១-២-៥. ហេតុទុក-ហេតុសម្បយុត្តាទិទុកានិ

៤. នហេតុំ នហេតុសម្បយុត្តំ ធម្មំ បដិច្ច ហេតុ ហេតុសម្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា ចត្តារិ.

នហេតុំ នហេតុវិប្បយុត្តំ ធម្មំ បដិច្ច នហេតុ ហេតុវិប្បយុត្តោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥. នហេតុំ នហេតុញ្ចេវ នអហេតុកញ្ច ធម្មំ បដិច្ច ហេតុ ហេតុ ចេវ សហេតុកោ ច ធម្មោ ឧប្បជ្ជតិ ហេតុបច្ចយា. ហេតុយា ឯកំ.

ននហេតុំ នអហេតុកញ្ចេវ ននហេតុញ្ច ធម្មំ បដិច្ច នហេតុ សហេតុកោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៦. នហេតុំ នហេតុញ្ចេវ នហេតុវិប្បយុត្តញ្ច ធម្មំ បដិច្ច ហេតុ ហេតុ ចេវ ហេតុសម្បយុត្តោ ច ធម្មោ ឧប្បជ្ជតិ ហេតុបច្ចយា. ហេតុយា ឯកំ.

ននហេតុំ នហេតុវិប្បយុត្តញ្ចេវ ននហេតុញ្ច ធម្មំ បដិច្ច នហេតុ ហេតុសម្បយុត្តោ ចេវ ន ច ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៧. នហេតុំ នហេតុំ នសហេតុកំ ធម្មំ បដិច្ច នហេតុ នហេតុ សហេតុកោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នហេតុំ នហេតុំ នអហេតុកំ ធម្មំ បដិច្ច នហេតុ នហេតុ អហេតុកោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.