២០. សញ្ញោជនទុកំ

៣៤. នោសញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា. នោសញ្ញោជនំ ធម្មំ បដិច្ច ននោសញ្ញោជនោ ធម្មោ ឧប្បជ្ជតិ ហេតុបច្ចយា. នោសញ្ញោជនំ ធម្មំ បដិច្ច នោសញ្ញោជនោ ច ននោសញ្ញោជនោ ច ធម្មា ឧប្បជ្ជន្តិ ហេតុបច្ចយា. (៣)

ននោសញ្ញោជនំ ធម្មំ បដិច្ច ននោសញ្ញោជនោ ធម្មោ ឧប្បជ្ជតិ ហេតុបច្ចយា. ននោសញ្ញោជនំ ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា. ននោសញ្ញោជនំ ធម្មំ បដិច្ច នោសញ្ញោជនោ ច ននោសញ្ញោជនោ ច ធម្មា ឧប្បជ្ជន្តិ ហេតុបច្ចយា. (៣)

នោសញ្ញោជនញ្ច ននោសញ្ញោជនញ្ច ធម្មំ បដិច្ច នោសញ្ញោជនោ ធម្មោ ឧប្បជ្ជតិ ហេតុបច្ចយា. នោសញ្ញោជនញ្ច ននោសញ្ញោជនញ្ច ធម្មំ បដិច្ច ននោសញ្ញោជនោ ធម្មោ ឧប្បជ្ជតិ ហេតុបច្ចយា. នោសញ្ញោជនញ្ច ននោសញ្ញោជនញ្ច ធម្មំ បដិច្ច នោសញ្ញោជនោ ច ននោសញ្ញោជនោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

ហេតុយា នវ, អារម្មណេ នវ…បេ… អវិគតេ នវ. (សព្ពត្ថ វិត្ថារោ.)