១០០-២២. សរណទុក-សនិទស្សនត្តិកំ

៨៩. នសរណំ នសនិទស្សនសប្បដិឃំ ធម្មំ បដិច្ច នសរណោ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (១)

នអរណំ នសនិទស្សនសប្បដិឃំ ធម្មំ បដិច្ច នអរណោ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអរណំ នសនិទស្សនសប្បដិឃំ ធម្មំ បដិច្ច នសរណោ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអរណំ នសនិទស្សនសប្បដិឃំ ធម្មំ បដិច្ច នសរណោ នសនិទស្សនសប្បដិឃោ ច នអរណោ នសនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

នសរណំ នសនិទស្សនសប្បដិឃញ្ច នអរណំ នសនិទស្សនសប្បដិឃញ្ច ធម្មំ បដិច្ច នសរណោ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច.

៩០. នសរណំ នសនិទស្សនសប្បដិឃំ ធម្មំ បដិច្ច នសរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (១)

នអរណំ នអនិទស្សនសប្បដិឃំ ធម្មំ បដិច្ច នអរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអរណំ នអនិទស្សនសប្បដិឃំ ធម្មំ បដិច្ច នសរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នអរណំ នអនិទស្សនសប្បដិឃំ ធម្មំ បដិច្ច នសរណោ នអនិទស្សនសប្បដិឃោ ច នអរណោ នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

នសរណំ នអនិទស្សនសប្បដិឃញ្ច នអរណំ នអនិទស្សនសប្បដិឃញ្ច ធម្មំ បដិច្ច នសរណោ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា បញ្ច, អារម្មណេ ទ្វេ…បេ… អវិគតេ បញ្ច.

(សហជាតវារេបិ…បេ… បញ្ហាវារេបិ សព្ពត្ថ វិត្ថារេតព្ពំ.)

៩១. នសរណំ នអនិទស្សនអប្បដិឃំ ធម្មំ បដិច្ច នសរណោ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា ឯកំ. (សព្ពត្ថ វិត្ថារោ.)

ធម្មបច្ចនីយេ ទុកតិកបដ្ឋានំ និដ្ឋិតំ.