អហេតុកបទំ

បច្ចយចតុក្កំ

៩. ហេតុំ អហេតុកំ ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១)

នហេតុំ អហេតុកំ ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១)

ហេតុំ អហេតុកញ្ច នហេតុំ អហេតុកញ្ច ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ ឯកំ, អវិគតេ តីណិ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១០. ហេតុ អហេតុកោ ធម្មោ នហេតុស្ស អហេតុកស្ស ធម្មស្ស ហេតុបច្ចយេន បច្ចយោ. (១)

ហេតុ អហេតុកោ ធម្មោ ហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. ហេតុ អហេតុកោ ធម្មោ នហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. (២)

នហេតុ អហេតុកោ ធម្មោ នហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. នហេតុ អហេតុកោ ធម្មោ ហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. (២) (សំខិត្តំ.)

១១. ហេតុយា ឯកំ, អារម្មណេ ចត្តារិ, អវិគតេ ចត្តារិ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)