១-៦-១២. ហេតុទុក-ចូឡន្តរទុកានិ

៨. នហេតុ នសប្បច្ចយោ ធម្មោ ហេតុស្ស សប្បច្ចយស្ស ធម្មស្ស អារម្មណបច្ចយេន បច្ចយោ… អារម្មណេ តីណិ. (សង្ខតំ សប្បច្ចយសទិសំ.)

៩. នហេតុំ នសនិទស្សនំ ធម្មំ បដិច្ច នហេតុ សនិទស្សនោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុ នអនិទស្សនោ ធម្មោ ហេតុស្ស អនិទស្សនស្ស ធម្មស្ស អារម្មណបច្ចយេន បច្ចយោ… អារម្មណេ តីណិ.

១០. នហេតុំ នសប្បដិឃំ ធម្មំ បដិច្ច នហេតុ សប្បដិឃោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអប្បដិឃំ ធម្មំ បដិច្ច នហេតុ អប្បដិឃោ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

១១. នហេតុំ នរូបិំ ធម្មំ បដិច្ច ហេតុ រូបី ធម្មោ ឧប្បជ្ជតិ ហេតុបច្ចយា… ហេតុយា តីណិ.

នហេតុំ នអរូបិំ ធម្មំ បដិច្ច ហេតុ អរូបី ធម្មោ ឧប្បជ្ជតិ ហេតុបច្ចយា… ហេតុយា តីណិ.

១២. នហេតុំ នលោកិយំ ធម្មំ បដិច្ច នហេតុ លោកិយោ ធម្មោ ឧប្បជ្ជតិ ហេតុបច្ចយា. ននហេតុំ នលោកិយំ ធម្មំ បដិច្ច នហេតុ លោកិយោ ធម្មោ ឧប្បជ្ជតិ ហេតុបច្ចយា (គណិតកេន តីណិ.)

នហេតុំ នលោកុត្តរំ ធម្មំ បច្ចយា ហេតុ លោកុត្តរោ ធម្មោ ឧប្បជ្ជតិ ហេតុបច្ចយា… ហេតុយា តីណិ.

១៣. នហេតុំ នកេនចិ វិញ្ញេយ្យំ ធម្មំ បដិច្ច ហេតុ កេនចិ វិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា នវ.

នហេតុំ នកេនចិ នវិញ្ញេយ្យំ ធម្មំ បដិច្ច ហេតុ កេនចិ នវិញ្ញេយ្យោ ធម្មោ ឧប្បជ្ជតិ ហេតុបច្ចយា… ហេតុយា នវ.