(៦) អតីតានាគតវារោ

(ក) អនុលោមបុគ្គលោ

១៩៦. (ក) យស្ស រូបក្ខន្ធោ ឧប្បជ្ជិត្ថ តស្ស វេទនាក្ខន្ធោ និរុជ្ឈិស្សតីតិ?

បរិនិព្ពន្តានំ តេសំ រូបក្ខន្ធោ ឧប្បជ្ជិត្ថ, នោ ច តេសំ វេទនាក្ខន្ធោ និរុជ្ឈិស្សតិ. ឥតរេសំ តេសំ រូបក្ខន្ធោ ច ឧប្បជ្ជិត្ថ វេទនាក្ខន្ធោ ច និរុជ្ឈិស្សតិ.

(ខ) យស្ស វា បន វេទនាក្ខន្ធោ និរុជ្ឈិស្សតិ តស្ស រូបក្ខន្ធោ ឧប្បជ្ជិត្ថាតិ? អាមន្តា.

១៩៧. (ក) យស្ស វេទនាក្ខន្ធោ ឧប្បជ្ជិត្ថ តស្ស សញ្ញាក្ខន្ធោ និរុជ្ឈិស្សតីតិ?

បរិនិព្ពន្តានំ តេសំ វេទនាក្ខន្ធោ ឧប្បជ្ជិត្ថ, នោ ច តេសំ សញ្ញាក្ខន្ធោ និរុជ្ឈិស្សតិ. ឥតរេសំ តេសំ វេទនាក្ខន្ធោ ច ឧប្បជ្ជិត្ថ សញ្ញាក្ខន្ធោ ច និរុជ្ឈិស្សតិ.

(ខ) យស្ស វា បន សញ្ញាក្ខន្ធោ និរុជ្ឈិស្សតិ តស្ស វេទនាក្ខន្ធោ ឧប្បជ្ជិត្ថាតិ? អាមន្តា.

(ខ) អនុលោមឱកាសោ

១៩៨. យត្ថ រូបក្ខន្ធោ ឧប្បជ្ជិត្ថ…បេ….

(គ) អនុលោមបុគ្គលោកាសា

១៩៩. (ក) យស្ស យត្ថ រូបក្ខន្ធោ ឧប្បជ្ជិត្ថ តស្ស តត្ថ វេទនាក្ខន្ធោ និរុជ្ឈិស្សតីតិ?

បញ្ចវោការេ បរិនិព្ពន្តានំ អសញ្ញសត្តានំ តេសំ តត្ថ រូបក្ខន្ធោ ឧប្បជ្ជិត្ថ, នោ ច តេសំ តត្ថ វេទនាក្ខន្ធោ និរុជ្ឈិស្សតិ. ឥតរេសំ បញ្ចវោការានំ តេសំ តត្ថ រូបក្ខន្ធោ ច ឧប្បជ្ជិត្ថ វេទនាក្ខន្ធោ ច និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ និរុជ្ឈិស្សតិ តស្ស តត្ថ រូបក្ខន្ធោ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ អរូបានំ តេសំ តត្ថ វេទនាក្ខន្ធោ និរុជ្ឈិស្សតិ, នោ ច តេសំ តត្ថ រូបក្ខន្ធោ ឧប្បជ្ជិត្ថ. ឥតរេសំ បញ្ចវោការានំ តេសំ តត្ថ វេទនាក្ខន្ធោ ច និរុជ្ឈិស្សតិ រូបក្ខន្ធោ ច ឧប្បជ្ជិត្ថ.

២០០. (ក) យស្ស យត្ថ វេទនាក្ខន្ធោ ឧប្បជ្ជិត្ថ តស្ស តត្ថ សញ្ញាក្ខន្ធោ និរុជ្ឈិស្សតីតិ?

បរិនិព្ពន្តានំ តេសំ តត្ថ វេទនាក្ខន្ធោ ឧប្បជ្ជិត្ថ, នោ ច តេសំ តត្ថ សញ្ញាក្ខន្ធោ និរុជ្ឈិស្សតិ. ឥតរេសំ ចតុវោការានំ បញ្ចវោការានំ តេសំ តត្ថ វេទនាក្ខន្ធោ ច ឧប្បជ្ជិត្ថ សញ្ញាក្ខន្ធោ ច និរុជ្ឈិស្សតិ.

(ខ) យស្ស វា បន យត្ថ សញ្ញាក្ខន្ធោ និរុជ្ឈិស្សតិ តស្ស តត្ថ វេទនាក្ខន្ធោ ឧប្បជ្ជិត្ថាតិ?

សុទ្ធាវាសំ ឧបបជ្ជន្តានំ តេសំ តត្ថ សញ្ញាក្ខន្ធោ និរុជ្ឈិស្សតិ, នោ ច តេសំ តត្ថ វេទនាក្ខន្ធោ ឧប្បជ្ជិត្ថ. ឥតរេសំ ចតុវោការានំ បញ្ចវោការានំ តេសំ តត្ថ សញ្ញាក្ខន្ធោ ច និរុជ្ឈិស្សតិ វេទនាក្ខន្ធោ ច ឧប្បជ្ជិត្ថ.

(ឃ) បច្ចនីកបុគ្គលោ

២០១. (ក) យស្ស រូបក្ខន្ធោ នុប្បជ្ជិត្ថ តស្ស វេទនាក្ខន្ធោ ន និរុជ្ឈិស្សតីតិ? នត្ថិ.

(ខ) យស្ស វា បន វេទនាក្ខន្ធោ ន និរុជ្ឈិស្សតិ តស្ស រូបក្ខន្ធោ នុប្បជ្ជិត្ថាតិ? ឧប្បជ្ជិត្ថ.

២០២. (ក) យស្ស វេទនាក្ខន្ធោ នុប្បជ្ជិត្ថ តស្ស សញ្ញាក្ខន្ធោ ន និរុជ្ឈិស្សតីតិ? នត្ថិ.

(ខ) យស្ស វា បន សញ្ញាក្ខន្ធោ ន និរុជ្ឈិស្សតិ តស្ស វេទនាក្ខន្ធោ នុប្បជ្ជិត្ថាតិ? ឧប្បជ្ជិត្ថ.

(ង) បច្ចនីកឱកាសោ

២០៣. យត្ថ រូបក្ខន្ធោ នុប្បជ្ជិត្ថ…បេ….

(ច) បច្ចនីកបុគ្គលោកាសា

២០៤. (ក) យស្ស យត្ថ រូបក្ខន្ធោ នុប្បជ្ជិត្ថ តស្ស តត្ថ វេទនាក្ខន្ធោ ន និរុជ្ឈិស្សតីតិ?

សុទ្ធាវាសំ ឧបបជ្ជន្តានំ អរូបានំ តេសំ តត្ថ រូបក្ខន្ធោ នុប្បជ្ជិត្ថ, នោ ច តេសំ តត្ថ វេទនាក្ខន្ធោ ន និរុជ្ឈិស្សតិ. សុទ្ធាវាសេ បរិនិព្ពន្តានំ អរូបេ បរិនិព្ពន្តានំ តេសំ តត្ថ រូបក្ខន្ធោ ច នុប្បជ្ជិត្ថ វេទនាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ វេទនាក្ខន្ធោ ន និរុជ្ឈិស្សតិ តស្ស តត្ថ រូបក្ខន្ធោ នុប្បជ្ជិត្ថាតិ?

បញ្ចវោការេ បរិនិព្ពន្តានំ អសញ្ញសត្តានំ តេសំ តត្ថ វេទនាក្ខន្ធោ ន និរុជ្ឈិស្សតិ, នោ ច តេសំ តត្ថ រូបក្ខន្ធោ នុប្បជ្ជិត្ថ. សុទ្ធាវាសេ បរិនិព្ពន្តានំ អរូបេ បរិនិព្ពន្តានំ តេសំ តត្ថ វេទនាក្ខន្ធោ ច ន និរុជ្ឈិស្សតិ រូបក្ខន្ធោ ច នុប្បជ្ជិត្ថ.

២០៥. (ក) យស្ស យត្ថ វេទនាក្ខន្ធោ នុប្បជ្ជិត្ថ តស្ស តត្ថ សញ្ញាក្ខន្ធោ ន និរុជ្ឈិស្សតីតិ?

សុទ្ធាវាសំ ឧបបជ្ជន្តានំ តេសំ តត្ថ វេទនាក្ខន្ធោ នុប្បជ្ជិត្ថ, នោ ច តេសំ តត្ថ សញ្ញាក្ខន្ធោ ន និរុជ្ឈិស្សតិ. សុទ្ធាវាសេ បរិនិព្ពន្តានំ អសញ្ញសត្តានំ តេសំ តត្ថ វេទនាក្ខន្ធោ ច នុប្បជ្ជិត្ថ សញ្ញាក្ខន្ធោ ច ន និរុជ្ឈិស្សតិ.

(ខ) យស្ស វា បន យត្ថ សញ្ញាក្ខន្ធោ ន និរុជ្ឈិស្សតិ តស្ស តត្ថ វេទនាក្ខន្ធោ នុប្បជ្ជិត្ថាតិ?

បរិនិព្ពន្តានំ តេសំ តត្ថ សញ្ញាក្ខន្ធោ ន និរុជ្ឈិស្សតិ, នោ ច តេសំ តត្ថ វេទនាក្ខន្ធោ នុប្បជ្ជិត្ថ. សុទ្ធាវាសេ បរិនិព្ពន្តានំ អសញ្ញសត្តានំ តេសំ តត្ថ សញ្ញាក្ខន្ធោ ច ន និរុជ្ឈិស្សតិ វេទនាក្ខន្ធោ ច នុប្បជ្ជិត្ថ.

ឧប្បាទនិរោធវារោ.

បវត្តិវារោ និដ្ឋិតោ.