១-២១. កុសលត្តិក-សនិទស្សនត្តិកំ

២៥. នកុសលំ នសនិទស្សនសប្បដិឃំ ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ.

នអកុសលំ នសនិទស្សនសប្បដិឃំ ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ.

នអព្យាកតំ នសនិទស្សនសប្បដិឃំ ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ.

នកុសលំ នសនិទស្សនសប្បដិឃញ្ច នអព្យាកតំ នសនិទស្សនសប្បដិឃញ្ច ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ.

នអកុសលំ នសនិទស្សនសប្បដិឃញ្ច នអព្យាកតំ នសនិទស្សនសប្បដិឃញ្ច ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ.

នកុសលំ នសនិទស្សនសប្បដិឃញ្ច នអកុសលំ នសនិទស្សនសប្បដិឃញ្ច ធម្មំ បដិច្ច អព្យាកតោ សនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា. ឯកំ. ហេតុយា ឆ.

២៦. នកុសលំ នអនិទស្សនសប្បដិឃំ ធម្មំ បដិច្ច អព្យាកតោ អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា… ហេតុយា ឆ.

នកុសលំ នអនិទស្សនអប្បដិឃំ ធម្មំ បដិច្ច អព្យាកតោ អនិទស្សនសប្បដិឃោ ធម្មោ ឧប្បជ្ជតិ ហេតុបច្ចយា… ហេតុយា តីណិ.