១-៦. ហេតុទុក-ចូឡន្តរទុកំ

៨. នហេតុំ នអប្បច្ចយំ ធម្មំ បដិច្ច នហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. នហេតុំ នអប្បច្ចយំ ធម្មំ បដិច្ច ននហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. នហេតុំ នអប្បច្ចយំ ធម្មំ បដិច្ច នហេតុ នអប្បច្ចយោ ច ននហេតុ នអប្បច្ចយោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នអប្បច្ចយំ ធម្មំ បដិច្ច ននហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. ននហេតុំ នអប្បច្ចយំ ធម្មំ បដិច្ច នហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. ននហេតុំ នអប្បច្ចយំ ធម្មំ បដិច្ច នហេតុ នអប្បច្ចយោ ច ននហេតុ នអប្បច្ចយោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នអប្បច្ចយញ្ច ននហេតុំ នអប្បច្ចយញ្ច ធម្មំ បដិច្ច នហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. នហេតុំ នអប្បច្ចយញ្ច ននហេតុំ នអប្បច្ចយញ្ច ធម្មំ បដិច្ច ននហេតុ នអប្បច្ចយោ ធម្មោ ឧប្បជ្ជតិ ហេតុបច្ចយា. នហេតុំ នអប្បច្ចយញ្ច ននហេតុំ នអប្បច្ចយញ្ច ធម្មំ បដិច្ច នហេតុ នអប្បច្ចយោ ច ននហេតុ នអប្បច្ចយោ ច ធម្មា ឧប្បជ្ជន្តិ ហេតុបច្ចយា. (៣).

ហេតុយា នវ.

នហេតុំ នអសង្ខតំ ធម្មំ បដិច្ច….

នហេតុំ នសនិទស្សនំ ធម្មំ បដិច្ច….

នហេតុំ នសប្បដិឃំ ធម្មំ បដិច្ច….

នហេតុំ នអប្បដិឃំ ធម្មំ បដិច្ច….

នហេតុំ នរូបិំ ធម្មំ បដិច្ច….

នហេតុំ នអរូបិំ ធម្មំ បដិច្ច….

នហេតុំ នលោកិយំ ធម្មំ បដិច្ច…បេ… នហេតុំ នលោកុត្តរំ ធម្មំ បដិច្ច….

នហេតុំ នកេនចិ វិញ្ញេយ្យំ ធម្មំ បដិច្ច…បេ… នហេតុំ ននកេនចិ វិញ្ញេយ្យំ ធម្មំ បដិច្ច….