១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. ហេតុំ សហេតុកំ ធម្មំ បដិច្ច ហេតុ សហេតុកោ ធម្មោ ឧប្បជ្ជតិ ហេតុបច្ចយា. ហេតុំ សហេតុកំ ធម្មំ បដិច្ច នហេតុ សហេតុកោ ធម្មោ ឧប្បជ្ជតិ ហេតុបច្ចយា. ហេតុំ សហេតុកំ ធម្មំ បដិច្ច ហេតុ សហេតុកោ ច នហេតុ សហេតុកោ ច ធម្មា ឧប្បជ្ជន្តិ ហេតុបច្ចយា. (៣)

២. នហេតុំ សហេតុកំ ធម្មំ បដិច្ច នហេតុ សហេតុកោ ធម្មោ ឧប្បជ្ជតិ ហេតុបច្ចយា. នហេតុំ សហេតុកំ ធម្មំ បដិច្ច ហេតុ សហេតុកោ ធម្មោ ឧប្បជ្ជតិ ហេតុបច្ចយា. នហេតុំ សហេតុកំ ធម្មំ បដិច្ច ហេតុ សហេតុកោ ច នហេតុ សហេតុកោ ច ធម្មា ឧប្បជ្ជន្តិ ហេតុបច្ចយា. (៣)

៣. ហេតុំ សហេតុកញ្ច នហេតុំ សហេតុកញ្ច ធម្មំ បដិច្ច ហេតុ សហេតុកោ ធម្មោ ឧប្បជ្ជតិ ហេតុបច្ចយា. ហេតុំ សហេតុកញ្ច នហេតុំ សហេតុកញ្ច ធម្មំ បដិច្ច នហេតុ សហេតុកោ ធម្មោ ឧប្បជ្ជតិ ហេតុបច្ចយា. ហេតុំ សហេតុកញ្ច នហេតុំ សហេតុកញ្ច ធម្មំ បដិច្ច ហេតុ សហេតុកោ ច នហេតុ សហេតុកោ ច ធម្មា ឧប្បជ្ជន្តិ ហេតុបច្ចយា. (៣)

៤. ហេតុយា នវ, អារម្មណេ នវ…បេ… អវិគតេ នវ. (សំខិត្តំ.)

បច្ចនីយំ

នអធិបតិបច្ចយោ

៥. ហេតុំ សហេតុកំ ធម្មំ បដិច្ច ហេតុ សហេតុកោ ធម្មោ ឧប្បជ្ជតិ នអធិបតិបច្ចយា. (សំខិត្តំ.)

នអធិបតិយា នវ, នបុរេជាតេ នវ, នបច្ឆាជាតេ នវ, នកម្មេ តីណិ, នវិបាកេ នវ, នវិប្បយុត្តេ នវ. (សំខិត្តំ.)

ហេតុបច្ចយា នអធិបតិយា នវ. (សំខិត្តំ.)

នអធិបតិបច្ចយា ហេតុយា នវ. (សំខិត្តំ.)

(សហជាតវារម្បិ បច្ចយវារម្បិ និស្សយវារម្បិ សំសដ្ឋវារម្បិ សម្បយុត្តវារម្បិ បដិច្ចវារសទិសំ.)

ហេតុ-អារម្មណបច្ចយា

៦. ហេតុ សហេតុកោ ធម្មោ ហេតុស្ស សហេតុកស្ស ធម្មស្ស ហេតុបច្ចយេន បច្ចយោ. ហេតុ សហេតុកោ ធម្មោ នហេតុស្ស សហេតុកស្ស ធម្មស្ស ហេតុបច្ចយេន បច្ចយោ. ហេតុ សហេតុកោ ធម្មោ ហេតុស្ស សហេតុកស្ស ច នហេតុស្ស សហេតុកស្ស ច ធម្មស្ស ហេតុបច្ចយេន បច្ចយោ. (៣)

៧. ហេតុ សហេតុកោ ធម្មោ ហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. ហេតុ សហេតុកោ ធម្មោ នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. ហេតុ សហេតុកោ ធម្មោ ហេតុស្ស សហេតុកស្ស ច នហេតុស្ស សហេតុកស្ស ច ធម្មស្ស អារម្មណបច្ចយេន បច្ចយោ. (៣)

នហេតុ សហេតុកោ ធម្មោ នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. នហេតុ សហេតុកោ ធម្មោ ហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. នហេតុ សហេតុកោ ធម្មោ ហេតុស្ស សហេតុកស្ស ច នហេតុស្ស សហេតុកស្ស ច ធម្មស្ស អារម្មណបច្ចយេន បច្ចយោ. (៣)

ហេតុ សហេតុកោ ច នហេតុ សហេតុកោ ច ធម្មា ហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. ហេតុ សហេតុកោ ច នហេតុ សហេតុកោ ច ធម្មា នហេតុស្ស សហេតុកស្ស ធម្មស្ស អារម្មណបច្ចយេន បច្ចយោ. ហេតុ សហេតុកោ ច នហេតុ សហេតុកោ ច ធម្មា ហេតុស្ស សហេតុកស្ស ច នហេតុស្ស សហេតុកស្ស ច ធម្មស្ស អារម្មណបច្ចយេន បច្ចយោ. (៣) (សំខិត្តំ.)

៨. ហេតុយា តីណិ, អារម្មណេ នវ…បេ… ឧបនិស្សយេ នវ អវិគតេ នវ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)

អហេតុកបទំ

បច្ចយចតុក្កំ

៩. ហេតុំ អហេតុកំ ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១)

នហេតុំ អហេតុកំ ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១)

ហេតុំ អហេតុកញ្ច នហេតុំ អហេតុកញ្ច ធម្មំ បដិច្ច នហេតុ អហេតុកោ ធម្មោ ឧប្បជ្ជតិ ហេតុបច្ចយា. (១) (សំខិត្តំ.)

ហេតុយា តីណិ, អារម្មណេ ឯកំ, អវិគតេ តីណិ. (សំខិត្តំ. សហជាតវារម្បិ…បេ… សម្បយុត្តវារម្បិ បដិច្ចវារសទិសំ.)

១០. ហេតុ អហេតុកោ ធម្មោ នហេតុស្ស អហេតុកស្ស ធម្មស្ស ហេតុបច្ចយេន បច្ចយោ. (១)

ហេតុ អហេតុកោ ធម្មោ ហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. ហេតុ អហេតុកោ ធម្មោ នហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. (២)

នហេតុ អហេតុកោ ធម្មោ នហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. នហេតុ អហេតុកោ ធម្មោ ហេតុស្ស អហេតុកស្ស ធម្មស្ស អារម្មណបច្ចយេន បច្ចយោ. (២) (សំខិត្តំ.)

១១. ហេតុយា ឯកំ, អារម្មណេ ចត្តារិ, អវិគតេ ចត្តារិ. (សំខិត្តំ.)

(យថា កុសលត្តិកេ បញ្ហាវារំ, ឯវំ វិត្ថារេតព្ពំ.)