(១) បច្ចុប្បន្នវារោ

(ក) អនុលោមបុគ្គលោ

១៨. (ក) យស្ស ចក្ខាយតនំ ឧប្បជ្ជតិ តស្ស សោតាយតនំ ឧប្បជ្ជតីតិ?

សចក្ខុកានំ អសោតកានំ ឧបបជ្ជន្តានំ តេសំ ចក្ខាយតនំ ឧប្បជ្ជតិ, នោ ច តេសំ សោតាយតនំ ឧប្បជ្ជតិ. សចក្ខុកានំ សសោតកានំ ឧបបជ្ជន្តានំ តេសំ ចក្ខាយតនញ្ច ឧប្បជ្ជតិ សោតាយតនញ្ច ឧប្បជ្ជតិ.

(ខ) យស្ស វា បន សោតាយតនំ ឧប្បជ្ជតិ តស្ស ចក្ខាយតនំ ឧប្បជ្ជតីតិ?

សសោតកានំ អចក្ខុកានំ ឧបបជ្ជន្តានំ តេសំ សោតាយតនំ ឧប្បជ្ជតិ, នោ ច តេសំ ចក្ខាយតនំ ឧប្បជ្ជតិ. សសោតកានំ សចក្ខុកានំ ឧបបជ្ជន្តានំ តេសំ សោតាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស ឃានាយតនំ ឧប្បជ្ជតីតិ?

សចក្ខុកានំ អឃានកានំ ឧបបជ្ជន្តានំ តេសំ ចក្ខាយតនំ ឧប្បជ្ជតិ, នោ ច តេសំ ឃានាយតនំ ឧប្បជ្ជតិ. សចក្ខុកានំ សឃានកានំ ឧបបជ្ជន្តានំ តេសំ ចក្ខាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ.

(ខ) យស្ស វា បន ឃានាយតនំ ឧប្បជ្ជតិ តស្ស ចក្ខាយតនំ ឧប្បជ្ជតីតិ?

សឃានកានំ អចក្ខុកានំ ឧបបជ្ជន្តានំ តេសំ ឃានាយតនំ ឧប្បជ្ជតិ, នោ ច តេសំ ចក្ខាយតនំ ឧប្បជ្ជតិ. សឃានកានំ សចក្ខុកានំ ឧបបជ្ជន្តានំ តេសំ ឃានាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស រូបាយតនំ ឧប្បជ្ជតីតិ? អាមន្តា.

(ខ) យស្ស វា បន រូបាយតនំ ឧប្បជ្ជតិ តស្ស ចក្ខាយតនំ ឧប្បជ្ជតីតិ?

សរូបកានំ អចក្ខុកានំ ឧបបជ្ជន្តានំ តេសំ រូបាយតនំ ឧប្បជ្ជតិ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ រូបាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស មនាយតនំ ឧប្បជ្ជតីតិ? អាមន្តា.

(ខ) យស្ស វា បន មនាយតនំ ឧប្បជ្ជតិ តស្ស ចក្ខាយតនំ ឧប្បជ្ជតីតិ?

សចិត្តកានំ អចក្ខុកានំ ឧបបជ្ជន្តានំ តេសំ មនាយតនំ ឧប្បជ្ជតិ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ មនាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យស្ស ចក្ខាយតនំ ឧប្បជ្ជតិ តស្ស ធម្មាយតនំ ឧប្បជ្ជតីតិ? អាមន្តា.

(ខ) យស្ស វា បន ធម្មាយតនំ ឧប្បជ្ជតិ តស្ស ចក្ខាយតនំ ឧប្បជ្ជតីតិ?

អចក្ខុកានំ ឧបបជ្ជន្តានំ តេសំ ធម្មាយតនំ ឧប្បជ្ជតិ, នោ ច តេសំ ចក្ខាយតនំ ឧប្បជ្ជតិ. សចក្ខុកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ. (ចក្ខាយតនមូលកំ)

១៩. (ក) យស្ស ឃានាយតនំ ឧប្បជ្ជតិ តស្ស រូបាយតនំ ឧប្បជ្ជតីតិ? អាមន្តា.

(ខ) យស្ស វា បន រូបាយតនំ ឧប្បជ្ជតិ តស្ស ឃានាយតនំ ឧប្បជ្ជតីតិ?

សរូបកានំ អឃានកានំ ឧបបជ្ជន្តានំ តេសំ រូបាយតនំ ឧប្បជ្ជតិ, នោ ច តេសំ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ រូបាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ.

(ក) យស្ស ឃានាយតនំ ឧប្បជ្ជតិ តស្ស មនាយតនំ ឧប្បជ្ជតីតិ? អាមន្តា.

(ខ) យស្ស វា បន មនាយតនំ ឧប្បជ្ជតិ តស្ស ឃានាយតនំ ឧប្បជ្ជតីតិ?

សចិត្តកានំ អឃានកានំ ឧបបជ្ជន្តានំ តេសំ មនាយតនំ ឧប្បជ្ជតិ, នោ ច តេសំ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ មនាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ.

(ក) យស្ស ឃានាយតនំ ឧប្បជ្ជតិ តស្ស ធម្មាយតនំ ឧប្បជ្ជតីតិ? អាមន្តា.

(ខ) យស្ស វា បន ធម្មាយតនំ ឧប្បជ្ជតិ តស្ស ឃានាយតនំ ឧប្បជ្ជតីតិ?

អឃានកានំ ឧបបជ្ជន្តានំ តេសំ ធម្មាយតនំ ឧប្បជ្ជតិ, នោ ច តេសំ ឃានាយតនំ ឧប្បជ្ជតិ. សឃានកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ. (ឃានាយតនមូលកំ)

២០. (ក) យស្ស រូបាយតនំ ឧប្បជ្ជតិ តស្ស មនាយតនំ ឧប្បជ្ជតីតិ?

អចិត្តកានំ ឧបបជ្ជន្តានំ តេសំ រូបាយតនំ ឧប្បជ្ជតិ, នោ ច តេសំ មនាយតនំ ឧប្បជ្ជតិ. សរូបកានំ សចិត្តកានំ ឧបបជ្ជន្តានំ តេសំ រូបាយតនញ្ច ឧប្បជ្ជតិ មនាយតនញ្ច ឧប្បជ្ជតិ.

(ខ) យស្ស វា បន មនាយតនំ ឧប្បជ្ជតិ តស្ស រូបាយតនំ ឧប្បជ្ជតីតិ?

អរូបកានំ ឧបបជ្ជន្តានំ តេសំ មនាយតនំ ឧប្បជ្ជតិ, នោ ច តេសំ រូបាយតនំ ឧប្បជ្ជតិ. សចិត្តកានំ សរូបកានំ ឧបបជ្ជន្តានំ តេសំ មនាយតនញ្ច ឧប្បជ្ជតិ រូបាយតនញ្ច ឧប្បជ្ជតិ.

(ក) យស្ស រូបាយតនំ ឧប្បជ្ជតិ តស្ស ធម្មាយតនំ ឧប្បជ្ជតីតិ? អាមន្តា.

(ខ) យស្ស វា បន ធម្មាយតនំ ឧប្បជ្ជតិ តស្ស រូបាយតនំ ឧប្បជ្ជតីតិ?

អរូបកានំ ឧបបជ្ជន្តានំ តេសំ ធម្មាយតនំ ឧប្បជ្ជតិ, នោ ច តេសំ រូបាយតនំ ឧប្បជ្ជតិ. សរូបកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជតិ រូបាយតនញ្ច ឧប្បជ្ជតិ. (រូបាយតនមូលកំ)

២១. (ក) យស្ស មនាយតនំ ឧប្បជ្ជតិ តស្ស ធម្មាយតនំ ឧប្បជ្ជតីតិ? អាមន្តា.

(ខ) យស្ស វា បន ធម្មាយតនំ ឧប្បជ្ជតិ តស្ស មនាយតនំ ឧប្បជ្ជតីតិ?

អចិត្តកានំ ឧបបជ្ជន្តានំ តេសំ ធម្មាយតនំ ឧប្បជ្ជតិ, នោ ច តេសំ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ ធម្មាយតនញ្ច ឧប្បជ្ជតិ មនាយតនញ្ច ឧប្បជ្ជតិ. (មនាយតនមូលកំ)

(ខ) អនុលោមឱកាសោ

២២. (ក) យត្ថ ចក្ខាយតនំ ឧប្បជ្ជតិ តត្ថ សោតាយតនំ ឧប្បជ្ជតីតិ? អាមន្តា.

(ខ) យត្ថ វា បន សោតាយតនំ ឧប្បជ្ជតិ តត្ថ ចក្ខាយតនំ ឧប្បជ្ជតីតិ? អាមន្តា.

(ក) យត្ថ ចក្ខាយតនំ ឧប្បជ្ជតិ តត្ថ ឃានាយតនំ ឧប្បជ្ជតីតិ?

រូបាវចរេ តត្ថ ចក្ខាយតនំ ឧប្បជ្ជតិ, នោ ច តត្ថ ឃានាយតនំ ឧប្បជ្ជតិ. កាមាវចរេ តត្ថ ចក្ខាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ.

(ខ) យត្ថ វា បន ឃានាយតនំ ឧប្បជ្ជតិ តត្ថ ចក្ខាយតនំ ឧប្បជ្ជតីតិ? អាមន្តា.

(ក) យត្ថ ចក្ខាយតនំ ឧប្បជ្ជតិ តត្ថ រូបាយតនំ ឧប្បជ្ជតីតិ? អាមន្តា.

(ខ) យត្ថ វា បន រូបាយតនំ ឧប្បជ្ជតិ តត្ថ ចក្ខាយតនំ ឧប្បជ្ជតីតិ?

អសញ្ញសត្តេ តត្ថ រូបាយតនំ ឧប្បជ្ជតិ, នោ ច តត្ថ ចក្ខាយតនំ ឧប្បជ្ជតិ. បញ្ចវោការេ តត្ថ រូបាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យត្ថ ចក្ខាយតនំ ឧប្បជ្ជតិ តត្ថ មនាយតនំ ឧប្បជ្ជតីតិ? អាមន្តា.

(ខ) យត្ថ វា បន មនាយតនំ ឧប្បជ្ជតិ តត្ថ ចក្ខាយតនំ ឧប្បជ្ជតីតិ?

អរូបេ តត្ថ មនាយតនំ ឧប្បជ្ជតិ, នោ ច តត្ថ ចក្ខាយតនំ ឧប្បជ្ជតិ. បញ្ចវោការេ តត្ថ មនាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ.

(ក) យត្ថ ចក្ខាយតនំ ឧប្បជ្ជតិ តត្ថ ធម្មាយតនំ ឧប្បជ្ជតីតិ? អាមន្តា.

(ខ) យត្ថ វា បន ធម្មាយតនំ ឧប្បជ្ជតិ តត្ថ ចក្ខាយតនំ ឧប្បជ្ជតីតិ?

អសញ្ញសត្តេ អរូបេ តត្ថ ធម្មាយតនំ ឧប្បជ្ជតិ, នោ ច តត្ថ ចក្ខាយតនំ ឧប្បជ្ជតិ. បញ្ចវោការេ តត្ថ ធម្មាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ. (ចក្ខាយតនមូលកំ)

២៣. (ក) យត្ថ ឃានាយតនំ ឧប្បជ្ជតិ តត្ថ រូបាយតនំ ឧប្បជ្ជតីតិ? អាមន្តា.

(ខ) យត្ថ វា បន រូបាយតនំ ឧប្បជ្ជតិ តត្ថ ឃានាយតនំ ឧប្បជ្ជតីតិ?

រូបាវចរេ តត្ថ រូបាយតនំ ឧប្បជ្ជតិ, នោ ច តត្ថ ឃានាយតនំ ឧប្បជ្ជតិ. កាមាវចរេ តត្ថ រូបាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ.

(យត្ថ ឃានាយតនំ ឧប្បជ្ជតិ តត្ថ មនាយតនំ ធម្មាយតនញ្ច ឯកសទិសំ, នានំ នត្ថិ, ឧបរិ បន វារសង្ខេបោ [ឧបរិវារេ សង្ខេបោ (ស្យា.), ឧបរិវារេ សង្ខេបំ (សី. ក.)] តីតិ ជានិតព្ពំ.)

(ក) យត្ថ ឃានាយតនំ ឧប្បជ្ជតិ តត្ថ ធម្មាយតនំ ឧប្បជ្ជតីតិ? អាមន្តា.

(ខ) យត្ថ វា បន ធម្មាយតនំ ឧប្បជ្ជតិ តត្ថ ឃានាយតនំ ឧប្បជ្ជតីតិ?

រូបាវចរេ អរូបាវចរេ តត្ថ ធម្មាយតនំ ឧប្បជ្ជតិ, នោ ច តត្ថ ឃានាយតនំ ឧប្បជ្ជតិ. កាមាវចរេ តត្ថ ធម្មាយតនញ្ច ឧប្បជ្ជតិ ឃានាយតនញ្ច ឧប្បជ្ជតិ. (ឃានាយតនមូលកំ)

២៤. (ក) យត្ថ រូបាយតនំ ឧប្បជ្ជតិ តត្ថ មនាយតនំ ឧប្បជ្ជតីតិ?

អសញ្ញសត្តេ តត្ថ រូបាយតនំ ឧប្បជ្ជតិ, នោ ច តត្ថ មនាយតនំ ឧប្បជ្ជតិ. បញ្ចវោការេ តត្ថ រូបាយតនញ្ច ឧប្បជ្ជតិ មនាយតនញ្ច ឧប្បជ្ជតិ.

(ខ) យត្ថ វា បន មនាយតនំ ឧប្បជ្ជតិ តត្ថ រូបាយតនំ ឧប្បជ្ជតីតិ?

អរូបេ តត្ថ មនាយតនំ ឧប្បជ្ជតិ, នោ ច តត្ថ រូបាយតនំ ឧប្បជ្ជតិ. បញ្ចវោការេ តត្ថ មនាយតនញ្ច ឧប្បជ្ជតិ រូបាយតនញ្ច ឧប្បជ្ជតិ.

(ក) យត្ថ រូបាយតនំ ឧប្បជ្ជតិ តត្ថ ធម្មាយតនំ ឧប្បជ្ជតីតិ? អាមន្តា.

(ខ) យត្ថ វា បន ធម្មាយតនំ ឧប្បជ្ជតិ តត្ថ រូបាយតនំ ឧប្បជ្ជតីតិ?

អរូបេ តត្ថ ធម្មាយតនំ ឧប្បជ្ជតិ, នោ ច តត្ថ រូបាយតនំ ឧប្បជ្ជតិ. បញ្ចវោការេ អសញ្ញសត្តេ តត្ថ ធម្មាយតនញ្ច ឧប្បជ្ជតិ រូបាយតនញ្ច ឧប្បជ្ជតិ. (រូបាយតនមូលកំ)

២៥. (ក) យត្ថ មនាយតនំ ឧប្បជ្ជតិ តត្ថ ធម្មាយតនំ ឧប្បជ្ជតីតិ? អាមន្តា.

(ខ) យត្ថ វា បន ធម្មាយតនំ ឧប្បជ្ជតិ តត្ថ មនាយតនំ ឧប្បជ្ជតីតិ?

អសញ្ញសត្តេ តត្ថ ធម្មាយតនំ ឧប្បជ្ជតិ, នោ ច តត្ថ មនាយតនំ ឧប្បជ្ជតិ. ចតុវោការេ បញ្ចវោការេ តត្ថ ធម្មាយតនញ្ច ឧប្បជ្ជតិ មនាយតនញ្ច ឧប្បជ្ជតិ. (មនាយតនមូលកំ)

(គ) អនុលោមបុគ្គលោកាសា

២៦. (ក) យស្ស យត្ថ ចក្ខាយតនំ ឧប្បជ្ជតិ តស្ស តត្ថ សោតាយតនំ ឧប្បជ្ជតីតិ?

សចក្ខុកានំ អសោតកានំ ឧបបជ្ជន្តានំ តេសំ តត្ថ ចក្ខាយតនំ ឧប្បជ្ជតិ, នោ ច តេសំ តត្ថ សោតាយតនំ ឧប្បជ្ជតិ. សចក្ខុកានំ សសោតកានំ ឧបបជ្ជន្តានំ តេសំ តត្ថ ចក្ខាយតនញ្ច ឧប្បជ្ជតិ សោតាយតនញ្ច ឧប្បជ្ជតិ.

(ខ) យស្ស វា បន យត្ថ សោតាយតនំ ឧប្បជ្ជតិ តស្ស តត្ថ ចក្ខាយតនំ ឧប្បជ្ជតីតិ?

សសោតកានំ អចក្ខុកានំ ឧបបជ្ជន្តានំ តេសំ តត្ថ សោតាយតនំ ឧប្បជ្ជតិ, នោ ច តេសំ តត្ថ ចក្ខាយតនំ ឧប្បជ្ជតិ. សសោតកានំ សចក្ខុកានំ ឧបបជ្ជន្តានំ តេសំ តត្ថ សោតាយតនញ្ច ឧប្បជ្ជតិ ចក្ខាយតនញ្ច ឧប្បជ្ជតិ (សំខិត្តំ យស្សកសទិសំ [យស្សកម្បិ សទិសំ (សី.), យស្សេកសទិសំ (ស្យា.)] ).

២៧. (ក) យស្ស យត្ថ មនាយតនំ ឧប្បជ្ជតិ តស្ស តត្ថ ធម្មាយតនំ ឧប្បជ្ជតីតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជតិ តស្ស តត្ថ មនាយតនំ ឧប្បជ្ជតីតិ?

អចិត្តកានំ ឧបបជ្ជន្តានំ តេសំ តត្ថ ធម្មាយតនំ ឧប្បជ្ជតិ, នោ ច តេសំ តត្ថ មនាយតនំ ឧប្បជ្ជតិ. សចិត្តកានំ ឧបបជ្ជន្តានំ តេសំ តត្ថ ធម្មាយតនញ្ច ឧប្បជ្ជតិ មនាយតនញ្ច ឧប្បជ្ជតិ.

(ឃ) បច្ចនីកបុគ្គលោ

២៨. (ក) យស្ស ចក្ខាយតនំ នុប្បជ្ជតិ តស្ស សោតាយតនំ នុប្បជ្ជតីតិ?

អចក្ខុកានំ សសោតកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ សោតាយតនំ នុប្បជ្ជតិ. សព្ពេសំ ចវន្តានំ អចក្ខុកានំ អសោតកានំ ឧបបជ្ជន្តានំ តេសំ ចក្ខាយតនញ្ច នុប្បជ្ជតិ សោតាយតនញ្ច នុប្បជ្ជតិ.

(ខ) យស្ស វា បន សោតាយតនំ នុប្បជ្ជតិ តស្ស ចក្ខាយតនំ នុប្បជ្ជតីតិ?

អសោតកានំ សចក្ខុកានំ ឧបបជ្ជន្តានំ តេសំ សោតាយតនំ នុប្បជ្ជតិ, នោ ច តេសំ ចក្ខាយតនំ នុប្បជ្ជតិ. សព្ពេសំ ចវន្តានំ អសោតកានំ អចក្ខុកានំ ឧបបជ្ជន្តានំ តេសំ សោតាយតនញ្ច នុប្បជ្ជតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស ឃានាយតនំ នុប្បជ្ជតីតិ?

អចក្ខុកានំ សឃានកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ ឃានាយតនំ នុប្បជ្ជតិ. សព្ពេសំ ចវន្តានំ អចក្ខុកានំ អឃានកានំ ឧបបជ្ជន្តានំ តេសំ ចក្ខាយតនញ្ច នុប្បជ្ជតិ ឃានាយតនញ្ច នុប្បជ្ជតិ.

(ខ) យស្ស វា បន ឃានាយតនំ នុប្បជ្ជតិ តស្ស ចក្ខាយតនំ នុប្បជ្ជតីតិ?

អឃានកានំ សចក្ខុកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ ចក្ខាយតនំ នុប្បជ្ជតិ. សព្ពេសំ ចវន្តានំ អឃានកានំ អចក្ខុកានំ ឧបបជ្ជន្តានំ តេសំ ឃានាយតនញ្ច នុប្បជ្ជតិ ចក្ខាយតនញ្ច នុប្បជ្ជតិ.

(ក) យស្ស ចក្ខាយតនំ នុប្បជ្ជតិ តស្ស រូបាយតនំ នុប្បជ្ជតីតិ?

អចក្ខុកានំ សរូបកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ រូបាយតនំ នុប្បជ្ជតិ. សព្ពេសំ ចវន្តានំ អរូបកានំ ឧបបជ្ជន្តានំ តេសំ ចក្ខាយតនញ្ច នុប្បជ្ជតិ រូបាយតនញ្ច នុប្បជ្ជតិ.

(ខ) យស្ស វា បន រូបាយតនំ នុប្បជ្ជតិ តស្ស ចក្ខាយតនំ នុប្បជ្ជតីតិ? អាមន្តា.

(ក) យស្ស ចក្ខាយតនំ នុប្បជ្ជតិ តស្ស មនាយតនំ នុប្បជ្ជតីតិ?

អចក្ខុកានំ សចិត្តកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ មនាយតនំ នុប្បជ្ជតិ. សព្ពេសំ ចវន្តានំ អចិត្តកានំ ឧបបជ្ជន្តានំ តេសំ ចក្ខាយតនញ្ច នុប្បជ្ជតិ មនាយតនញ្ច នុប្បជ្ជតិ.

(ខ) យស្ស វា បន មនាយតនំ នុប្បជ្ជតិ តស្ស ចក្ខាយតនំ នុប្បជ្ជតីតិ? អាមន្តា.

(ក) យស្ស ចក្ខាយតនំ នុប្បជ្ជតិ តស្ស ធម្មាយតនំ នុប្បជ្ជតីតិ?

អចក្ខុកានំ ឧបបជ្ជន្តានំ តេសំ ចក្ខាយតនំ នុប្បជ្ជតិ, នោ ច តេសំ ធម្មាយតនំ នុប្បជ្ជតិ. សព្ពេសំ ចវន្តានំ តេសំ ចក្ខាយតនញ្ច នុប្បជ្ជតិ ធម្មាយតនញ្ច នុប្បជ្ជតិ.

(ខ) យស្ស វា បន ធម្មាយតនំ នុប្បជ្ជតិ តស្ស ចក្ខាយតនំ នុប្បជ្ជតីតិ? អាមន្តា. (ចក្ខាយតនមូលកំ)

២៩. (ក) យស្ស ឃានាយតនំ នុប្បជ្ជតិ តស្ស រូបាយតនំ នុប្បជ្ជតីតិ?

អឃានកានំ សរូបកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ រូបាយតនំ នុប្បជ្ជតិ. សព្ពេសំ ចវន្តានំ អរូបកានំ ឧបបជ្ជន្តានំ តេសំ ឃានាយតនញ្ច នុប្បជ្ជតិ រូបាយតនញ្ច នុប្បជ្ជតិ.

(ខ) យស្ស វា បន រូបាយតនំ នុប្បជ្ជតិ តស្ស ឃានាយតនំ នុប្បជ្ជតីតិ? អាមន្តា.

(ក) យស្ស ឃានាយតនំ នុប្បជ្ជតិ តស្ស មនាយតនំ នុប្បជ្ជតីតិ?

អឃានកានំ សចិត្តកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ មនាយតនំ នុប្បជ្ជតិ. សព្ពេសំ ចវន្តានំ អចិត្តកានំ ឧបបជ្ជន្តានំ តេសំ ឃានាយតនញ្ច នុប្បជ្ជតិ មនាយតនញ្ច នុប្បជ្ជតិ.

(ខ) យស្ស វា បន មនាយតនំ នុប្បជ្ជតិ តស្ស ឃានាយតនំ នុប្បជ្ជតីតិ? អាមន្តា.

(ក) យស្ស ឃានាយតនំ នុប្បជ្ជតិ តស្ស ធម្មាយតនំ នុប្បជ្ជតីតិ?

អឃានកានំ ឧបបជ្ជន្តានំ តេសំ ឃានាយតនំ នុប្បជ្ជតិ, នោ ច តេសំ ធម្មាយតនំ នុប្បជ្ជតិ. សព្ពេសំ ចវន្តានំ តេសំ ឃានាយតនញ្ច នុប្បជ្ជតិ ធម្មាយតនញ្ច នុប្បជ្ជតិ.

(ខ) យស្ស វា បន ធម្មាយតនំ នុប្បជ្ជតិ តស្ស ឃានាយតនំ នុប្បជ្ជតីតិ? អាមន្តា. (ឃានាយតនមូលកំ)

៣០. (ក) យស្ស រូបាយតនំ នុប្បជ្ជតិ តស្ស មនាយតនំ នុប្បជ្ជតីតិ?

អរូបកានំ ឧបបជ្ជន្តានំ តេសំ រូបាយតនំ នុប្បជ្ជតិ, នោ ច តេសំ មនាយតនំ នុប្បជ្ជតិ. សព្ពេសំ ចវន្តានំ តេសំ រូបាយតនញ្ច នុប្បជ្ជតិ មនាយតនញ្ច នុប្បជ្ជតិ.

(ខ) យស្ស វា បន មនាយតនំ នុប្បជ្ជតិ តស្ស រូបាយតនំ នុប្បជ្ជតីតិ?

អចិត្តកានំ ឧបបជ្ជន្តានំ តេសំ មនាយតនំ នុប្បជ្ជតិ, នោ ច តេសំ រូបាយតនំ នុប្បជ្ជតិ. សព្ពេសំ ចវន្តានំ តេសំ មនាយតនញ្ច នុប្បជ្ជតិ រូបាយតនញ្ច នុប្បជ្ជតិ.

(ក) យស្ស រូបាយតនំ នុប្បជ្ជតិ តស្ស ធម្មាយតនំ នុប្បជ្ជតីតិ?

អរូបកានំ ឧបបជ្ជន្តានំ តេសំ រូបាយតនំ នុប្បជ្ជតិ, នោ ច តេសំ ធម្មាយតនំ នុប្បជ្ជតិ. សព្ពេសំ ចវន្តានំ តេសំ រូបាយតនញ្ច នុប្បជ្ជតិ ធម្មាយតនញ្ច នុប្បជ្ជតិ.

(ខ) យស្ស វា បន ធម្មាយតនំ នុប្បជ្ជតិ តស្ស រូបាយតនំ នុប្បជ្ជតីតិ? អាមន្តា. (រូបាយតនមូលកំ)

៣១. (ក) យស្ស មនាយតនំ នុប្បជ្ជតិ តស្ស ធម្មាយតនំ នុប្បជ្ជតីតិ?

អចិត្តកានំ ឧបបជ្ជន្តានំ តេសំ មនាយតនំ នុប្បជ្ជតិ, នោ ច តេសំ ធម្មាយតនំ នុប្បជ្ជតិ. សព្ពេសំ ចវន្តានំ តេសំ មនាយតនញ្ច នុប្បជ្ជតិ ធម្មាយតនញ្ច នុប្បជ្ជតិ.

(ខ) យស្ស វា បន ធម្មាយតនំ នុប្បជ្ជតិ តស្ស មនាយតនំ នុប្បជ្ជតីតិ? អាមន្តា. (មនាយតនមូលកំ)

(ង) បច្ចនីកឱកាសោ

៣២. (ក) យត្ថ ចក្ខាយតនំ នុប្បជ្ជតិ តត្ថ សោតាយតនំ នុប្បជ្ជតីតិ? អាមន្តា.

(ខ) យត្ថ វា បន សោតាយតនំ នុប្បជ្ជតិ តត្ថ ចក្ខាយតនំ នុប្បជ្ជតីតិ? អាមន្តា.

(ក) យត្ថ ចក្ខាយតនំ នុប្បជ្ជតិ តត្ថ ឃានាយតនំ នុប្បជ្ជតីតិ? អាមន្តា.

(ខ) យត្ថ វា បន ឃានាយតនំ នុប្បជ្ជតិ តត្ថ ចក្ខាយតនំ នុប្បជ្ជតីតិ?

រូបាវចរេ តត្ថ ឃានាយតនំ នុប្បជ្ជតិ, នោ ច តត្ថ ចក្ខាយតនំ នុប្បជ្ជតិ. អសញ្ញសត្តេ អរូបេ តត្ថ ឃានាយតនញ្ច នុប្បជ្ជតិ ចក្ខាយតនញ្ច នុប្បជ្ជតិ.

(ក) យត្ថ ចក្ខាយតនំ នុប្បជ្ជតិ តត្ថ រូបាយតនំ នុប្បជ្ជតីតិ?

អសញ្ញសត្តេ តត្ថ ចក្ខាយតនំ នុប្បជ្ជតិ, នោ ច តត្ថ រូបាយតនំ នុប្បជ្ជតិ. អរូបេ តត្ថ ចក្ខាយតនញ្ច នុប្បជ្ជតិ រូបាយតនញ្ច នុប្បជ្ជតិ.

(ខ) យត្ថ វា បន រូបាយតនំ នុប្បជ្ជតិ តត្ថ ចក្ខាយតនំ នុប្បជ្ជតីតិ? អាមន្តា.

(ក) យត្ថ ចក្ខាយតនំ នុប្បជ្ជតិ តត្ថ មនាយតនំ នុប្បជ្ជតីតិ?

អរូបេ តត្ថ ចក្ខាយតនំ នុប្បជ្ជតិ, នោ ច តត្ថ មនាយតនំ នុប្បជ្ជតិ. អសញ្ញសត្តេ តត្ថ ចក្ខាយតនញ្ច នុប្បជ្ជតិ មនាយតនញ្ច នុប្បជ្ជតិ.

(ខ) យត្ថ វា បន មនាយតនំ នុប្បជ្ជតិ តត្ថ ចក្ខាយតនំ នុប្បជ្ជតីតិ? អាមន្តា.

(ក) យត្ថ ចក្ខាយតនំ នុប្បជ្ជតិ តត្ថ ធម្មាយតនំ នុប្បជ្ជតីតិ? ឧប្បជ្ជតិ.

(ខ) យត្ថ វា បន ធម្មាយតនំ នុប្បជ្ជតិ តត្ថ ចក្ខាយតនំ នុប្បជ្ជតីតិ? នត្ថិ. (ចក្ខាយតនមូលកំ)

៣៣. (ក) យត្ថ ឃានាយតនំ នុប្បជ្ជតិ តត្ថ រូបាយតនំ នុប្បជ្ជតីតិ?

រូបាវចរេ តត្ថ ឃានាយតនំ នុប្បជ្ជតិ, នោ ច តត្ថ រូបាយតនំ នុប្បជ្ជតិ. អរូបេ តត្ថ ឃានាយតនញ្ច នុប្បជ្ជតិ រូបាយតនញ្ច នុប្បជ្ជតិ.

(ខ) យត្ថ វា បន រូបាយតនំ នុប្បជ្ជតិ តត្ថ ឃានាយតនំ នុប្បជ្ជតីតិ? អាមន្តា.

(ក) យត្ថ ឃានាយតនំ នុប្បជ្ជតិ តត្ថ មនាយតនំ នុប្បជ្ជតីតិ?

រូបាវចរេ អរូបាវចរេ តត្ថ ឃានាយតនំ នុប្បជ្ជតិ, នោ ច តត្ថ មនាយតនំ នុប្បជ្ជតិ. អសញ្ញសត្តេ តត្ថ ឃានាយតនញ្ច នុប្បជ្ជតិ មនាយតនញ្ច នុប្បជ្ជតិ.

(ខ) យត្ថ វា បន មនាយតនំ នុប្បជ្ជតិ តត្ថ ឃានាយតនំ នុប្បជ្ជតីតិ? អាមន្តា.

(ក) យត្ថ ឃានាយតនំ នុប្បជ្ជតិ តត្ថ ធម្មាយតនំ នុប្បជ្ជតីតិ? ឧប្បជ្ជតិ.

(ខ) យត្ថ វា បន ធម្មាយតនំ នុប្បជ្ជតិ តត្ថ ឃានាយតនំ នុប្បជ្ជតីតិ? នត្ថិ. (ឃានាយតនមូលកំ)

៣៤. (ក) យត្ថ រូបាយតនំ នុប្បជ្ជតិ តត្ថ មនាយតនំ នុប្បជ្ជតីតិ? ឧប្បជ្ជតិ.

(ខ) យត្ថ វា បន មនាយតនំ នុប្បជ្ជតិ តត្ថ រូបាយតនំ នុប្បជ្ជតីតិ? ឧប្បជ្ជតិ.

(ក) យត្ថ រូបាយតនំ នុប្បជ្ជតិ តត្ថ ធម្មាយតនំ នុប្បជ្ជតីតិ? ឧប្បជ្ជតិ.

(ខ) យត្ថ វា បន ធម្មាយតនំ នុប្បជ្ជតិ តត្ថ រូបាយតនំ នុប្បជ្ជតីតិ? នត្ថិ. (រូបាយតនមូលកំ)

៣៥. (ក) យត្ថ មនាយតនំ នុប្បជ្ជតិ តត្ថ ធម្មាយតនំ នុប្បជ្ជតីតិ? ឧប្បជ្ជតិ.

(ខ) យត្ថ វា បន ធម្មាយតនំ នុប្បជ្ជតិ តត្ថ មនាយតនំ នុប្បជ្ជតីតិ? នត្ថិ. (មនាយតនមូលកំ)

(ច) បច្ចនីកបុគ្គលោកាសា

៣៦. (ក) យស្ស យត្ថ ចក្ខាយតនំ នុប្បជ្ជតិ តស្ស តត្ថ សោតាយតនំ នុប្បជ្ជតីតិ?

អចក្ខុកានំ សសោតកានំ ឧបបជ្ជន្តានំ តេសំ តត្ថ ចក្ខាយតនំ នុប្បជ្ជតិ, នោ ច តេសំ តត្ថ សោតាយតនំ នុប្បជ្ជតិ. សព្ពេសំ ចវន្តានំ អចក្ខុកានំ អសោតកានំ ឧបបជ្ជន្តានំ តេសំ តត្ថ ចក្ខាយតនញ្ច នុប្បជ្ជតិ សោតាយតនញ្ច នុប្បជ្ជតិ.

(ខ) យស្ស វា បន យត្ថ សោតាយតនំ នុប្បជ្ជតិ តស្ស តត្ថ ចក្ខាយតនំ នុប្បជ្ជតីតិ?

អសោតកានំ សចក្ខុកានំ ឧបបជ្ជន្តានំ តេសំ តត្ថ សោតាយតនំ នុប្បជ្ជតិ, នោ ច តេសំ តត្ថ ចក្ខាយតនំ នុប្បជ្ជតិ. សព្ពេសំ ចវន្តានំ អសោតកានំ អចក្ខុកានំ ឧបបជ្ជន្តានំ តេសំ តត្ថ សោតាយតនញ្ច នុប្បជ្ជតិ ចក្ខាយតនញ្ច នុប្បជ្ជតិ…បេ….

៣៧. (ក) យស្ស យត្ថ មនាយតនំ នុប្បជ្ជតិ តស្ស តត្ថ ធម្មាយតនំ នុប្បជ្ជតីតិ?

អចិត្តកានំ ឧបបជ្ជន្តានំ តេសំ តត្ថ មនាយតនំ នុប្បជ្ជតិ, នោ ច តេសំ តត្ថ ធម្មាយតនំ នុប្បជ្ជតិ. សព្ពេសំ ចវន្តានំ តេសំ តត្ថ មនាយតនញ្ច នុប្បជ្ជតិ ធម្មាយតនញ្ច នុប្បជ្ជតិ.