំ និរុជ្ឈិត្ថ, នោ ច តេសំ តត្ថ រូបាយតនំ និរុជ្ឈតិ. សរូបកានំ ចវន្តានំ តេសំ តត្ថ ធម្មាយតនញ្ច និរុជ្ឈិត្ថ រូបាយតនញ្ច និរុជ្ឈតិ. (រូបាយតនមូលកំ)

១៥៩. (ក) យស្ស យត្ថ មនាយតនំ និរុជ្ឈតិ តស្ស តត្ថ ធម្មាយតនំ និរុជ្ឈិត្ថាតិ?

សុទ្ធាវាសេ បរិនិព្ពន្តានំ តេសំ តត្ថ មនាយតនំ និរុជ្ឈតិ, នោ ច តេសំ តត្ថ ធម្មាយតនំ និរុជ្ឈិត្ថ. ឥតរេសំ សចិត្តកានំ ចវន្តានំ តេសំ តត្ថ មនាយតនញ្ច និរុជ្ឈតិ ធម្មាយតនញ្ច និរុជ្ឈិត្ថ.

(ខ) យស្ស វា បន យត្ថ ធម្មាយតនំ និរុជ្ឈិត្ថ តស្ស តត្ថ មនាយតនំ និរុជ្ឈតីតិ?

សព្ពេសំ ឧបបជ្ជន្តានំ អចិត្តកានំ ចវន្តានំ តេសំ តត្ថ ធម្មាយតនំ និរុជ្ឈិត្ថ, នោ ច តេសំ តត្ថ មនាយតនំ និរុជ្ឈតិ. សចិត្តកានំ ចវន្តានំ តេសំ តត្ថ ធម្មាយតនញ្ច និរុជ្ឈិត្ថ មនាយតនញ្ច និរុជ្ឈតិ.

(ឃ) បច្ចនីកបុគ្គលោ

១៦០. (ក) យស្ស ចក្ខាយតនំ ន និរុជ្ឈតិ តស្ស សោតាយតនំ ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន សោតាយតនំ ន និរុជ្ឈិត្ថ តស្ស ចក្ខាយតនំ ន និរុជ្ឈតីតិ? នត្ថិ.

យស្ស ចក្ខាយតនំ…បេ… ឃានាយតនំ…បេ… រូបាយតនំ…បេ… មនាយតនំ ន និរុជ្ឈតិ តស្ស ធម្មាយតនំ ន និរុជ្ឈិត្ថាតិ? និរុជ្ឈិត្ថ.

យស្ស វា បន ធម្មាយតនំ ន និរុជ្ឈិត្ថ តស្ស មនាយតនំ ន និរុជ្ឈតីតិ? នត្ថិ.

(ង) បច្ចនីកឱកាសោ

១៦១. យត្ថ ចក្ខាយតនំ ន និរុជ្ឈតិ…បេ….

(ច) បច្ចនីកបុគ្គលោកាសា

១៦២. (ក) យស្ស យត្ថ ចក្ខាយតនំ ន និរុជ្ឈតិ តស្ស តត្ថ សោតាយតនំ ន និរុជ្ឈិត្ថាតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ តេសំ តត្ថ ចក្ខាយតនំ ន និរុជ្ឈតិ, នោ ច តេសំ តត្ថ សោតាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច ន និរុជ្ឈតិ សោតាយតនញ្ច ន និរុជ្ឈិត្ថ.

(ខ) យស្ស វា បន យត្ថ សោតាយតនំ ន និរុជ្ឈិត្ថ តស្ស តត្ថ ចក្ខាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ សោតាយតនំ ន និរុជ្ឈិត្ថ, នោ ច តេសំ តត្ថ ចក្ខាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ អសញ្ញសត្តានំ អរូបានំ តេសំ តត្ថ សោតាយតនញ្ច ន និរុជ្ឈិត្ថ ចក្ខាយតនញ្ច ន និរុជ្ឈតិ.

(ក) យស្ស យត្ថ ចក្ខាយតនំ ន និរុជ្ឈតិ តស្ស តត្ថ ឃានាយតនំ ន និរុជ្ឈិត្ថាតិ?

កាមាវចរំ ឧបបជ្ជន្តានំ អចក្ខុកានំ កាមាវចរា ចវន្តានំ តេសំ តត្ថ ចក្ខាយតនំ ន និរុជ្ឈតិ, នោ ច តេសំ តត្ថ ឃានាយតនំ ន និរុជ្ឈិត្ថ. រូបាវចរំ ឧបបជ្ជន្តានំ អសញ្ញសត្តានំ អរូបានំ តេសំ តត្ថ ចក្ខាយតនញ្ច ន និរុជ្ឈតិ ឃានាយតនញ្ច ន និរុជ្ឈិត្ថ.

(ខ) យស្ស វា បន យត្ថ ឃានាយតនំ ន និរុជ្ឈិត្ថ តស្ស តត្ថ ចក្ខាយតនំ ន និរុជ្ឈតីតិ?

រូបាវចរា ចវន្តានំ តេសំ តត្ថ ឃានាយតនំ ន និរុជ្ឈិត្ថ, នោ ច តេសំ តត្ថ ចក្ខាយតនំ ន និរុជ្ឈតិ. រូបាវចរំ ឧបបជ្ជន្តានំ អសញ្ញសត្តានំ អរូបានំ តេសំ តត្ថ ឃានាយតនញ្ច ន និរុជ្ឈិត្ថ ចក្ខាយតនញ្ច ន និរុជ្ឈតិ.

(ក) យស្ស យត្ថ ចក្ខាយតនំ ន និរុជ្ឈតិ តស្ស តត្ថ រូបាយតនំ ន និរុជ្ឈិត្ថាតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ អសញ្ញសត្តានំ តេសំ តត្ថ ចក្ខាយតនំ ន និរុជ្ឈតិ, នោ ច តេសំ តត្ថ រូបាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ អរូបានំ តេសំ តត្ថ ចក្ខាយតនញ្ច ន និរុជ្ឈតិ រូបាយតនញ្ច ន និរុជ្ឈិត្ថ.

(ខ) យស្ស វា បន យត្ថ រូបាយតនំ ន និរុជ្ឈិត្ថ តស្ស តត្ថ ចក្ខាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ រូបាយតនំ ន និរុជ្ឈិត្ថ, នោ ច តេសំ តត្ថ ចក្ខាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ អរូបានំ តេសំ តត្ថ រូបាយតនញ្ច ន និរុជ្ឈិត្ថ ចក្ខាយតនញ្ច ន និរុជ្ឈតិ.

(ក) យស្ស យត្ថ ចក្ខាយតនំ ន និរុជ្ឈតិ តស្ស តត្ថ មនាយតនំ ន និរុជ្ឈិត្ថាតិ?

បញ្ចវោការំ ឧបបជ្ជន្តានំ អចក្ខុកានំ កាមាវចរា ចវន្តានំ អរូបានំ តេសំ តត្ថ ចក្ខាយតនំ ន និរុជ្ឈតិ, នោ ច តេសំ តត្ថ មនាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ អសញ្ញសត្តានំ តេសំ តត្ថ ចក្ខាយតនញ្ច ន និរុជ្ឈតិ មនាយតនញ្ច ន និរុជ្ឈិត្ថ.

(ខ) យស្ស វា បន យត្ថ មនាយតនំ ន និរុជ្ឈិត្ថ តស្ស តត្ថ ចក្ខាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ មនាយតនំ ន និរុជ្ឈិត្ថ, នោ ច តេសំ តត្ថ ចក្ខាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ អសញ្ញសត្តានំ តេសំ តត្ថ មនាយតនញ្ច ន និរុជ្ឈិត្ថ ចក្ខាយតនញ្ច ន និរុជ្ឈតិ.

(ក) យស្ស យត្ថ ចក្ខាយតនំ ន និរុជ្ឈតិ តស្ស តត្ថ ធម្មាយតនំ ន និរុជ្ឈិត្ថាតិ?

សព្ពេសំ ឧបបជ្ជន្តានំ អចក្ខុកានំ ចវន្តានំ តេសំ តត្ថ ចក្ខាយតនំ ន និរុជ្ឈតិ, នោ ច តេសំ តត្ថ ធម្មាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ ចក្ខាយតនញ្ច ន និរុជ្ឈតិ ធម្មាយតនញ្ច ន និរុជ្ឈិត្ថ.

(ខ) យស្ស វា បន យត្ថ ធម្មាយតនំ ន និរុជ្ឈិត្ថ តស្ស តត្ថ ចក្ខាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ ធម្មាយតនំ ន និរុជ្ឈិត្ថ, នោ ច តេសំ តត្ថ ចក្ខាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ តេសំ តត្ថ ធម្មាយតនញ្ច ន និរុជ្ឈិត្ថ ចក្ខាយតនញ្ច ន និរុជ្ឈតិ. (ចក្ខាយតនមូលកំ)

១៦៣. (ក) យស្ស យត្ថ ឃានាយតនំ ន និរុជ្ឈតិ តស្ស តត្ថ រូបាយតនំ ន និរុជ្ឈិត្ថាតិ?

កាមាវចរំ ឧបបជ្ជន្តានំ អឃានកានំ កាមាវចរា ចវន្តានំ រូបាវចរានំ តេសំ តត្ថ ឃានាយតនំ ន និរុជ្ឈតិ, នោ ច តេសំ តត្ថ រូបាយតនំ ន និរុជ្ឈិត្ថ. សុទ្ធាវាសានំ អរូបានំ តេសំ តត្ថ ឃានាយតនញ្ច ន និរុជ្ឈតិ រូបាយតនញ្ច ន និរុជ្ឈិត្ថ.

(ខ) យស្ស វា បន យត្ថ រូបាយតនំ ន និរុជ្ឈិត្ថ តស្ស តត្ថ ឃានាយតនំ ន និរុជ្ឈតីតិ? អាមន្តា.

(ក) យស្ស យត្ថ ឃានាយតនំ ន និរុជ្ឈតិ តស្ស តត្ថ មនាយតនំ ន និរុជ្ឈិត្ថាតិ?

កាមាវចរំ ឧបបជ្ជន្តានំ អឃានកានំ កាមាវចរា ចវន្តានំ រូបាវចរានំ អរូបាវចរានំ តេសំ តត្ថ ឃានាយតនំ ន និរុជ្ឈតិ, នោ ច តេសំ តត្ថ មនាយតនំ ន និរុជ្ឈិត្ថ. សុទ្ធាវាសានំ អសញ្ញសត្តានំ តេសំ តត្ថ ឃានាយតនញ្ច ន និរុជ្ឈតិ មនាយតនញ្ច ន និរុជ្ឈិត្ថ.

(ខ) យស្ស វា បន យត្ថ មនាយតនំ ន និរុជ្ឈិត្ថ តស្ស តត្ថ ឃានាយតនំ ន និរុជ្ឈតីតិ? អាមន្តា.

(ក) យស្ស យត្ថ ឃានាយតនំ ន និរុជ្ឈតិ តស្ស តត្ថ ធម្មាយតនំ ន និរុជ្ឈិត្ថាតិ?

សព្ពេសំ ឧបបជ្ជន្តានំ អឃានកានំ ចវន្តានំ តេសំ តត្ថ ឃានាយតនំ ន និរុជ្ឈតិ, នោ ច តេសំ តត្ថ ធម្មាយតនំ ន និរុជ្ឈិត្ថ. សុទ្ធាវាសានំ តេសំ តត្ថ ឃានាយតនញ្ច ន និរុជ្ឈតិ ធម្មាយតនញ្ច ន និរុជ្ឈិត្ថ.

(ខ) យស្ស វា បន យត្ថ ធម្មាយតនំ ន និរុជ្ឈិត្ថ តស្ស តត្ថ ឃានាយតនំ ន និរុជ្ឈតីតិ? អាមន្តា. (ឃានាយតនមូលកំ)

១៦៤. (ក) យស្ស យត្ថ រូបាយតនំ ន និរុជ្ឈតិ តស្ស តត្ថ មនាយតនំ ន និរុជ្ឈិត្ថាតិ?

បញ្ចវោការំ ឧបបជ្ជន្តានំ អរូបានំ តេសំ តត្ថ រូបាយតនំ ន និរុជ្ឈតិ, នោ ច តេសំ តត្ថ មនាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ អសញ្ញសត្តំ ឧបបជ្ជន្តានំ តេសំ តត្ថ រូបាយតនញ្ច ន និរុជ្ឈតិ មនាយតនញ្ច ន និរុជ្ឈិត្ថ.

(ខ) យស្ស វា បន យត្ថ មនាយតនំ ន និរុជ្ឈិត្ថ តស្ស តត្ថ រូបាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ អសញ្ញសត្តា ចវន្តានំ តេសំ តត្ថ មនាយតនំ ន និរុជ្ឈិត្ថ, នោ ច តេសំ តត្ថ រូបាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ អសញ្ញសត្តំ ឧបបជ្ជន្តានំ តេសំ តត្ថ មនាយតនញ្ច ន និរុជ្ឈិត្ថ រូបាយតនញ្ច ន និរុជ្ឈតិ.

(ក) យស្ស យត្ថ រូបាយតនំ ន និរុជ្ឈតិ តស្ស តត្ថ ធម្មាយតនំ ន និរុជ្ឈិត្ថាតិ?

សព្ពេសំ ឧបបជ្ជន្តានំ អរូបកានំ ចវន្តានំ តេសំ តត្ថ រូបាយតនំ ន និរុជ្ឈតិ, នោ ច តេសំ តត្ថ ធម្មាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ រូបាយតនញ្ច ន និរុជ្ឈតិ ធម្មាយតនញ្ច ន និរុជ្ឈិត្ថ.

(ខ) យស្ស វា បន យត្ថ ធម្មាយតនំ ន និរុជ្ឈិត្ថ តស្ស តត្ថ រូបាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ ធម្មាយតនំ ន និរុជ្ឈិត្ថ, នោ ច តេសំ តត្ថ រូបាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ តេសំ តត្ថ ធម្មាយតនញ្ច ន និរុជ្ឈិត្ថ រូបាយតនញ្ច ន និរុជ្ឈតិ.

១៦៥. (ក) យស្ស យត្ថ មនាយតនំ ន និរុជ្ឈតិ តស្ស តត្ថ ធម្មាយតនំ ន និរុជ្ឈិត្ថាតិ?

សព្ពេសំ ឧបបជ្ជន្តានំ អចិត្តកានំ ចវន្តានំ តេសំ តត្ថ មនាយតនំ ន និរុជ្ឈតិ, នោ ច តេសំ តត្ថ ធម្មាយតនំ ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ មនាយតនញ្ច ន និរុជ្ឈតិ ធម្មាយតនញ្ច ន និរុជ្ឈិត្ថ.

(ខ) យស្ស វា បន យត្ថ ធម្មាយតនំ ន និរុជ្ឈិត្ថ តស្ស តត្ថ មនាយតនំ ន និរុជ្ឈតីតិ?

សុទ្ធាវាសេ បរិនិព្ពន្តានំ តេសំ តត្ថ ធម្មាយតនំ ន និរុជ្ឈិត្ថ, នោ ច តេសំ តត្ថ មនាយតនំ ន និរុជ្ឈតិ. សុទ្ធាវាសំ ឧបបជ្ជន្តានំ តេសំ តត្ថ ធម្មាយតនញ្ច ន និរុជ្ឈិត្ថ មនាយតនញ្ច ន និរុជ្ឈតិ.