(១) បច្ចុប្បន្នវារោ

(ក) អនុលោមបុគ្គលោ

១០៤. (ក) យស្ស រូបក្ខន្ធោ និរុជ្ឈតិ តស្ស វេទនាក្ខន្ធោ និរុជ្ឈតីតិ?

អសញ្ញសត្តា ចវន្តានំ តេសំ រូបក្ខន្ធោ និរុជ្ឈតិ, នោ ច តេសំ វេទនាក្ខន្ធោ និរុជ្ឈតិ. បញ្ចវោការា ចវន្តានំ តេសំ រូបក្ខន្ធោ ច និរុជ្ឈតិ វេទនាក្ខន្ធោ ច និរុជ្ឈតិ.

(ខ) យស្ស វា បន វេទនាក្ខន្ធោ និរុជ្ឈតិ តស្ស រូបក្ខន្ធោ និរុជ្ឈតីតិ?

អរូបា ចវន្តានំ តេសំ វេទនាក្ខន្ធោ និរុជ្ឈតិ, នោ ច តេសំ រូបក្ខន្ធោ និរុជ្ឈតិ. បញ្ចវោការា ចវន្តានំ តេសំ វេទនាក្ខន្ធោ ច និរុជ្ឈតិ រូបក្ខន្ធោ ច និរុជ្ឈតិ.

(ខ) អនុលោមឱកាសោ

១០៥. (ក) យត្ថ រូបក្ខន្ធោ និរុជ្ឈតិ តត្ថ វេទនាក្ខន្ធោ និរុជ្ឈតីតិ?

អសញ្ញសត្តេ តត្ថ រូបក្ខន្ធោ និរុជ្ឈតិ, នោ ច តត្ថ វេទនាក្ខន្ធោ និរុជ្ឈតិ. បញ្ចវោការេ តត្ថ រូបក្ខន្ធោ ច និរុជ្ឈតិ វេទនាក្ខន្ធោ ច និរុជ្ឈតិ.

(ខ) យត្ថ វា បន វេទនាក្ខន្ធោ និរុជ្ឈតិ តត្ថ រូបក្ខន្ធោ និរុជ្ឈតីតិ?

អរូបេ តត្ថ វេទនាក្ខន្ធោ និរុជ្ឈតិ, នោ ច តត្ថ រូបក្ខន្ធោ និរុជ្ឈតិ. បញ្ចវោការេ តត្ថ វេទនាក្ខន្ធោ ច និរុជ្ឈតិ រូបក្ខន្ធោ ច និរុជ្ឈតិ.

(គ) អនុលោមបុគ្គលោកាសា

១០៦. (ក) យស្ស យត្ថ រូបក្ខន្ធោ និរុជ្ឈតិ តស្ស តត្ថ វេទនាក្ខន្ធោ និរុជ្ឈតីតិ?

អសញ្ញសត្តា ចវន្តានំ តេសំ តត្ថ រូបក្ខន្ធោ និរុជ្ឈតិ, នោ ច តេសំ តត្ថ វេទនាក្ខន្ធោ និរុជ្ឈតិ. បញ្ចវោការា ចវន្តានំ តេសំ តត្ថ រូបក្ខន្ធោ ច និរុជ្ឈតិ វេទនាក្ខន្ធោ ច និរុជ្ឈតិ.

(ខ) យស្ស វា បន យត្ថ វេទនាក្ខន្ធោ និរុជ្ឈតិ តស្ស តត្ថ រូបក្ខន្ធោ និរុជ្ឈតីតិ?

អរូបា ចវន្តានំ តេសំ តត្ថ វេទនាក្ខន្ធោ និរុជ្ឈតិ, នោ ច តេសំ តត្ថ រូបក្ខន្ធោ និរុជ្ឈតិ. បញ្ចវោការា ចវន្តានំ តេសំ តត្ថ វេទនាក្ខន្ធោ ច និរុជ្ឈតិ រូបក្ខន្ធោ ច និរុជ្ឈតិ.

(ឃ) បច្ចនីកបុគ្គលោ

១០៧. (ក) យស្ស រូបក្ខន្ធោ ន និរុជ្ឈតិ តស្ស វេទនាក្ខន្ធោ ន និរុជ្ឈតីតិ?

អរូបា ចវន្តានំ តេសំ រូបក្ខន្ធោ ន និរុជ្ឈតិ, នោ ច តេសំ វេទនាក្ខន្ធោ ន និរុជ្ឈតិ. សព្ពេសំ ឧបបជ្ជន្តានំ តេសំ រូបក្ខន្ធោ ច ន និរុជ្ឈតិ វេទនាក្ខន្ធោ ច ន និរុជ្ឈតិ.

(ខ) យស្ស វា បន វេទនាក្ខន្ធោ ន និរុជ្ឈតិ តស្ស រូបក្ខន្ធោ ន និរុជ្ឈតីតិ?

អសញ្ញសត្តា ចវន្តានំ តេសំ វេទនាក្ខន្ធោ ន និរុជ្ឈតិ, នោ ច តេសំ រូបក្ខន្ធោ ន និរុជ្ឈតិ. សព្ពេសំ ឧបបជ្ជន្តានំ តេសំ វេទនាក្ខន្ធោ ច ន និរុជ្ឈតិ រូបក្ខន្ធោ ច ន និរុជ្ឈតិ.

(ង) បច្ចនីកឱកាសោ

១០៨. (ក) យត្ថ រូបក្ខន្ធោ ន និរុជ្ឈតិ តត្ថ វេទនាក្ខន្ធោ ន និរុជ្ឈតីតិ? និរុជ្ឈតិ.

(ខ) យត្ថ វា បន វេទនាក្ខន្ធោ ន និរុជ្ឈតិ តត្ថ រូបក្ខន្ធោ ន និរុជ្ឈតីតិ? និរុជ្ឈតិ.

(ច) បច្ចនីកបុគ្គលោកាសា

១០៩. (ក) យស្ស យត្ថ រូបក្ខន្ធោ ន និរុជ្ឈតិ តស្ស តត្ថ វេទនាក្ខន្ធោ ន និរុជ្ឈតីតិ?

អរូបា ចវន្តានំ តេសំ តត្ថ រូបក្ខន្ធោ ន និរុជ្ឈតិ, នោ ច តេសំ តត្ថ វេទនាក្ខន្ធោ ន និរុជ្ឈតិ. សព្ពេសំ ឧបបជ្ជន្តានំ តេសំ តត្ថ រូបក្ខន្ធោ ច ន និរុជ្ឈតិ វេទនាក្ខន្ធោ ច ន និរុជ្ឈតិ.

(ខ) យស្ស វា បន យត្ថ វេទនាក្ខន្ធោ ន និរុជ្ឈតិ តស្ស តត្ថ រូបក្ខន្ធោ ន និរុជ្ឈតីតិ?

អសញ្ញសត្តា ចវន្តានំ តេសំ តត្ថ វេទនាក្ខន្ធោ ន និរុជ្ឈតិ, នោ ច តេសំ តត្ថ រូបក្ខន្ធោ ន និរុជ្ឈតិ. សព្ពេសំ ឧបបជ្ជន្តានំ តេសំ តត្ថ វេទនាក្ខន្ធោ ច ន និរុជ្ឈតិ រូបក្ខន្ធោ ច ន និរុជ្ឈតិ.