(៥) បច្ចុប្បន្នានាគតវារោ

(ក) អនុលោមបុគ្គលោ

១៨៦. (ក) យស្ស រូបក្ខន្ធោ ឧប្បជ្ជតិ តស្ស វេទនាក្ខន្ធោ និរុជ្ឈិស្សតីតិ? អាមន្តា.

(ខ) យស្ស វា បន វេទនាក្ខន្ធោ និរុជ្ឈិស្សតិ តស្ស រូបក្ខន្ធោ ឧប្បជ្ជតីតិ?

សព្ពេសំ ចវន្តានំ អរូបំ ឧបបជ្ជន្តានំ តេសំ វេទនាក្ខន្ធោ និរុជ្ឈិស្សតិ, នោ ច តេសំ រូបក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ អសញ្ញសត្តំ ឧបបជ្ជន្តានំ តេសំ វេទនាក្ខន្ធោ ច និរុជ្ឈិស្សតិ រូបក្ខន្ធោ ច ឧប្បជ្ជតិ.

១៨៧. (ក) យស្ស វេទនាក្ខន្ធោ ឧប្បជ្ជតិ តស្ស សញ្ញាក្ខន្ធោ និរុជ្ឈិស្សតីតិ? អាមន្តា.

(ខ) យស្ស វា បន សញ្ញាក្ខន្ធោ និរុជ្ឈិស្សតិ តស្ស វេទនាក្ខន្ធោ ឧប្បជ្ជតីតិ?

សព្ពេសំ ចវន្តានំ អសញ្ញសត្តំ ឧបបជ្ជន្តានំ តេសំ សញ្ញាក្ខន្ធោ និរុជ្ឈិស្សតិ, នោ ច តេសំ វេទនាក្ខន្ធោ ឧប្បជ្ជតិ. ចតុវោការំ បញ្ចវោការំ ឧបបជ្ជន្តានំ តេសំ សញ្ញាក្ខន្ធោ ច និរុជ្ឈិស្សតិ វេទនាក្ខន្ធោ ច ឧប្បជ្ជតិ.

(ខ) អនុលោមឱកាសោ

១៨៨. យត្ថ រូបក្ខន្ធោ ឧប្បជ្ជតិ…បេ….

(គ) អនុលោមបុគ្គលោកាសា

១៨៩. (ក) យស្ស យត្ថ រូបក្ខន្ធោ ឧប្បជ្ជតិ តស្ស តត្ថ វេទនាក្ខន្ធោ និរុជ្ឈិស្សតីតិ?

អសញ្ញសត្តំ ឧបបជ្ជន្តានំ តេសំ តត្ថ រូបក្ខន្ធោ ឧប្បជ្ជតិ, នោ ច តេសំ តត្ថ វេទនាក្ខន្ធោ និរុជ្ឈិស្សតិ. បញ្ចវោការំ ឧបបជ្ជន្តានំ តេសំ តត្ថ រូបក្ខន្ធោ ច ឧប្បជ្ជតិ វេទនាក្ខន្ធោ ច និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ និរុជ្ឈិស្សតិ តស្ស តត្ថ រូបក្ខន្ធោ ឧប្បជ្ជតីតិ?

បញ្ចវោការា ចវន្តានំ អរូបានំ តេសំ តត្ថ វេទនាក្ខន្ធោ និរុជ្ឈិស្សតិ, នោ ច តេសំ តត្ថ រូបក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ តេសំ តត្ថ វេទនាក្ខន្ធោ ច និរុជ្ឈិស្សតិ រូបក្ខន្ធោ ច ឧប្បជ្ជតិ.

១៩០. (ក) យស្ស យត្ថ វេទនាក្ខន្ធោ ឧប្បជ្ជតិ តស្ស តត្ថ សញ្ញាក្ខន្ធោ និរុជ្ឈិស្សតីតិ? អាមន្តា.

(ខ) យស្ស វា បន យត្ថ សញ្ញាក្ខន្ធោ និរុជ្ឈិស្សតិ តស្ស តត្ថ វេទនាក្ខន្ធោ ឧប្បជ្ជតីតិ?

ចតុវោការា បញ្ចវោការា ចវន្តានំ តេសំ តត្ថ សញ្ញាក្ខន្ធោ និរុជ្ឈិស្សតិ, នោ ច តេសំ តត្ថ វេទនាក្ខន្ធោ ឧប្បជ្ជតិ. ចតុវោការំ បញ្ចវោការំ ឧបបជ្ជន្តានំ តេសំ តត្ថ សញ្ញាក្ខន្ធោ ច និរុជ្ឈិស្សតិ វេទនាក្ខន្ធោ ច ឧប្បជ្ជតិ.

(ឃ) បច្ចនីកបុគ្គលោ

១៩១. (ក) យស្ស រូបក្ខន្ធោ នុប្បជ្ជតិ តស្ស វេទនាក្ខន្ធោ ន និរុជ្ឈិស្សតីតិ?

សព្ពេសំ ចវន្តានំ អរូបំ ឧបបជ្ជន្តានំ តេសំ រូបក្ខន្ធោ នុប្បជ្ជតិ, នោ ច តេសំ វេទនាក្ខន្ធោ ន និរុជ្ឈិស្សតិ. បរិនិព្ពន្តានំ តេសំ រូបក្ខន្ធោ ច នុប្បជ្ជតិ វេទនាក្ខន្ធោ ច ន និរុជ្ឈិស្សតិ.

(ខ) យស្ស វា បន វេទនាក្ខន្ធោ ន និរុជ្ឈិស្សតិ តស្ស រូបក្ខន្ធោ នុប្បជ្ជតីតិ? អាមន្តា.

១៩២. (ក) យស្ស វេទនាក្ខន្ធោ នុប្បជ្ជតិ តស្ស សញ្ញាក្ខន្ធោ ន និរុជ្ឈិស្សតីតិ?

សព្ពេសំ ចវន្តានំ អសញ្ញសត្តំ ឧបបជ្ជន្តានំ តេសំ វេទនាក្ខន្ធោ នុប្បជ្ជតិ, នោ ច តេសំ សញ្ញាក្ខន្ធោ ន និរុជ្ឈិស្សតិ. បរិនិព្ពន្តានំ តេសំ វេទនាក្ខន្ធោ ច នុប្បជ្ជតិ សញ្ញាក្ខន្ធោ ច ន និរុជ្ឈិស្សតិ.

(ខ) យស្ស វា បន សញ្ញាក្ខន្ធោ ន និរុជ្ឈិស្សតិ តស្ស វេទនាក្ខន្ធោ នុប្បជ្ជតីតិ? អាមន្តា.

(ង) បច្ចនីកឱកាសោ

១៩៣. យត្ថ រូបក្ខន្ធោ នុប្បជ្ជតិ…បេ….

(ច) បច្ចនីកបុគ្គលោកាសា

១៩៤. (ក) យស្ស យត្ថ រូបក្ខន្ធោ នុប្បជ្ជតិ តស្ស តត្ថ វេទនាក្ខន្ធោ ន និរុជ្ឈិស្សតីតិ?

បញ្ចវោការា ចវន្តានំ អរូបានំ តេសំ តត្ថ រូបក្ខន្ធោ នុប្បជ្ជតិ, នោ ច តេសំ តត្ថ វេទនាក្ខន្ធោ ន និរុជ្ឈិស្សតិ. បរិនិព្ពន្តានំ អសញ្ញសត្តា ចវន្តានំ តេសំ តត្ថ រូបក្ខន្ធោ ច នុប្បជ្ជតិ វេទនាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ ន និរុជ្ឈិស្សតិ តស្ស តត្ថ រូបក្ខន្ធោ នុប្បជ្ជតីតិ?

អសញ្ញសត្តំ ឧបបជ្ជន្តានំ តេសំ តត្ថ វេទនាក្ខន្ធោ ន និរុជ្ឈិស្សតិ, នោ ច តេសំ តត្ថ រូបក្ខន្ធោ នុប្បជ្ជតិ. បរិនិព្ពន្តានំ អសញ្ញសត្តា ចវន្តានំ តេសំ តត្ថ វេទនាក្ខន្ធោ ច ន និរុជ្ឈិស្សតិ រូបក្ខន្ធោ ច នុប្បជ្ជតិ.

១៩៥. (ក) យស្ស យត្ថ វេទនាក្ខន្ធោ នុប្បជ្ជតិ តស្ស តត្ថ សញ្ញាក្ខន្ធោ ន និរុជ្ឈិស្សតីតិ?

ចតុវោការា បញ្ចវោការា ចវន្តានំ តេសំ តត្ថ វេទនាក្ខន្ធោ នុប្បជ្ជតិ, នោ ច តេសំ តត្ថ សញ្ញាក្ខន្ធោ ន និរុជ្ឈិស្សតិ. បរិនិព្ពន្តានំ អសញ្ញសត្តានំ តេសំ តត្ថ វេទនាក្ខន្ធោ ច នុប្បជ្ជតិ សញ្ញាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ សញ្ញាក្ខន្ធោ ន និរុជ្ឈិស្សតិ តស្ស តត្ថ វេទនាក្ខន្ធោ នុប្បជ្ជតីតិ? អាមន្តា.