១-១-៥. ហេតុទុក-សហេតុកាទិទុកានិ

១. នហេតុំ នសហេតុកំ ធម្មំ បដិច្ច នហេតុ នសហេតុកោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា តីណិ, អារម្មណេ ឯកំ…បេ… អវិគតេ តីណិ.

២. នហេតុំ នសហេតុកំ ធម្មំ បដិច្ច នហេតុ នសហេតុកោ ធម្មោ ឧប្បជ្ជតិ នហេតុបច្ចយា. (១)

នហេតុំ នសហេតុកំ ធម្មំ បដិច្ច នហេតុ នសហេតុកោ ធម្មោ ឧប្បជ្ជតិ នអារម្មណបច្ចយា. (សំខិត្តំ.)

នហេតុយា ឯកំ, នអារម្មណេ តីណិ, នអធិបតិយា តីណិ.

ហេតុ-អារម្មណបច្ចយា

៣. ននហេតុ នសហេតុកោ ធម្មោ នហេតុស្ស នសហេតុកស្ស ធម្មស្ស ហេតុបច្ចយេន បច្ចយោ. (១)

នហេតុ នសហេតុកោ ធម្មោ នហេតុស្ស នសហេតុកស្ស ធម្មស្ស អារម្មណបច្ចយេន បច្ចយោ. នហេតុ នសហេតុកោ ធម្មោ ននហេតុស្ស នសហេតុកស្ស ធម្មស្ស អារម្មណបច្ចយេន បច្ចយោ.

ហេតុយា ឯកំ, អារម្មណេ ចត្តារិ…បេ… អវិគតេ ចត្តារិ.

៤. នហេតុំ នអហេតុកំ ធម្មំ បដិច្ច នហេតុ នអហេតុកោ ធម្មោ ឧប្បជ្ជតិ ហេតុបច្ចយា. នហេតុំ នអហេតុកំ ធម្មំ បដិច្ច ននហេតុ នអហេតុកោ ធម្មោ ឧប្បជ្ជតិ ហេតុបច្ចយា. នហេតុំ នអហេតុកំ ធម្មំ បដិច្ច នហេតុ នអហេតុកោ ច ននហេតុ នអហេតុកោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នអហេតុកំ ធម្មំ បដិច្ច ននហេតុ នអហេតុកោ ធម្មោ ឧប្បជ្ជតិ ហេតុបច្ចយា. ននហេតុំ នអហេតុកំ ធម្មំ បដិច្ច នហេតុ នអហេតុកោ ធម្មោ ឧប្បជ្ជតិ ហេតុបច្ចយា. ននហេតុំ នអហេតុកំ ធម្មំ បដិច្ច នហេតុ នអហេតុកោ ច ននហេតុ នអហេតុកោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នអហេតុកញ្ច ននហេតុំ នអហេតុកញ្ច ធម្មំ បដិច្ច នហេតុ នអហេតុកោ ធម្មោ ឧប្បជ្ជតិ ហេតុបច្ចយា. នហេតុំ នអហេតុកញ្ច ននហេតុំ នអហេតុកញ្ច ធម្មំ បដិច្ច ននហេតុ នអហេតុកោ ធម្មោ ឧប្បជ្ជតិ ហេតុបច្ចយា. នហេតុំ នអហេតុកញ្ច ននហេតុំ នអហេតុកញ្ច ធម្មំ បដិច្ច នហេតុ នអហេតុកោ ច ននហេតុ នអហេតុកោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សព្ពត្ថ នវ.)

៥. នហេតុំ នហេតុសម្បយុត្តំ ធម្មំ បដិច្ច នហេតុ នហេតុសម្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

៦. នហេតុំ នហេតុវិប្បយុត្តំ ធម្មំ បដិច្ច នហេតុ នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

ននហេតុំ នហេតុវិប្បយុត្តំ ធម្មំ បដិច្ច ននហេតុ នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ នហេតុវិប្បយុត្តញ្ច ននហេតុំ នហេតុវិប្បយុត្តញ្ច ធម្មំ បដិច្ច នហេតុ នហេតុវិប្បយុត្តោ ធម្មោ ឧប្បជ្ជតិ ហេតុបច្ចយា… តីណិ.

ហេតុយា នវ. (សព្ពត្ថ វិត្ថារោ.)

៧. នហេតុំ នហេតុញ្ចេវ នអហេតុកញ្ច ធម្មំ បដិច្ច នហេតុ នហេតុ ចេវ នអហេតុកោ ច ធម្មោ ឧប្បជ្ជតិ ហេតុបច្ចយា. (យាវ បញ្ហាវារេបិ ឯកំ.)

ននហេតុំ នអហេតុកញ្ចេវ នន ច ហេតុំ ធម្មំ បដិច្ច ននហេតុ នអហេតុកោ ចេវ នន ច ហេតុ ធម្មោ ឧប្បជ្ជតិ ហេតុបច្ចយា.

នហេតុំ នហេតុញ្ចេវ នហេតុវិប្បយុត្តញ្ច ធម្មំ បដិច្ច នហេតុ នហេតុ ចេវ នហេតុវិប្បយុត្តោ ច ធម្មោ ឧប្បជ្ជតិ ហេតុបច្ចយា.

ននហេតុំ នហេតុវិប្បយុត្តញ្ចេវ នន ច ហេតុំ ធម្មំ បដិច្ច ននហេតុ នហេតុវិប្បយុត្តោ ចេវ នន ច ហេតុ ធម្មោ ឧប្បជ្ជតិ ហេតុបច្ចយា.

នហេតុំ នសហេតុកំ ធម្មំ បដិច្ច នហេតុ នសហេតុកោ ធម្មោ ឧប្បជ្ជតិ ហេតុបច្ចយា.

នហេតុំ នអហេតុកំ ធម្មំ បដិច្ច នហេតុ នអហេតុកោ ធម្មោ ឧប្បជ្ជតិ ហេតុបច្ចយា. (សព្ពត្ថ ឯកំ.)