១-៧. បដិច្ចវារាទិ

៣៣. អាសវវិប្បយុត្តំ នសាសវំ ធម្មំ បដិច្ច អាសវវិប្បយុត្តោ នសាសវោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ នសាសវំ ធម្មំ បដិច្ច អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. អាសវវិប្បយុត្តំ នសាសវំ ធម្មំ បដិច្ច អាសវវិប្បយុត្តោ នសាសវោ ច អាសវវិប្បយុត្តោ នអនាសវោ ច ធម្មា ឧប្បជ្ជន្តិ ហេតុបច្ចយា. (៣)

អាសវវិប្បយុត្តំ នអនាសវំ ធម្មំ បដិច្ច អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. (១)

អាសវវិប្បយុត្តំ នសាសវញ្ច អាសវវិប្បយុត្តំ នអនាសវញ្ច ធម្មំ បដិច្ច អាសវវិប្បយុត្តោ នអនាសវោ ធម្មោ ឧប្បជ្ជតិ ហេតុបច្ចយា. (សំខិត្តំ.)

ហេតុយា បញ្ច, អារម្មណេ ទ្វេ…បេ… អវិគតេ បញ្ច. (សព្ពត្ថ វិត្ថារោ.)

អាសវគោច្ឆកំ និដ្ឋិតំ.