២-១. សហេតុកាទិទុកានិ-ហេតុទុកំ

៤៨. នសហេតុកំ នហេតុំ ធម្មំ បដិច្ច សហេតុកោ ហេតុ ធម្មោ ឧប្បជ្ជតិ ហេតុបច្ចយា. នអហេតុកំ នហេតុំ ធម្មំ បដិច្ច សហេតុកោ ហេតុ ធម្មោ ឧប្បជ្ជតិ ហេតុបច្ចយា. នសហេតុកំ នហេតុញ្ច នអហេតុកំ នហេតុញ្ច ធម្មំ បដិច្ច សហេតុកោ ហេតុ ធម្មោ ឧប្បជ្ជតិ ហេតុបច្ចយា. ហេតុយា តីណិ.

នសហេតុកំ ននហេតុំ ធម្មំ បដិច្ច សហេតុកោ នហេតុ ធម្មោ ឧប្បជ្ជតិ ហេតុបច្ចយា… តីណិ.

នអហេតុកំ ននហេតុំ ធម្មំ បដិច្ច អហេតុកោ នហេតុ ធម្មោ ឧប្បជ្ជតិ ហេតុបច្ចយា… តីណិ. ហេតុយា ឆ.

៤៩. នហេតុសម្បយុត្តំ នហេតុំ ធម្មំ បដិច្ច ហេតុសម្បយុត្តោ ហេតុ ធម្មោ ឧប្បជ្ជតិ ហេតុបច្ចយា… តីណិ. (សហេតុកទុកសទិសំ.)

៥០. នហេតុញ្ចេវ នអហេតុកំ នហេតុំ ធម្មំ បដិច្ច ហេតុ ចេវ សហេតុកោ ច ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអហេតុកញ្ចេវ នន ច ហេតុំ ននហេតុំ ធម្មំ បដិច្ច សហេតុកោ ចេវ ន ច ហេតុ នហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

៥១. នហេតុញ្ចេវ នហេតុវិប្បយុត្តញ្ច នហេតុំ ធម្មំ បដិច្ច ហេតុ ចេវ ហេតុសម្បយុត្តោ ច ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នហេតុវិប្បយុត្តញ្ចេវ ននហេតុញ្ច ននហេតុំ ធម្មំ បដិច្ច ហេតុសម្បយុត្តោ ចេវ ន ច ហេតុ នហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ. (អន្តិមទុកំ ន លព្ភតិ.)