៣. អព្យាកតា ធម្មា (១) មូលនយោ

៧៤. (ក) យេ កេចិ អព្យាកតា ធម្មា, សព្ពេ តេ អព្យាកតមូលាតិ?

តីណេវ អព្យាកតមូលានិ. អវសេសា អព្យាកតា ធម្មា ន អព្យាកតមូលា.

(ខ) យេ វា បន អព្យាកតមូលា, សព្ពេ តេ ធម្មា អព្យាកតាតិ? អាមន្តា.

៧៥. (ក) យេ កេចិ អព្យាកតា ធម្មា, សព្ពេ តេ អព្យាកតមូលេន ឯកមូលាតិ?

អហេតុកំ អព្យាកតំ អព្យាកតមូលេន ន ឯកមូលំ. សហេតុកំ អព្យាកតំ អព្យាកតមូលេន ឯកមូលំ.

(ខ) យេ វា បន អព្យាកតមូលេន ឯកមូលា, សព្ពេ តេ ធម្មា អព្យាកតាតិ? អាមន្តា.

៧៦. (ក) យេ កេចិ អព្យាកតមូលេន ឯកមូលា ធម្មា, សព្ពេ តេ អព្យាកតមូលេន អញ្ញមញ្ញមូលាតិ?

មូលានិ យានិ ឯកតោ ឧប្បជ្ជន្តិ អព្យាកតមូលានិ ឯកមូលានិ ចេវ អញ្ញមញ្ញមូលានិ ច. អវសេសា អព្យាកតមូលសហជាតា ធម្មា អព្យាកតមូលេន ឯកមូលា, ន ច អញ្ញមញ្ញមូលា.

(ខ) យេ វា បន អព្យាកតមូលេន អញ្ញមញ្ញមូលា, សព្ពេ តេ ធម្មា អព្យាកតាតិ? អាមន្តា.

(២) មូលមូលនយោ

៧៧. (ក) យេ កេចិ អព្យាកតា ធម្មា, សព្ពេ តេ អព្យាកតមូលមូលាតិ?

តីណេវ អព្យាកតមូលមូលានិ. អវសេសា អព្យាកតា ធម្មា ន អព្យាកតមូលមូលា.

(ខ) យេ វា បន អព្យាកតមូលមូលា, សព្ពេ តេ ធម្មា អព្យាកតាតិ? អាមន្តា.

៧៨. (ក) យេ កេចិ អព្យាកតា ធម្មា, សព្ពេ តេ អព្យាកតមូលេន ឯកមូលមូលាតិ?

អហេតុកំ អព្យាកតំ អព្យាកតមូលេន ន ឯកមូលមូលំ. សហេតុកំ អព្យាកតំ អព្យាកតមូលេន ឯកមូលមូលំ.

(ខ) យេ វា បន អព្យាកតមូលេន ឯកមូលមូលា, សព្ពេ តេ ធម្មា អព្យាកតាតិ? អាមន្តា.

៧៩. (ក) យេ កេចិ អព្យាកតមូលេន ឯកមូលមូលា ធម្មា, សព្ពេ តេ អព្យាកតមូលេន អញ្ញមញ្ញមូលមូលាតិ?

មូលានិ យានិ ឯកតោ ឧប្បជ្ជន្តិ អព្យាកតមូលានិ ឯកមូលមូលានិ ចេវ អញ្ញមញ្ញមូលមូលានិ ច. អវសេសា អព្យាកតមូលសហជាតា ធម្មា អព្យាកតមូលេន ឯកមូលមូលា, ន ច អញ្ញមញ្ញមូលមូលា.

(ខ) យេ វា បន អព្យាកតមូលេន អញ្ញមញ្ញមូលមូលា, សព្ពេ តេ ធម្មា អព្យាកតាតិ? អាមន្តា.

(៣) មូលកនយោ

៨០. (ក) យេ កេចិ អព្យាកតា ធម្មា, សព្ពេ តេ អព្យាកតមូលកាតិ?

អហេតុកំ អព្យាកតំ ន អព្យាកតមូលកំ. សហេតុកំ អព្យាកតំ អព្យាកតមូលកំ.

(ខ) យេ វា បន អព្យាកតមូលកា, សព្ពេ តេ ធម្មា អព្យាកតាតិ? អាមន្តា.

៨១. (ក) យេ កេចិ អព្យាកតា ធម្មា, សព្ពេ តេ អព្យាកតមូលេន ឯកមូលកាតិ?

អហេតុកំ អព្យាកតំ អព្យាកតមូលេន ន ឯកមូលកំ. សហេតុកំ អព្យាកតំ អព្យាកតមូលេន ឯកមូលកំ.

(ខ) យេ វា បន អព្យាកតមូលេន ឯកមូលកា, សព្ពេ តេ ធម្មា អព្យាកតាតិ? អាមន្តា.

៨២. (ក) យេ កេចិ អព្យាកតមូលេន ឯកមូលកា ធម្មា, សព្ពេ តេ អព្យាកតមូលេន អញ្ញមញ្ញមូលកាតិ?

មូលានិ យានិ ឯកតោ ឧប្បជ្ជន្តិ អព្យាកតមូលានិ ឯកមូលកានិ ចេវ អញ្ញមញ្ញមូលកានិ ច. អវសេសា អព្យាកតមូលសហជាតា ធម្មា អព្យាកតមូលេន ឯកមូលកា, ន ច អញ្ញមញ្ញមូលកា.

(ខ) យេ វា បន អព្យាកតមូលេន អញ្ញមញ្ញមូលកា, សព្ពេ តេ ធម្មា អព្យាកតាតិ? អាមន្តា.

(៤) មូលមូលកនយោ

៨៣. (ក) យេ កេចិ អព្យាកតា ធម្មា, សព្ពេ តេ អព្យាកតមូលមូលកាតិ?

អហេតុកំ អព្យាកតំ ន អព្យាកតមូលមូលកំ. សហេតុកំ អព្យាកតំ អព្យាកតមូលមូលកំ.

(ខ) យេ វា បន អព្យាកតមូលមូលកា, សព្ពេ តេ ធម្មា អព្យាកតាតិ? អាមន្តា.

៨៤. (ក) យេ កេចិ អព្យាកតា ធម្មា, សព្ពេ តេ អព្យាកតមូលេន ឯកមូលមូលកាតិ?

អហេតុកំ អព្យាកតំ អព្យាកតមូលេន ន ឯកមូលមូលកំ. សហេតុកំ អព្យាកតំ អព្យាកតមូលេន ឯកមូលមូលកំ.

(ខ) យេ វា បន អព្យាកតមូលេន ឯកមូលមូលកា, សព្ពេ តេ ធម្មា អព្យាកតាតិ? អាមន្តា.

៨៥. (ក) យេ កេចិ អព្យាកតមូលេន ឯកមូលមូលកា ធម្មា, សព្ពេ តេ អព្យាកតមូលេន អញ្ញមញ្ញមូលមូលកាតិ?

មូលានិ យានិ ឯកតោ ឧប្បជ្ជន្តិ អព្យាកតមូលានិ ឯកមូលមូលកានិ ចេវ អញ្ញមញ្ញមូលមូលកានិ ច. អវសេសា អព្យាកតមូលសហជាតា ធម្មា អព្យាកតមូលេន ឯកមូលមូលកា, ន ច អញ្ញមញ្ញមូលមូលកា.

(ខ) យេ វា បន អព្យាកតមូលេន អញ្ញមញ្ញមូលមូលកា, សព្ពេ តេ ធម្មា អព្យាកតាតិ? អាមន្តា.