(២) អតីតវារោ

(ក) អនុលោមបុគ្គលោ

១១០. (ក) យស្ស រូបក្ខន្ធោ និរុជ្ឈិត្ថ តស្ស វេទនាក្ខន្ធោ និរុជ្ឈិត្ថាតិ? អាមន្តា.

(ខ) យស្ស វា បន វេទនាក្ខន្ធោ និរុជ្ឈិត្ថ តស្ស រូបក្ខន្ធោ និរុជ្ឈិត្ថាតិ? អាមន្តា.

(ខ) អនុលោមឱកាសោ

១១១. (ក) យត្ថ រូបក្ខន្ធោ និរុជ្ឈិត្ថ តត្ថ វេទនាក្ខន្ធោ និរុជ្ឈិត្ថាតិ?

អសញ្ញសត្តេ តត្ថ រូបក្ខន្ធោ និរុជ្ឈត្ថ, នោ ច តត្ថ វេទនាក្ខន្ធោ និរុជ្ឈិត្ថ. បញ្ចវោការេ តត្ថ រូបក្ខន្ធោ ច និរុជ្ឈិត្ថ វេទនាក្ខន្ធោ ច និរុជ្ឈិត្ថ.

(ខ) យត្ថ វា បន វេទនាក្ខន្ធោ និរុជ្ឈិត្ថ តត្ថ រូបក្ខន្ធោ និរុជ្ឈិត្ថាតិ?

អរូបេ តត្ថ វេទនាក្ខន្ធោ និរុជ្ឈិត្ថ, នោ ច តត្ថ រូបក្ខន្ធោ និរុជ្ឈិត្ថ. បញ្ចវោការេ តត្ថ វេទនាក្ខន្ធោ ច និរុជ្ឈិត្ថ រូបក្ខន្ធោ ច និរុជ្ឈិត្ថ.

(គ) អនុលោមបុគ្គលោកាសា

១១២. (ក) យស្ស យត្ថ រូបក្ខន្ធោ និរុជ្ឈិត្ថ តស្ស តត្ថ វេទនាក្ខន្ធោ និរុជ្ឈិត្ថាតិ?

អសញ្ញសត្តានំ តេសំ តត្ថ រូបក្ខន្ធោ និរុជ្ឈិត្ថ, នោ ច តេសំ តត្ថ វេទនាក្ខន្ធោ និរុជ្ឈិត្ថ. បញ្ចវោការានំ តេសំ តត្ថ រូបក្ខន្ធោ ច និរុជ្ឈិត្ថ វេទនាក្ខន្ធោ ច និរុជ្ឈិត្ថ.

(ខ) យស្ស វា បន យត្ថ វេទនាក្ខន្ធោ និរុជ្ឈិត្ថ តស្ស តត្ថ រូបក្ខន្ធោ និរុជ្ឈិត្ថាតិ?

អរូបានំ តេសំ តត្ថ វេទនាក្ខន្ធោ និរុជ្ឈិត្ថ, នោ ច តេសំ តត្ថ រូបក្ខន្ធោ និរុជ្ឈិត្ថ. បញ្ចវោការានំ តេសំ តត្ថ វេទនាក្ខន្ធោ ច និរុជ្ឈិត្ថ រូបក្ខន្ធោ ច និរុជ្ឈិត្ថ.

(ឃ) បច្ចនីកបុគ្គលោ

១១៣. (ក) យស្ស រូបក្ខន្ធោ ន និរុជ្ឈិត្ថ តស្ស វេទនាក្ខន្ធោ ន និរុជ្ឈិត្ថាតិ? នត្ថិ.

(ខ) យស្ស វា បន វេទនាក្ខន្ធោ ន និរុជ្ឈិត្ថ តស្ស រូបក្ខន្ធោ ន និរុជ្ឈិត្ថាតិ? នត្ថិ.

(ង) បច្ចនីកឱកាសោ

១១៤. (ក) យត្ថ រូបក្ខន្ធោ ន និរុជ្ឈិត្ថ តត្ថ វេទនាក្ខន្ធោ ន និរុជ្ឈិត្ថាតិ? និរុជ្ឈិត្ថ.

(ខ) យត្ថ វា បន វេទនាក្ខន្ធោ ន និរុជ្ឈិត្ថ តត្ថ រូបក្ខន្ធោ ន និរុជ្ឈិត្ថាតិ? និរុជ្ឈិត្ថ.

(ច) បច្ចនីកបុគ្គលោកាសា

១១៥. (ក) យស្ស យត្ថ រូបក្ខន្ធោ ន និរុជ្ឈិត្ថ តស្ស តត្ថ វេទនាក្ខន្ធោ ន និរុជ្ឈិត្ថាតិ?

អរូបានំ តេសំ តត្ថ រូបក្ខន្ធោ ន និរុជ្ឈិត្ថ, នោ ច តេសំ តត្ថ វេទនាក្ខន្ធោ ន និរុជ្ឈិត្ថ. សុទ្ធាវាសានំ តេសំ តត្ថ រូបក្ខន្ធោ ច ន និរុជ្ឈិត្ថ វេទនាក្ខន្ធោ ច ន និរុជ្ឈិត្ថ.

(ខ) យស្ស វា បន យត្ថ វេទនាក្ខន្ធោ ន និរុជ្ឈិត្ថ តស្ស តត្ថ រូបក្ខន្ធោ ន និរុជ្ឈិត្ថាតិ?

អសញ្ញសត្តានំ តេសំ តត្ថ វេទនាក្ខន្ធោ ន និរុជ្ឈិត្ថ, នោ ច តេសំ តត្ថ រូបក្ខន្ធោ ន និរុជ្ឈិត្ថ. សុទ្ធាវាសានំ តេសំ តត្ថ វេទនាក្ខន្ធោ ច ន និរុជ្ឈិត្ថ រូបក្ខន្ធោ ច ន និរុជ្ឈិត្ថ.