(២) អតីតវារោ

(ក) អនុលោមបុគ្គលោ

៣៨. (ក) យស្ស ចក្ខាយតនំ ឧប្បជ្ជិត្ថ តស្ស សោតាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន សោតាយតនំ ឧប្បជ្ជិត្ថ តស្ស ចក្ខាយតនំ ឧប្បជ្ជិត្ថាតិ? អាមន្តា.

យស្ស ចក្ខាយតនំ ឧប្បជ្ជិត្ថ តស្ស ឃានាយតនំ…បេ… រូបាយតនំ… មនាយតនំ… ធម្មាយតនំ ឧប្បជ្ជិត្ថាតិ? អាមន្តា.

យស្ស វា បន ធម្មាយតនំ ឧប្បជ្ជិត្ថ តស្ស ចក្ខាយតនំ ឧប្បជ្ជិត្ថាតិ? អាមន្តា.

៣៩. យស្ស ឃានាយតនំ…បេ… រូបាយតនំ… មនាយតនំ ឧប្បជ្ជិត្ថ តស្ស ធម្មាយតនំ ឧប្បជ្ជិត្ថាតិ? អាមន្តា.

យស្ស វា បន ធម្មាយតនំ ឧប្បជ្ជិត្ថ តស្ស មនាយតនំ ឧប្បជ្ជិត្ថាតិ? អាមន្តា.

(ខ) អនុលោមឱកាសោ

៤០. (ក) យត្ថ ចក្ខាយតនំ ឧប្បជ្ជិត្ថ…បេ… (យត្ថកំ បច្ចុប្បន្នេបិ អតីតេបិ អនាគតេបិ បច្ចុប្បន្នាតីតេបិ បច្ចុប្បន្នានាគតេបិ អតីតានាគតេបិ សព្ពត្ថ សទិសំ, ឧប្បជ្ជតិ ឧប្បជ្ជិត្ថាតិ នាមំ អតិរេកំ កាតព្ពំ).

(គ) អនុលោមបុគ្គលោកាសា

៤១. (ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ សោតាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ សោតាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ តេសំ តត្ថ ចក្ខាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ ចក្ខាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិត្ថ.

(ខ) យស្ស វា បន យត្ថ ឃានាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ រូបាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជិត្ថាតិ?

អសញ្ញសត្តានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ រូបាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជិត្ថ.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជិត្ថាតិ?

អរូបានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ មនាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជិត្ថ.

(ក) យស្ស យត្ថ ចក្ខាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ ចក្ខាយតនំ ឧប្បជ្ជិត្ថាតិ?

អសញ្ញសត្តានំ អរូបានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ ចក្ខាយតនំ ឧប្បជ្ជិត្ថ. បញ្ចវោការានំ តេសំ តត្ថ ធម្មាយតនញ្ច ឧប្បជ្ជិត្ថ ចក្ខាយតនញ្ច ឧប្បជ្ជិត្ថ. (ចក្ខាយតនមូលកំ)

៤២. (ក) យស្ស យត្ថ ឃានាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ រូបាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ រូបាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិត្ថ.

(ក) យស្ស យត្ថ ឃានាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ មនាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិត្ថ.

(ក) យស្ស យត្ថ ឃានាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ ឃានាយតនំ ឧប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ ឃានាយតនំ ឧប្បជ្ជិត្ថ. កាមាវចរានំ តេសំ តត្ថ ធម្មាយតនញ្ច ឧប្បជ្ជិត្ថ ឃានាយតនញ្ច ឧប្បជ្ជិត្ថ. (ឃានាយតនមូលកំ)

៤៣. (ក) យស្ស យត្ថ រូបាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិត្ថាតិ?

អសញ្ញសត្តានំ តេសំ តត្ថ រូបាយតនំ ឧប្បជ្ជិត្ថ, នោ ច តេសំ តត្ថ មនាយតនំ ឧប្បជ្ជិត្ថ. បញ្ចវោការានំ តេសំ តត្ថ រូបាយតនញ្ច ឧប្បជ្ជិត្ថ មនាយតនញ្ច ឧប្បជ្ជិត្ថ.

(ខ) យស្ស វា បន យត្ថ មនាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិត្ថាតិ?

អរូបានំ តេសំ តត្ថ មនាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជិត្ថ. បញ្ចវោការានំ តេសំ តត្ថ មនាយតនញ្ច ឧប្បជ្ជិត្ថ រូបាយតនញ្ច ឧប្បជ្ជិត្ថ.

(ក) យស្ស យត្ថ រូបាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ រូបាយតនំ ឧប្បជ្ជិត្ថាតិ?

អរូបានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ រូបាយតនំ ឧប្បជ្ជិត្ថ. បញ្ចវោការានំ អសញ្ញសត្តានំ តេសំ តត្ថ ធម្មាយតនញ្ច ឧប្បជ្ជិត្ថរូបាយតនញ្ច ឧប្បជ្ជិត្ថ. (រូបាយតនមូលកំ).

៤៤. (ក) យស្ស យត្ថ មនាយតនំ ឧប្បជ្ជិត្ថ តស្ស តត្ថ ធម្មាយតនំ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ធម្មាយតនំ ឧប្បជ្ជិត្ថ តស្ស តត្ថ មនាយតនំ ឧប្បជ្ជិត្ថាតិ?

អសញ្ញសត្តានំ តេសំ តត្ថ ធម្មាយតនំ ឧប្បជ្ជិត្ថ, នោ ច តេសំ តត្ថ មនាយតនំ ឧប្បជ្ជិត្ថ. ចតុវោការានំ បញ្ចវោការានំ តេសំ តត្ថ ធម្មាយតនញ្ច ឧប្បជ្ជិត្ថ មនាយតនញ្ច ឧប្បជ្ជិត្ថ. (មនាយតនមូលកំ)

(ឃ) បច្ចនីកបុគ្គលោ

៤៥. (ក) យស្ស ចក្ខាយតនំ នុប្បជ្ជិត្ថ តស្ស សោតាយតនំ នុប្បជ្ជិត្ថាតិ? នត្ថិ.

(ខ) យស្ស វា បន សោតាយតនំ នុប្បជ្ជិត្ថ តស្ស ចក្ខាយតនំ នុប្បជ្ជិត្ថាតិ? នត្ថិ. (សំខិត្តំ).

៤៦. (ក) យស្ស មនាយតនំ នុប្បជ្ជិត្ថ តស្ស ធម្មាយតនំ នុប្បជ្ជិត្ថាតិ? នត្ថិ.

(ខ) យស្ស វា បន ធម្មាយតនំ នុប្បជ្ជិត្ថ តស្ស មនាយតនំ នុប្បជ្ជិត្ថាតិ? នត្ថិ.…បេ….

(ង) បច្ចនីកឱកាសោ

៤៧. យត្ថ ចក្ខាយតនំ នុប្បជ្ជិត្ថ…បេ….

(ច) បច្ចនីកបុគ្គលោកាសា

៤៨. (ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ សោតាយតនំ នុប្បជ្ជិត្ថាតិ? អាមន្តា.

(ខ) យស្ស វា បន យត្ថ សោតាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជិត្ថាតិ? អាមន្តា.

(ខ) យស្ស វា បន យត្ថ ឃានាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជិត្ថាតិ?

រូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ ចក្ខាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ អរូបានំ តេសំ តត្ថ ឃានាយតនញ្ច នុប្បជ្ជិត្ថ ចក្ខាយតនញ្ច នុប្បជ្ជិត្ថ.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិត្ថាតិ?

អសញ្ញសត្តានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ អរូបានំ តេសំ តត្ថ ចក្ខាយតនញ្ច នុប្បជ្ជិត្ថ រូបាយតនញ្ច នុប្បជ្ជិត្ថ.

(ខ) យស្ស វា បន យត្ថ រូបាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិត្ថាតិ?

អរូបានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ តេសំ តត្ថ ចក្ខាយតនញ្ច នុប្បជ្ជិត្ថ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជិត្ថាតិ? អាមន្តា.

(ក) យស្ស យត្ថ ចក្ខាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិត្ថាតិ?

អសញ្ញសត្តានំ អរូបានំ តេសំ តត្ថ ចក្ខាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសានំ តេសំ តត្ថ ចក្ខាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ ចក្ខាយតនំ នុប្បជ្ជិត្ថាតិ? អាមន្តា. (ចក្ខាយតនមូលកំ)

៤៩. (ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិត្ថាតិ?

រូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ អរូបានំ តេសំ តត្ថ ឃានាយតនញ្ច នុប្បជ្ជិត្ថ រូបាយតនញ្ច នុប្បជ្ជិត្ថ.

(ខ) យស្ស វា បន យត្ថ រូបាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជិត្ថាតិ? អាមន្តា.

(ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសានំ អសញ្ញសត្តានំ តេសំ តត្ថ ឃានាយតនញ្ច នុប្បជ្ជិត្ថ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជិត្ថាតិ? អាមន្តា.

(ក) យស្ស យត្ថ ឃានាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ ឃានាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសានំ តេសំ តត្ថ ឃានាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ ឃានាយតនំ នុប្បជ្ជិត្ថាតិ? អាមន្តា. (ឃានាយតនមូលកំ)

៥០. (ក) យស្ស យត្ថ រូបាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិត្ថាតិ?

អរូបានំ តេសំ តត្ថ រូបាយតនំ នុប្បជ្ជិត្ថ, នោ ច តេសំ តត្ថ មនាយតនំ នុប្បជ្ជិត្ថ. សុទ្ធាវាសានំ តេសំ តត្ថ រូបាយតនញ្ច នុប្បជ្ជិត្ថ មនាយតនញ្ច នុប្បជ្ជិត្ថ.

(ខ) យស្ស វា បន យត្ថ មនាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិត្ថាតិ?

អសញ្ញសត្តានំ តេសំ តត្ថ មនាយតនំ នុប្បជ្ជិត្ថ, នោ ច តេសំ តត្ថ រូបាយតនំ នុប្បជ្ជិត្ថ. សុទ្ធាវាសានំ តេសំ តត្ថ មនាយតនញ្ច នុប្បជ្ជិត្ថ រូបាយតនញ្ច នុប្បជ្ជិត្ថ.

(ក) យស្ស យត្ថ រូបាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិត្ថាតិ?

អរូបានំ តេសំ តត្ថ រូបាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសានំ តេសំ តត្ថ រូបាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិត្ថ.

(ក) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ រូបាយតនំ នុប្បជ្ជិត្ថាតិ? អាមន្តា. (រូបាយតនមូលកំ)

៥១. (ក) យស្ស យត្ថ មនាយតនំ នុប្បជ្ជិត្ថ តស្ស តត្ថ ធម្មាយតនំ នុប្បជ្ជិត្ថាតិ?

អសញ្ញសត្តានំ តេសំ តត្ថ មនាយតនំ នុប្បជ្ជិត្ថ, នោ ច តេសំ តត្ថ ធម្មាយតនំ នុប្បជ្ជិត្ថ. សុទ្ធាវាសានំ តេសំ តត្ថ មនាយតនញ្ច នុប្បជ្ជិត្ថ ធម្មាយតនញ្ច នុប្បជ្ជិត្ថ.

(ខ) យស្ស វា បន យត្ថ ធម្មាយតនំ នុប្បជ្ជិត្ថ តស្ស តត្ថ មនាយតនំ នុប្បជ្ជិត្ថាតិ? អាមន្តា. (មនាយតនមូលកំ)