១. បច្ចយានុលោមំ

ហេតុបច្ចយោ

៤០. បរិត្តំ ធម្មំ បដិច្ច នបរិត្តោ ធម្មោ ឧប្បជ្ជតិ ហេតុបច្ចយា. បរិត្តំ ធម្មំ បដិច្ច នមហគ្គតោ ធម្មោ ឧប្បជ្ជតិ ហេតុបច្ចយា. បរិត្តំ ធម្មំ បដិច្ច នអប្បមាណោ ធម្មោ ឧប្បជ្ជតិ ហេតុបច្ចយា. បរិត្តំ ធម្មំ បដិច្ច នបរិត្តោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. បរិត្តំ ធម្មំ បដិច្ច នមហគ្គតោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. (៥)

មហគ្គតំ ធម្មំ បដិច្ច នមហគ្គតោ ធម្មោ ឧប្បជ្ជតិ ហេតុបច្ចយា. មហគ្គតំ ធម្មំ បដិច្ច នបរិត្តោ ធម្មោ ឧប្បជ្ជតិ ហេតុបច្ចយា. មហគ្គតំ ធម្មំ បដិច្ច នអប្បមាណោ ធម្មោ ឧប្បជ្ជតិ ហេតុបច្ចយា. មហគ្គតំ ធម្មំ បដិច្ច នបរិត្តោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. មហគ្គតំ ធម្មំ បដិច្ច នមហគ្គតោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. (៥)

អប្បមាណំ ធម្មំ បដិច្ច នអប្បមាណោ ធម្មោ ឧប្បជ្ជតិ ហេតុបច្ចយា. អប្បមាណំ ធម្មំ បដិច្ច នបរិត្តោ ធម្មោ ឧប្បជ្ជតិ ហេតុបច្ចយា. អប្បមាណំ ធម្មំ បដិច្ច នមហគ្គតោ ធម្មោ ឧប្បជ្ជតិ ហេតុបច្ចយា. អប្បមាណំ ធម្មំ បដិច្ច នមហគ្គតោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. អប្បមាណំ ធម្មំ បដិច្ច នបរិត្តោ ច នមហគ្គតោ ច ធម្មា ឧប្បជ្ជន្តិ ហេតុបច្ចយា. (៥)

បរិត្តញ្ច អប្បមាណញ្ច ធម្មំ បដិច្ច នមហគ្គតោ ធម្មោ ឧប្បជ្ជតិ ហេតុបច្ចយា. បរិត្តញ្ច អប្បមាណញ្ច ធម្មំ បដិច្ច នអប្បមាណោ ធម្មោ ឧប្បជ្ជតិ ហេតុបច្ចយា. បរិត្តញ្ច អប្បមាណញ្ច ធម្មំ បដិច្ច នមហគ្គតោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. (៣)

បរិត្តញ្ច មហគ្គតញ្ច ធម្មំ បដិច្ច នបរិត្តោ ធម្មោ ឧប្បជ្ជតិ ហេតុបច្ចយា. បរិត្តញ្ច មហគ្គតញ្ច ធម្មំ បដិច្ច នមហគ្គតោ ធម្មោ ឧប្បជ្ជតិ ហេតុបច្ចយា. បរិត្តញ្ច មហគ្គតញ្ច ធម្មំ បដិច្ច នអប្បមាណោ ធម្មោ ឧប្បជ្ជតិ ហេតុបច្ចយា. បរិត្តញ្ច មហគ្គតញ្ច ធម្មំ បដិច្ច នបរិត្តោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. បរិត្តញ្ច មហគ្គតញ្ច ធម្មំ បដិច្ច នមហគ្គតោ ច នអប្បមាណោ ច ធម្មា ឧប្បជ្ជន្តិ ហេតុបច្ចយា. (៥) (សំខិត្តំ.)

ហេតុយា តេវីស, អារម្មណេ ចុទ្ទស. (សព្ពត្ថ វិត្ថារេតព្ពំ.)