(២) អតីតវារោ

(ក) អនុលោមបុគ្គលោ

៥៦. (ក) យស្ស រូបក្ខន្ធោ ឧប្បជ្ជិត្ថ តស្ស វេទនាក្ខន្ធោ ឧប្បជ្ជិត្ថាតិ? អាមន្តា.

(ខ) យស្ស វា បន វេទនាក្ខន្ធោ ឧប្បជ្ជិត្ថ តស្ស រូបក្ខន្ធោ ឧប្បជ្ជិត្ថាតិ? អាមន្តា.

(ខ) អនុលោមឱកាសោ

៥៧. (ក) យត្ថ រូបក្ខន្ធោ ឧប្បជ្ជិត្ថ តត្ថ វេទនាក្ខន្ធោ ឧប្បជ្ជិត្ថាតិ?

អសញ្ញសត្តេ តត្ថ រូបក្ខន្ធោ ឧប្បជ្ជិត្ថ, នោ ច តត្ថ វេទនាក្ខន្ធោ ឧប្បជ្ជិត្ថ. បញ្ចវោការេ តត្ថ រូបក្ខន្ធោ ច ឧប្បជ្ជិត្ថ វេទនាក្ខន្ធោ ច ឧប្បជ្ជិត្ថ.

(ខ) យត្ថ វា បន វេទនាក្ខន្ធោ ឧប្បជ្ជិត្ថ តត្ថ រូបក្ខន្ធោ ឧប្បជ្ជិត្ថាតិ?

អរូបេ តត្ថ វេទនាក្ខន្ធោ ឧប្បជ្ជិត្ថ, នោ ច តត្ថ រូបក្ខន្ធោ ឧប្បជ្ជិត្ថ. បញ្ចវោការេ តត្ថ វេទនាក្ខន្ធោ ច ឧប្បជ្ជិត្ថ រូបក្ខន្ធោ ច ឧប្បជ្ជិត្ថ.

(គ) អនុលោមបុគ្គលោកាសា

៥៨. (ក) យស្ស យត្ថ រូបក្ខន្ធោ ឧប្បជ្ជិត្ថ តស្ស តត្ថ វេទនាក្ខន្ធោ ឧប្បជ្ជិត្ថាតិ?

អសញ្ញសត្តានំ តេសំ តត្ថ រូបក្ខន្ធោ ឧប្បជ្ជិត្ថ, នោ ច តេសំ តត្ថ វេទនាក្ខន្ធោ ឧប្បជ្ជិត្ថ. បញ្ចវោការានំ តេសំ តត្ថ រូបក្ខន្ធោ ច ឧប្បជ្ជិត្ថ វេទនាក្ខន្ធោ ច ឧប្បជ្ជិត្ថ.

(ខ) យស្ស វា បន យត្ថ វេទនាក្ខន្ធោ ឧប្បជ្ជិត្ថ តស្ស តត្ថ រូបក្ខន្ធោ ឧប្បជ្ជិត្ថាតិ?

អរូបានំ តេសំ តត្ថ វេទនាក្ខន្ធោ ឧប្បជ្ជិត្ថ, នោ ច តេសំ តត្ថ រូបក្ខន្ធោ ឧប្បជ្ជិត្ថ. បញ្ចវោការានំ តេសំ តត្ថ វេទនាក្ខន្ធោ ច ឧប្បជ្ជិត្ថ រូបក្ខន្ធោ ច ឧប្បជ្ជិត្ថ.

(ឃ) បច្ចនីកបុគ្គលោ

៥៩. (ក) យស្ស រូបក្ខន្ធោ នុប្បជ្ជិត្ថ តស្ស វេទនាក្ខន្ធោ នុប្បជ្ជិត្ថាតិ? នត្ថិ.

(ខ) យស្ស វា បន វេទនាក្ខន្ធោ នុប្បជ្ជិត្ថ តស្ស រូបក្ខន្ធោ នុប្បជ្ជិត្ថាតិ? នត្ថិ.

(ង) បច្ចនីកឱកាសោ

៦០. (ក) យត្ថ រូបក្ខន្ធោ នុប្បជ្ជិត្ថ តត្ថ វេទនាក្ខន្ធោ នុប្បជ្ជិត្ថាតិ? ឧប្បជ្ជិត្ថ.

(ខ) យត្ថ វា បន វេទនាក្ខន្ធោ នុប្បជ្ជិត្ថ តត្ថ រូបក្ខន្ធោ នុប្បជ្ជិត្ថាតិ? ឧប្បជ្ជិត្ថ.

(ច) បច្ចនីកបុគ្គលោកាសា

៦១. (ក) យស្ស យត្ថ រូបក្ខន្ធោ នុប្បជ្ជិត្ថ តស្ស តត្ថ វេទនាក្ខន្ធោ នុប្បជ្ជិត្ថាតិ?

អរូបានំ តេសំ តត្ថ រូបក្ខន្ធោ នុប្បជ្ជិត្ថ, នោ ច តេសំ តត្ថ វេទនាក្ខន្ធោ នុប្បជ្ជិត្ថ. សុទ្ធាវាសានំ តេសំ តត្ថ រូបក្ខន្ធោ ច នុប្បជ្ជិត្ថ វេទនាក្ខន្ធោ ច នុប្បជ្ជិត្ថ.

(ក) យស្ស វា បន យត្ថ វេទនាក្ខន្ធោ នុប្បជ្ជិត្ថ តស្ស តត្ថ រូបក្ខន្ធោ នុប្បជ្ជិត្ថាតិ?

អសញ្ញសត្តានំ តេសំ តត្ថ វេទនាក្ខន្ធោ នុប្បជ្ជិត្ថ, នោ ច តេសំ តត្ថ រូបក្ខន្ធោ នុប្បជ្ជិត្ថ. សុទ្ធាវាសានំ តេសំ តត្ថ វេទនាក្ខន្ធោ ច នុប្បជ្ជិត្ថ រូបក្ខន្ធោ ច នុប្បជ្ជិត្ថ.