៧-១៣-១. ចូឡន្តរទុកានិ-ហេតុទុកំ

៥២. នអប្បច្ចយំ នហេតុំ ធម្មំ បដិច្ច សប្បច្ចយោ ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នអប្បច្ចយំ ននហេតុំ ធម្មំ បដិច្ច សប្បច្ចយោ នហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ. (សង្ខតំ សប្បច្ចយសទិសំ.)

៥៣. នសនិទស្សនំ នហេតុំ ធម្មំ បដិច្ច អនិទស្សនោ ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសនិទស្សនំ ននហេតុំ ធម្មំ បដិច្ច សនិទស្សនោ នហេតុ ធម្មោ ឧប្បជ្ជតិ ហេតុបច្ចយា. ហេតុយា តីណិ.

៥៤. នសប្បដិឃំ នហេតុំ ធម្មំ បដិច្ច អប្បដិឃោ ហេតុ ធម្មោ ឧប្បជ្ជតិ ហេតុបច្ចយា. ហេតុយា ឯកំ.

នសប្បដិឃំ ននហេតុំ ធម្មំ បដិច្ច សប្បដិឃោ នហេតុ ធម្មោ ឧប្បជ្ជតិ ហេតុបច្ចយា… ហេតុយា តីណិ.

៥៥. នរូបិំ នហេតុំ ធម្មំ បដិច្ច អរូបី ហេតុ ធម្មោ ឧប្បជ្ជតិ ហេតុបច្ចយា… ហេតុយា តីណិ.

នរូបិំ ននហេតុំ ធម្មំ បដិច្ច អរូបី នហេតុ ធម្មោ ឧប្បជ្ជតិ ហេតុបច្ចយា… គណិតកេន តីណិ.

៥៦. នលោកិយំ នហេតុំ ធម្មំ បដិច្ច លោកុត្តរោ ហេតុ ធម្មោ ឧប្បជ្ជតិ ហេតុបច្ចយា. ឯកំ.

នលោកុត្តរំ នហេតុំ ធម្មំ បដិច្ច លោកិយោ ហេតុ ធម្មោ ឧប្បជ្ជតិ ហេតុបច្ចយា. ឯកំ. ហេតុយា ទ្វេ.

នលោកិយំ ននហេតុំ ធម្មំ បដិច្ច លោកិយោ នហេតុ ធម្មោ ឧប្បជ្ជតិ ហេតុបច្ចយា… តីណិ.

នលោកុត្តរំ ននហេតុំ ធម្មំ បដិច្ច លោកិយោ នហេតុ ធម្មោ ឧប្បជ្ជតិ ហេតុបច្ចយា. ឯកំ. ហេតុយា ចត្តារិ.

៥៧. នកេនចិ វិញ្ញេយ្យំ នហេតុំ ធម្មំ បដិច្ច កេនចិ វិញ្ញេយ្យោ ហេតុ ធម្មោ ឧប្បជ្ជតិ ហេតុបច្ចយា… ហេតុយា នវ.

នកេនចិ នវិញ្ញេយ្យំ ននហេតុំ ធម្មំ បដិច្ច កេនចិ នវិញ្ញេយ្យោ នហេតុ ធម្មោ ឧប្បជ្ជតិ ហេតុបច្ចយា… ហេតុយា នវ.