ធម្មបច្ចនីយេ ទុកតិកបដ្ឋានំ

១-១. ហេតុទុក-កុសលត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. នហេតុំ នកុសលំ ធម្មំ បដិច្ច នហេតុ នកុសលោ ធម្មោ ឧប្បជ្ជតិ ហេតុបច្ចយា – នហេតុំ អកុសលំ អព្យាកតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ. នហេតុំ នកុសលំ ធម្មំ បដិច្ច ននហេតុំ នកុសលោ ធម្មោ ឧប្បជ្ជតិ ហេតុបច្ចយា – នហេតូ អកុសលេ អព្យាកតេ ខន្ធេ បដិច្ច ហេតូ. នហេតុំ នកុសលំ ធម្មំ បដិច្ច នហេតុ នកុសលោ ច ននហេតុ នកុសលោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នកុសលំ ធម្មំ បដិច្ច ននហេតុ នកុសលោ ធម្មោ ឧប្បជ្ជតិ ហេតុបច្ចយា. ននហេតុំ នកុសលំ ធម្មំ បដិច្ច នហេតុ នកុសលោ ធម្មោ ឧប្បជ្ជតិ ហេតុបច្ចយា. ននហេតុំ នកុសលំ ធម្មំ បដិច្ច នហេតុ នកុសលោ ច ននហេតុ នកុសលោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នកុសលញ្ច ននហេតុំ នកុសលញ្ច ធម្មំ បដិច្ច នហេតុ នកុសលោ ធម្មោ ឧប្បជ្ជតិ ហេតុបច្ចយា. នហេតុំ នកុសលញ្ច ននហេតុំ នកុសលញ្ច ធម្មំ បដិច្ច ននហេតុ នកុសលោ ធម្មោ ឧប្បជ្ជតិ ហេតុបច្ចយា. នហេតុំ នកុសលញ្ច ននហេតុំ នកុសលញ្ច ធម្មំ បដិច្ច នហេតុ នកុសលោ ច ននហេតុ នកុសលោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

២. ហេតុយា នវ…បេ… អវិគតេ នវ.

នហេតុយា ទ្វេ.

(សហជាតវារេបិ…បេ… សម្បយុត្តវារេបិ សព្ពត្ថ វិត្ថារោ.)

ហេតុ-អារម្មណបច្ចយា

៣. ននហេតុ នកុសលោ ធម្មោ ននហេតុស្ស នកុសលស្ស ធម្មស្ស ហេតុបច្ចយេន បច្ចយោ. ននហេតុ នកុសលោ ធម្មោ នហេតុស្ស នកុសលស្ស ធម្មស្ស ហេតុបច្ចយេន បច្ចយោ. ននហេតុ នកុសលោ ធម្មោ នហេតុស្ស នកុសលស្ស ច ននហេតុស្ស នកុសលស្ស ច ធម្មស្ស ហេតុបច្ចយេន បច្ចយោ. (៣)

នហេតុ នកុសលោ ធម្មោ នហេតុស្ស នកុសលស្ស ធម្មស្ស អារម្មណបច្ចយេន បច្ចយោ. (សំខិត្តំ.)

៤. ហេតុយា តីណិ, អារម្មណេ នវ…បេ… អវិគតេ នវ. (បញ្ហាវារំ ឯវំ វិត្ថារេតព្ពំ).

៥. នហេតុំ នអកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា – នហេតុំ កុសលំ អព្យាកតំ ឯកំ ខន្ធំ បដិច្ច តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ…បេ… នហេតុំ នអកុសលំ ធម្មំ បដិច្ច ននហេតុ នអកុសលោ ធម្មោ ឧប្បជ្ជតិ ហេតុបច្ចយា – នហេតូ កុសលេ អព្យាកតេ ខន្ធេ បដិច្ច ហេតូ. នហេតុំ នអកុសលំ ធម្មំ បដិច្ច នហេតុ នអកុសលោ ច ននហេតុ នអកុសលោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នអកុសលំ ធម្មំ បដិច្ច ននហេតុ នអកុសលោ ធម្មោ ឧប្បជ្ជតិ ហេតុបច្ចយា. ននហេតុំ នអកុសលំ ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា. ននហេតុំ នអកុសលំ ធម្មំ បដិច្ច នហេតុ នអកុសលោ ច ននហេតុ នអកុសលោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នអកុសលញ្ច ននហេតុំ នអកុសលញ្ច ធម្មំ បដិច្ច នហេតុ នអកុសលោ ធម្មោ ឧប្បជ្ជតិ ហេតុបច្ចយា. នហេតុំ នអកុសលញ្ច ននហេតុំ នអកុសលញ្ច ធម្មំ បដិច្ច ននហេតុ នអកុសលោ ធម្មោ ឧប្បជ្ជតិ ហេតុបច្ចយា. នហេតុំ នអកុសលញ្ច ននហេតុំ នអកុសលញ្ច ធម្មំ បដិច្ច នហេតុ នអកុសលោ ច ននហេតុ នអកុសលោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ).

ហេតុយា នវ…បេ… អវិគតេ នវ. (សព្ពត្ថ នវ.)

៦. នហេតុំ នអព្យាកតំ ធម្មំ បដិច្ច នហេតុ នអព្យាកតោ ធម្មោ ឧប្បជ្ជតិ ហេតុបច្ចយា – កុសលាកុសលំ នហេតុំ ឯកំ ខន្ធំ បដិច្ច តយោ ខន្ធា, តយោ ខន្ធេ បដិច្ច ឯកោ ខន្ធោ. នហេតុំ នអព្យាកតំ ធម្មំ បដិច្ច ននហេតុ នអព្យាកតោ ធម្មោ ឧប្បជ្ជតិ ហេតុបច្ចយា. នហេតុំ នអព្យាកតំ ធម្មំ បដិច្ច នហេតុ នអព្យាកតោ ច ននហេតុ នអព្យាកតោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នអព្យាកតំ ធម្មំ បដិច្ច ននហេតុ នអព្យាកតោ ធម្មោ ឧប្បជ្ជតិ ហេតុបច្ចយា… តីណិ.

នហេតុំ នអព្យាកតញ្ច ននហេតុំ នអព្យាកតញ្ច ធម្មំ បដិច្ច នហេតុ នអព្យាកតោ ធម្មោ ឧប្បជ្ជតិ ហេតុបច្ចយា. នហេតុំ នអព្យាកតញ្ច ននហេតុំ នអព្យាកតញ្ច ធម្មំ បដិច្ច ននហេតុ នអព្យាកតោ ធម្មោ ឧប្បជ្ជតិ ហេតុបច្ចយា. នហេតុំ នអព្យាកតញ្ច ននហេតុំ នអព្យាកតញ្ច ធម្មំ បដិច្ច នហេតុ នអព្យាកតោ ច ននហេតុ នអព្យាកតោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ…បេ… អវិគតេ នវ. (សព្ពត្ថ នវ.)

១-២ ហេតុទុក-វេទនាត្តិកំ

៧. នហេតុំ នសុខាយ វេទនាយ សម្បយុត្តំ ធម្មំ បដិច្ច នហេតុ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. នហេតុំ នសុខាយ វេទនាយ សម្បយុត្តំ ធម្មំ បដិច្ច ននហេតុ នសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ. (សព្ពត្ថ នវ.)

៨. នហេតុំ នទុក្ខាយ វេទនាយ សម្បយុត្តំ ធម្មំ បដិច្ច នហេតុ នទុក្ខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ. (សព្ពត្ថ នវ.)

៩. នហេតុំ នអទុក្ខមសុខាយ វេទនាយ សម្បយុត្តំ ធម្មំ បដិច្ច នហេតុ នអទុក្ខមសុខាយ វេទនាយ សម្បយុត្តោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ. (សព្ពត្ថ នវ.)

១-៣-៩. ហេតុទុក-វិបាកាទិត្តិកានិ

១០. នហេតុំ នវិបាកំ ធម្មំ បដិច្ច…បេ….

នហេតុំ នវិបាកធម្មធម្មំ បដិច្ច…បេ….

នហេតុំ ននេវវិបាកនវិបាកធម្មធម្មំ បដិច្ច…បេ….

១១. នហេតុំ នឧបាទិន្នុបាទានិយំ ធម្មំ បដិច្ច…បេ….

នហេតុំ នអនុបាទិន្នុបាទានិយំ ធម្មំ បដិច្ច…បេ….

នហេតុំ នអនុបាទិន្នអនុបាទានិយំ ធម្មំ បដិច្ច…បេ….

១២. នហេតុំ នសំកិលិដ្ឋសំកិលេសិកំ ធម្មំ បដិច្ច…បេ….

នហេតុំ នអសំកិលិដ្ឋសំកិលេសិកំ ធម្មំ បដិច្ច…បេ….

នហេតុំ នអសំកិលិដ្ឋអសំកិលេសិកំ ធម្មំ បដិច្ច…បេ….

១៣. នហេតុំ នសវិតក្កសវិចារំ ធម្មំ បដិច្ច…បេ….

នហេតុំ នអវិតក្កវិចារមត្តំ ធម្មំ បដិច្ច…បេ….

នហេតុំ នអវិតក្កអវិចារំ ធម្មំ បដិច្ច…បេ….

១៤. នហេតុំ នបីតិសហគតំ ធម្មំ បដិច្ច…បេ….

នហេតុំ នសុខសហគតំ ធម្មំ បដិច្ច…បេ….

នហេតុំ នឧបេក្ខាសហគតំ ធម្មំ បដិច្ច…បេ….

១៥. នហេតុំ នទស្សនេន បហាតព្ពំ ធម្មំ បដិច្ច…បេ….

នហេតុំ នភាវនាយ បហាតព្ពំ ធម្មំ បដិច្ច…បេ….

នហេតុំ ននេវទស្សនេន នភាវនាយ បហាតព្ពំ ធម្មំ បដិច្ច…បេ….

១៦. នហេតុំ នទស្សនេន បហាតព្ពហេតុកំ ធម្មំ បដិច្ច…បេ….

នហេតុំ នភាវនាយ បហាតព្ពហេតុកំ ធម្មំ បដិច្ច…បេ….

នហេតុំ ននេវទស្សនេន នភាវនាយ បហាតព្ពហេតុកំ ធម្មំ បដិច្ច…បេ….

១-១០-២១. ហេតុទុក-អាចយគាមាទិត្តិកានិ

១៧. នហេតុំ នអាចយគាមិំ ធម្មំ បដិច្ច…បេ….

នហេតុំ នអបចយគាមិំ ធម្មំ បដិច្ច…បេ….

នហេតុំ ននេវអាចយគាមិំ នាបចយគាមិំ ធម្មំ បដិច្ច…បេ….

១៨. នហេតុំ នសេក្ខំ ធម្មំ បដិច្ច…បេ….

នហេតុំ នអសេក្ខំ ធម្មំ បដិច្ច…បេ….

នហេតុំ ននេវសេក្ខនាសេក្ខំ ធម្មំ បដិច្ច…បេ….

១៩. នហេតុំ នបរិត្តំ ធម្មំ បដិច្ច…បេ….

នហេតុំ នមហគ្គតំ ធម្មំ បដិច្ច…បេ….

នហេតុំ នអប្បមាណំ ធម្មំ បដិច្ច…បេ….

២០. នហេតុំ នបរិត្តារម្មណំ ធម្មំ បដិច្ច…បេ….

នហេតុំ នមហគ្គតារម្មណំ ធម្មំ បដិច្ច…បេ….

នហេតុំ នអប្បមាណារម្មណំ ធម្មំ បដិច្ច…បេ….

២១. នហេតុំ នហីនំ ធម្មំ បដិច្ច…បេ….

នហេតុំ នមជ្ឈិមំ ធម្មំ បដិច្ច …បេ….

នហេតុំ នបណីតំ ធម្មំ បដិច្ច…បេ….

២២. នហេតុំ នមិច្ឆត្តនិយតំ ធម្មំ បដិច្ច…បេ….

នហេតុំ នសម្មត្តនិយតំ ធម្មំ បដិច្ច…បេ….

នហេតុំ នអនិយតំ ធម្មំ បដិច្ច…បេ….

២៣. នហេតុំ នមគ្គារម្មណំ ធម្មំ បដិច្ច…បេ….

នហេតុំ នមគ្គហេតុកំ ធម្មំ បដិច្ច…បេ….

នហេតុំ នមគ្គាធិបតិំ ធម្មំ បដិច្ច…បេ….

២៤. នហេតុំ នអនុប្បន្នំ ធម្មំ បដិច្ច…បេ….

នហេតុំ នឧប្បាទិំ ធម្មំ បដិច្ច…បេ….

២៥. នហេតុំ នអតីតំ ធម្មំ បដិច្ច…បេ….

នហេតុំ នអនាគតំ ធម្មំ បដិច្ច…បេ….

២៦. នហេតុំ នអតីតារម្មណំ ធម្មំ បដិច្ច…បេ….

នហេតុំ នអនាគតារម្មណំ ធម្មំ បដិច្ច…បេ….

នហេតុំ នបច្ចុប្បន្នារម្មណំ ធម្មំ បដិច្ច…បេ….

២៧. នហេតុំ នអជ្ឈត្តំ ធម្មំ បដិច្ច…បេ….

នហេតុំ នពហិទ្ធា ធម្មំ បដិច្ច…បេ….

២៨. នហេតុំ នអជ្ឈត្តារម្មណំ ធម្មំ បដិច្ច…បេ….

នហេតុំ នពហិទ្ធារម្មណំ ធម្មំ បដិច្ច…បេ….

១-២២. ហេតុទុក-សនិទស្សនត្តិកំ

១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៩. នហេតុំ នសនិទស្សនសប្បដិឃំ ធម្មំ បដិច្ច នហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នសនិទស្សនសប្បដិឃំ ធម្មំ បដិច្ច ននហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នសនិទស្សនសប្បដិឃំ ធម្មំ បដិច្ច នហេតុ នសនិទស្សនសប្បដិឃោ ច ននហេតុ នសនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នសនិទស្សនសប្បដិឃំ ធម្មំ បដិច្ច ននហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ននហេតុំ នសនិទស្សនសប្បដិឃំ ធម្មំ បដិច្ច នហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ននហេតុំ នសនិទស្សនសប្បដិឃំ ធម្មំ បដិច្ច នហេតុ នសនិទស្សនសប្បដិឃោ ច ននហេតុ នសនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នសនិទស្សនសប្បដិឃញ្ច ននហេតុំ នសនិទស្សនសប្បដិឃញ្ច ធម្មំ បដិច្ច នហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នសនិទស្សនសប្បដិឃញ្ច ននហេតុំ នសនិទស្សនសប្បដិឃញ្ច ធម្មំ បដិច្ច ននហេតុ នសនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នសនិទស្សនសប្បដិឃញ្ច ននហេតុំ នសនិទស្សនសប្បដិឃញ្ច ធម្មំ បដិច្ច នហេតុ នសនិទស្សនសប្បដិឃោ ច ននហេតុ នសនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ…បេ… អវិគតេ នវ. (សព្ពត្ថ នវ.)

៣០. នហេតុំ នអនិទស្សនសប្បដិឃំ ធម្មំ បដិច្ច នហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នអនិទស្សនសប្បដិឃំ ធម្មំ បដិច្ច ននហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នអនិទស្សនសប្បដិឃំ ធម្មំ បដិច្ច នហេតុ នអនិទស្សនសប្បដិឃោ ច ននហេតុ នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

ននហេតុំ នអនិទស្សនសប្បដិឃំ ធម្មំ បដិច្ច ននហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ននហេតុំ នអនិទស្សនសប្បដិឃំ ធម្មំ បដិច្ច នហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ននហេតុំ នអនិទស្សនសប្បដិឃំ ធម្មំ បដិច្ច នហេតុ នអនិទស្សនសប្បដិឃោ ច ននហេតុ នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣)

នហេតុំ នអនិទស្សនសប្បដិឃញ្ច ននហេតុំ នអនិទស្សនសប្បដិឃញ្ច ធម្មំ បដិច្ច នហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នអនិទស្សនសប្បដិឃញ្ច ននហេតុំ នអនិទស្សនសប្បដិឃញ្ច ធម្មំ បដិច្ច ននហេតុ នអនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. នហេតុំ នអនិទស្សនសប្បដិឃញ្ច ននហេតុំ នអនិទស្សនសប្បដិឃញ្ច ធម្មំ បដិច្ច នហេតុ នអនិទស្សនសប្បដិឃោ ច ននហេតុ នអនិទស្សនសប្បដិឃោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ…បេ… អវិគតេ នវ. (សហជាតវារេបិ…បេ… សម្បយុត្តវារេបិ សព្ពត្ថ វិត្ថារោ.)

ហេតុ-អារម្មណបច្ចយា

៣១. ននហេតុ នអនិទស្សនសប្បដិឃោ ធម្មោ ននហេតុស្ស នអនិទស្សនសប្បដិឃស្ស ធម្មស្ស ហេតុបច្ចយេន បច្ចយោ. ននហេតុ នអនិទស្សនសប្បដិឃោ ធម្មោ នហេតុស្ស នអនិទស្សនសប្បដិឃស្ស ធម្មស្ស ហេតុបច្ចយេន បច្ចយោ. ននហេតុ នអនិទស្សនសប្បដិឃោ ធម្មោ នហេតុស្ស នអនិទស្សនសប្បដិឃស្ស ច ននហេតុស្ស នអនិទស្សនសប្បដិឃស្ស ច ធម្មស្ស ហេតុបច្ចយេន បច្ចយោ. (៣)

នហេតុ នអនិទស្សនសប្បដិឃោ ធម្មោ នហេតុស្ស នអនិទស្សនសប្បដិឃស្ស ធម្មស្ស អារម្មណបច្ចយេន បច្ចយោ. (សំខិត្តំ.)

ហេតុយា តីណិ, អារម្មណេ នវ…បេ… ឧបនិស្សយេ នវ, បុរេជាតេ បច្ឆាជាតេ តីណិ, អាសេវនេ នវ, កម្មេ តីណិ, វិបាកេ នវ, អាហារេ តីណិ, ឥន្ទ្រិយេ នវ, ឈានេ តីណិ, មគ្គេ សម្បយុត្តេ នវ, វិប្បយុត្តេ បញ្ច…បេ… អវិគតេ នវ. (បញ្ហាវារំ ឯវំ វិត្ថារេតព្ពំ.)

៣២. នហេតុំ នអនិទស្សនអប្បដិឃំ ធម្មំ បដិច្ច នហេតុ នអនិទស្សនអប្បដិឃោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា ឯកំ. (សព្ពត្ថ វិត្ថារោ.)

២-៣-១. សហេតុកទុកាទិ-កុសលត្តិកំ

៣៣. នសហេតុកំ នកុសលំ ធម្មំ បដិច្ច នសហេតុកោ នកុសលោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឧទ្ធច្ចសហគតំ មោហំ បដិច្ច ចិត្តសមុដ្ឋានំ រូបំ, ឯកំ មហាភូតំ បដិច្ច តយោ មហាភូតា…បេ… ទ្វេ មហាភូតេ…បេ… នសហេតុកំ នកុសលំ ធម្មំ បដិច្ច នអហេតុកោ នកុសលោ ធម្មោ ឧប្បជ្ជតិ ហេតុបច្ចយា – វិចិកិច្ឆាសហគតំ ឧទ្ធច្ចសហគតំ មោហំ បដិច្ច សម្បយុត្តកា ខន្ធា; បដិសន្ធិក្ខណេ វត្ថុំ បដិច្ច សហេតុកា ខន្ធា. នសហេតុកំ នកុសលំ ធម្មំ បដិច្ច នសហេតុកោ នកុសលោ ច នអហេតុកោ នកុសលោ ច ធម្មា ឧប្បជ្ជន្តិ ហេតុបច្ចយា. (៣)

នអហេតុកំ នកុសលំ ធម្មំ បដិច្ច នអហេតុកោ នកុសលោ ធម្មោ ឧប្បជ្ជតិ ហេតុបច្ចយា… តីណិ.

នសហេតុកំ នកុសលញ្ច នអហេតុកំ នកុសលញ្ច ធម្មំ បដិច្ច នសហេតុកោ នកុសលោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ.

៣៤. នសហេតុកំ នអកុសលំ ធម្មំ បដិច្ច នសហេតុកោ នអកុសលោ ធម្មោ ឧប្បជ្ជតិ ហេតុបច្ចយា… តីណិ.

នអហេតុកំ នអកុសលំ ធម្មំ បដិច្ច នអហេតុកោ នអកុសលោ ធម្មោ ឧប្បជ្ជតិ ហេតុបច្ចយា… តីណិ.

នសហេតុកំ នអកុសលញ្ច នអហេតុកំ នអកុសលញ្ច ធម្មំ បដិច្ច នសហេតុកោ នអកុសលោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ.

៣៥. នសហេតុកំ នអព្យាកតំ ធម្មំ បដិច្ច នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា. (១)

នអហេតុកំ នអព្យាកតំ ធម្មំ បដិច្ច នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា. (១)

នសហេតុកំ នអព្យាកតញ្ច នអហេតុកំ នអព្យាកតញ្ច ធម្មំ បដិច្ច នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ.

(ហេតុសម្បយុត្តទុកំ សហេតុកទុកសទិសំ.)

៤-៥-១. ហេតុសហេតុកទុកាទិ-កុសលត្តិកំ

៣៦. នហេតុញ្ចេវ នអហេតុកញ្ច នកុសលំ ធម្មំ បដិច្ច នហេតុ ចេវ នអហេតុកោ ច នកុសលោ ធម្មោ ឧប្បជ្ជតិ ហេតុបច្ចយា. នហេតុញ្ចេវ នអហេតុកញ្ច នកុសលំ ធម្មំ បដិច្ច នអហេតុកោ ចេវ នន ច ហេតុ នកុសលោ ធម្មោ ឧប្បជ្ជតិ ហេតុបច្ចយា. នហេតុញ្ចេវ នអហេតុកញ្ច នកុសលំ ធម្មំ បដិច្ច នហេតុ ចេវ នអហេតុកោ ច នកុសលោ ច នអហេតុកោ ចេវ នន ច ហេតុ នកុសលោ ច ធម្មា ឧប្បជ្ជន្តិ ហេតុបច្ចយា. (៣)

នអហេតុកញ្ចេវ នន ច ហេតុំ នកុសលំ ធម្មំ បដិច្ច នអហេតុកោ ចេវ នន ច ហេតុ នកុសលោ ធម្មោ ឧប្បជ្ជតិ ហេតុបច្ចយា… តីណិ.

នហេតុញ្ចេវ នអហេតុកញ្ច នកុសលញ្ច នអហេតុកញ្ចេវ នន ច ហេតុំ នកុសលញ្ច ធម្មំ បដិច្ច នហេតុ ចេវ នអហេតុកោ ច នកុសលោ ធម្មោ ឧប្បជ្ជតិ ហេតុបច្ចយា… តីណិ. (សំខិត្តំ.)

ហេតុយា នវ.

៣៧. នហេតុញ្ចេវ នអហេតុកញ្ច នអកុសលំ ធម្មំ បដិច្ច នហេតុ ចេវ នអហេតុកោ ច នអកុសលោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ.

៣៨. នហេតុញ្ចេវ នអហេតុកញ្ច នអព្យាកតំ ធម្មំ បដិច្ច នហេតុ ចេវ នអហេតុកោ ច នអព្យាកតោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ.

(ហេតុហេតុសម្បយុត្តទុកំ ហេតុសហេតុកទុកសទិសំ.)

៦-១. នហេតុសហេតុកទុក-កុសលត្តិកំ

៣៩. នហេតុំ នសហេតុកំ នកុសលំ ធម្មំ បដិច្ច នហេតុ នសហេតុកោ នកុសលោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ.

៤០. នហេតុំ នសហេតុកំ នអកុសលំ ធម្មំ បដិច្ច នហេតុ នសហេតុកោ នអកុសលោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា នវ.

៤១. នហេតុំ នអហេតុកំ នអព្យាកតំ ធម្មំ បដិច្ច នហេតុ នអហេតុកោ នអព្យាកតោ ធម្មោ ឧប្បជ្ជតិ ហេតុបច្ចយា. (ឯកបញ្ហមេវ. ឯតេន ឧបាយេន កុសលាកុសលទុកំ កុសលត្តិកមេវ ឯត្ថ វដ្ដតិ.)

៧-១៣-១. ចូឡន្តរទុកានិ-កុសលត្តិកំ

៤២. នអបច្ចយំ នកុសលំ ធម្មំ បដិច្ច…បេ…. (សព្ពត្ថ ឯកំ.) នអសង្ខតំ នកុសលំ ធម្មំ បដិច្ច…បេ….

៤៣. នសនិទស្សនំ នកុសលំ ធម្មំ បដិច្ច….

៤៤. នសប្បដិឃំ នកុសលំ ធម្មំ បដិច្ច…បេ… នអប្បដិឃំ នកុសលំ ធម្មំ បដិច្ច….

៤៥. នរូបិំ នកុសលំ ធម្មំ បដិច្ច…បេ… នអរូបិំ នកុសលំ ធម្មំ បដិច្ច ….

៤៦. នលោកិយំ នកុសលំ ធម្មំ បដិច្ច…បេ… នលោកុត្តរំ នកុសលំ ធម្មំ បដិច្ច….

៤៧. នកេនចិ វិញ្ញេយ្យំ នកុសលំ ធម្មំ បដិច្ច…បេ… ននកេនចិ វិញ្ញេយ្យំ នកុសលំ ធម្មំ បដិច្ច….

១៤-១៩-១. អាសវគោច្ឆក-កុសលត្តិកំ

៤៨. នអាសវំ នកុសលំ ធម្មំ បដិច្ច…បេ… ននោអាសវំ នកុសលំ ធម្មំ បដិច្ច….

៤៩. នសាសវំ នកុសលំ ធម្មំ បដិច្ច…បេ… នអនាសវំ កុសលំ ធម្មំ បដិច្ច….

៥០. នអាសវសម្បយុត្តំ នកុសលំ ធម្មំ បដិច្ច…បេ… នអាសវវិប្បយុត្តំ នកុសលំ ធម្មំ បដិច្ច….

៥១. នអាសវញ្ចេវ នអនាសវញ្ច នកុសលំ ធម្មំ បដិច្ច…បេ… នអនាសវញ្ចេវ ននោ ច អាសវំ នកុសលំ ធម្មំ បដិច្ច….

៥២. នអាសវញ្ចេវ នអាសវវិប្បយុត្តញ្ច នកុសលំ ធម្មំ បដិច្ច…បេ… នអាសវវិប្បយុត្តញ្ចេវ ននោ ច អាសវំ នកុសលំ ធម្មំ បដិច្ច….

៥៣. អាសវវិប្បយុត្តំ នសាសវំ នកុសលំ ធម្មំ បដិច្ច…បេ… អាសវវិប្បយុត្តំ នអនាសវំ នកុសលំ ធម្មំ បដិច្ច….

២០-៥៤-១. ឆគោច្ឆកានិ-កុសលត្តិកំ

៥៤. នោសញ្ញោជនំ នកុសលំ ធម្មំ បដិច្ច…បេ… ននោសញ្ញោជនំ នកុសលំ ធម្មំ បដិច្ច….

៥៥. នោគន្ថំ នកុសលំ ធម្មំ បដិច្ច…បេ… នោឱឃំ…បេ… នោយោគំ…បេ… នោនីវរណំ.