១. បច្ចយានុលោមំ

ហេតុបច្ចយោ

៣៩. សេក្ខំ ធម្មំ បដិច្ច នសេក្ខោ ធម្មោ ឧប្បជ្ជតិ ហេតុបច្ចយា. សេក្ខំ ធម្មំ បដិច្ច នអសេក្ខោ ធម្មោ ឧប្បជ្ជតិ ហេតុបច្ចយា. សេក្ខំ ធម្មំ បដិច្ច ននេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា. សេក្ខំ ធម្មំ បដិច្ច នអសេក្ខោ ច ននេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា. សេក្ខំ ធម្មំ បដិច្ច នសេក្ខោ ច នអសេក្ខោ ច ធម្មា ឧប្បជ្ជន្តិ ហេតុបច្ចយា. (៥)

អសេក្ខំ ធម្មំ បដិច្ច នអសេក្ខោ ធម្មោ ឧប្បជ្ជតិ ហេតុបច្ចយា. អសេក្ខំ ធម្មំ បដិច្ច នសេក្ខោ ធម្មោ ឧប្បជ្ជតិ ហេតុបច្ចយា. អសេក្ខំ ធម្មំ បដិច្ច ននេវសេក្ខនាសេក្ខោ ធម្មោ ឧប្បជ្ជតិ ហេតុបច្ចយា. អសេក្ខំ ធម្មំ បដិច្ច នសេក្ខោ ច ននេវសេក្ខនាសេក្ខោ ច ធម្មា ឧប្បជ្ជន្តិ ហេតុបច្ចយា. អសេក្ខំ ធម្មំ បដិច្ច នសេក្ខោ ច នអសេក្ខោ ច ធម្មា ឧប្បជ្ជន្តិ ហេតុបច្ចយា. (៥)

នេវសេក្ខនាសេក្ខំ ធម្មំ បដិច្ច នសេក្ខោ ធម្មោ ឧប្បជ្ជតិ ហេតុបច្ចយា. នេវសេក្ខនាសេក្ខំ ធម្មំ បដិច្ច នអសេក្ខោ ធម្មោ ឧប្បជ្ជតិ ហេតុបច្ចយា. នេវសេក្ខនាសេក្ខំ ធម្មំ បដិច្ច នសេក្ខោ ច នអសេក្ខោ ច ធម្មា ឧប្បជ្ជន្តិ ហេតុបច្ចយា. (៣)

សេក្ខញ្ច នេវសេក្ខនាសេក្ខញ្ច ធម្មំ បដិច្ច នសេក្ខោ ធម្មោ ឧប្បជ្ជតិ ហេតុបច្ចយា. សេក្ខញ្ច នេវសេក្ខនាសេក្ខញ្ច ធម្មំ បដិច្ច នអសេក្ខោ ធម្មោ ឧប្បជ្ជតិ ហេតុបច្ចយា. សេក្ខញ្ច នេវសេក្ខនាសេក្ខញ្ច ធម្មំ បដិច្ច នសេក្ខោ ច នអសេក្ខោ ច ធម្មា ឧប្បជ្ជន្តិ ហេតុបច្ចយា. (៣)

អសេក្ខញ្ច នេវសេក្ខនាសេក្ខញ្ច ធម្មំ បដិច្ច នសេក្ខោ ធម្មោ ឧប្បជ្ជតិ ហេតុបច្ចយា. អសេក្ខញ្ច នេវសេក្ខនាសេក្ខញ្ច ធម្មំ បដិច្ច នអសេក្ខោ ធម្មោ ឧប្បជ្ជតិ ហេតុបច្ចយា. អសេក្ខញ្ច នេវសេក្ខនាសេក្ខញ្ច ធម្មំ បដិច្ច នសេក្ខោ ច នអសេក្ខោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា ឯកូនវីស. (សព្ពត្ថ វិត្ថារោ.)