(១) បច្ចុប្បន្នវារោ

(ក) អនុលោមបុគ្គលោ

៥០. (ក) យស្ស រូបក្ខន្ធោ ឧប្បជ្ជតិ តស្ស វេទនាក្ខន្ធោ ឧប្បជ្ជតីតិ?

អសញ្ញសត្តំ ឧបបជ្ជន្តានំ តេសំ រូបក្ខន្ធោ ឧប្បជ្ជតិ, នោ ច តេសំ វេទនាក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ តេសំ រូបក្ខន្ធោ ច ឧប្បជ្ជតិ វេទនាក្ខន្ធោ ច ឧប្បជ្ជតិ.

(ខ) យស្ស វា បន វេទនាក្ខន្ធោ ឧប្បជ្ជតិ តស្ស រូបក្ខន្ធោ ឧប្បជ្ជតីតិ?

អរូបំ ឧបបជ្ជន្តានំ តេសំ វេទនាក្ខន្ធោ ឧប្បជ្ជតិ, នោ ច តេសំ រូបក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ តេសំ វេទនាក្ខន្ធោ ច ឧប្បជ្ជតិ រូបក្ខន្ធោ ច ឧប្បជ្ជតិ.

(ខ) អនុលោមឱកាសោ

៥១. (ក) យត្ថ រូបក្ខន្ធោ ឧប្បជ្ជតិ តត្ថ វេទនាក្ខន្ធោ ឧប្បជ្ជតីតិ?

អសញ្ញសត្តេ តត្ថ រូបក្ខន្ធោ ឧប្បជ្ជតិ, នោ ច តត្ថ វេទនាក្ខន្ធោ ឧប្បជ្ជតិ. បញ្ចវោការេ តត្ថ រូបក្ខន្ធោ ច ឧប្បជ្ជតិ វេទនាក្ខន្ធោ ច ឧប្បជ្ជតិ.

(ខ) យត្ថ វា បន វេទនាក្ខន្ធោ ឧប្បជ្ជតិ តត្ថ រូបក្ខន្ធោ ឧប្បជ្ជតីតិ?

អរូបេ តត្ថ វេទនាក្ខន្ធោ ឧប្បជ្ជតិ, នោ ច តត្ថ រូបក្ខន្ធោ ឧប្បជ្ជតិ. បញ្ចវោការេ តត្ថ វេទនាក្ខន្ធោ ច ឧប្បជ្ជតិ រូបក្ខន្ធោ ច ឧប្បជ្ជតិ.

(គ) អនុលោមបុគ្គលោកាសា

៥២. (ក) យស្ស យត្ថ រូបក្ខន្ធោ ឧប្បជ្ជតិ តស្ស តត្ថ វេទនាក្ខន្ធោ ឧប្បជ្ជតីតិ?

អសញ្ញសត្តំ ឧបបជ្ជន្តានំ តេសំ តត្ថ រូបក្ខន្ធោ ឧប្បជ្ជតិ, នោ ច តេសំ តត្ថ វេទនាក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ តេសំ តត្ថ រូបក្ខន្ធោ ច ឧប្បជ្ជតិ វេទនាក្ខន្ធោ ច ឧប្បជ្ជតិ.

(ខ) យស្ស វា បន យត្ថ វេទនាក្ខន្ធោ ឧប្បជ្ជតិ តស្ស តត្ថ រូបក្ខន្ធោ ឧប្បជ្ជតីតិ?

អរូបំ ឧបបជ្ជន្តានំ តេសំ តត្ថ វេទនាក្ខន្ធោ ឧប្បជ្ជតិ, នោ ច តេសំ តត្ថ រូបក្ខន្ធោ ឧប្បជ្ជតិ. បញ្ចវោការំ ឧបបជ្ជន្តានំ តេសំ តត្ថ វេទនាក្ខន្ធោ ច ឧប្បជ្ជតិ រូបក្ខន្ធោ ច ឧប្បជ្ជតិ.

(ឃ) បច្ចនីកបុគ្គលោ

៥៣. (ក) យស្ស រូបក្ខន្ធោ នុប្បជ្ជតិ តស្ស វេទនាក្ខន្ធោ នុប្បជ្ជតីតិ?

អរូបំ ឧបបជ្ជន្តានំ តេសំ រូបក្ខន្ធោ នុប្បជ្ជតិ, នោ ច តេសំ វេទនាក្ខន្ធោ នុប្បជ្ជតិ. សព្ពេសំ ចវន្តានំ តេសំ រូបក្ខន្ធោ ច នុប្បជ្ជតិ វេទនាក្ខន្ធោ ច នុប្បជ្ជតិ.

(ខ) យស្ស វា បន វេទនាក្ខន្ធោ នុប្បជ្ជតិ តស្ស រូបក្ខន្ធោ នុប្បជ្ជតីតិ?

អសញ្ញសត្តំ ឧបបជ្ជន្តានំ តេសំ វេទនាក្ខន្ធោ នុប្បជ្ជតិ, នោ ច តេសំ រូបក្ខន្ធោ នុប្បជ្ជតិ. សព្ពេសំ ចវន្តានំ តេសំ វេទនាក្ខន្ធោ ច នុប្បជ្ជតិ រូបក្ខន្ធោ ច នុប្បជ្ជតិ.

(ង) បច្ចនីកឱកាសោ

៥៤. (ក) យត្ថ រូបក្ខន្ធោ នុប្បជ្ជតិ តត្ថ វេទនាក្ខន្ធោ នុប្បជ្ជតីតិ? ឧប្បជ្ជតិ.

(ខ) យត្ថ វា បន វេទនាក្ខន្ធោ នុប្បជ្ជតិ តត្ថ រូបក្ខន្ធោ នុប្បជ្ជតីតិ? ឧប្បជ្ជតិ.

(ច) បច្ចនីកបុគ្គលោកាសា

៥៥. (ក) យស្ស យត្ថ រូបក្ខន្ធោ នុប្បជ្ជតិ តស្ស តត្ថ វេទនាក្ខន្ធោ នុប្បជ្ជតីតិ?

អរូបំ ឧបបជ្ជន្តានំ តេសំ តត្ថ រូបក្ខន្ធោ នុប្បជ្ជតិ, នោ ច តេសំ តត្ថ វេទនាក្ខន្ធោ នុប្បជ្ជតិ. សព្ពេសំ ចវន្តានំ តេសំ តត្ថ រូបក្ខន្ធោ ច នុប្បជ្ជតិ វេទនាក្ខន្ធោ ច នុប្បជ្ជតិ.

(ខ) យស្ស វា បន យត្ថ វេទនាក្ខន្ធោ នុប្បជ្ជតិ តស្ស តត្ថ រូបក្ខន្ធោ នុប្បជ្ជតីតិ?

អសញ្ញសត្តំ ឧបបជ្ជន្តានំ តេសំ តត្ថ វេទនាក្ខន្ធោ នុប្បជ្ជតិ, នោ ច តេសំ តត្ថ រូបក្ខន្ធោ នុប្បជ្ជតិ. សព្ពេសំ ចវន្តានំ តេសំ តត្ថ វេទនាក្ខន្ធោ ច នុប្បជ្ជតិ រូបក្ខន្ធោ ច នុប្បជ្ជតិ.