៣. តិកមាតិកា

៨៣៤. (១) តីណិ អកុសលមូលានិ (២) តយោ អកុសលវិតក្កា (៣) តិស្សោ អកុសលសញ្ញា (៤) តិស្សោ អកុសលធាតុយោ (៥) តីណិ ទុច្ចរិតានិ (៦) តយោ អាសវា (៧) តីណិ សំយោជនានិ (៨) តិស្សោ តណ្ហា (៩) អបរាបិ តិស្សោ តណ្ហា (១០) អបរាបិ តិស្សោ តណ្ហា (១១) តិស្សោ ឯសនា (១២) តិស្សោ វិធា (១៣) តីណិ ភយានិ (១៤)តីណិ តមានិ (១៥) តីណិ តិត្ថាយតនានិ (១៦) តយោ កិញ្ចនា (១៧) តីណិ អង្គណានិ (១៨) តីណិ មលានិ (១៩) តីណិ វិសមានិ (២០) អបរានិបិ តីណិ វិសមានិ (២១) តយោ អគ្គី (២២) តយោ កសាវា (២៣) អបរេបិ តយោ កសាវា (២៤)អស្សាទទិដ្ឋិ, អត្តានុទិដ្ឋិ, មិច្ឆាទិដ្ឋិ (២៥) អរតិ, វិហេសា, អធម្មចរិយា (២៦)ទោវចស្សតា, បាបមិត្តតា, នានត្តសញ្ញា (២៧) ឧទ្ធច្ចំ, កោសជ្ជំ, បមាទោ (២៨) អសន្តុដ្ឋិតា, អសម្បជញ្ញតា, មហិច្ឆតា (២៩) អហិរិកំ, អនោត្តប្បំ, បមាទោ (៣០)អនាទរិយំ, ទោវចស្សតា, បាបមិត្តតា (៣១) អស្សទ្ធិយំ, អវទញ្ញុតា, កោសជ្ជំ (៣២) ឧទ្ធច្ចំ, អសំវរោ, ទុស្សីល្យំ (៣៣) អរិយានំ អទស្សនកម្យតា, សទ្ធម្មំ អសោតុកម្យតា, ឧបារម្ភចិត្តតា (៣៤) មុដ្ឋស្សច្ចំ, អសម្បជញ្ញំ, ចេតសោ វិក្ខេបោ (៣៥)អយោនិសោ មនសិការោ, កុម្មគ្គសេវនា, ចេតសោ ច លីនត្តំ

តិកំ.